مەجٸلٸستٸڭ جالپى وتىرىسىندا دەپۋتات دٷيسەنباي تۇرعانوۆ مەديتسينالىق قالدىقتاردى جيناۋدى رەتكە كەلتٸرۋ كەرەكتٸگٸن ايتتى. بۇل قازاقستاندىقتاردىڭ دەنساۋلىعى مەن قورشاعان ورتاعا ايتارلىقتاي قاۋٸپ تٶندٸرەدٸ.
بۇل تۋرالى مەجٸلٸسمەن ەلٸمٸزدٸڭ پرەمەر-مينيسترٸنٸڭ بٸرٸنشٸ ورىنباسارى رومان سكلياردىڭ اتىنا جولداعان دەپۋتاتتىق ساۋالىندا كٶتەردٸ, دەپ حابارلايدى قازاقپارات.
د.تۇرعانوۆتىڭ ايتۋىنشا, مەديتسينالىق قالدىقتاردىڭ ٶسۋ پروبلەماسى, ەسٸرەسە, بٷگٸندە كوروناۆيرۋس پاندەميياسى كەزٸندە ەلٸمٸز ٷشٸن ٶتە ٶزەكتٸ. مەديتسينا قالدىقتارىمەن دۇرىس جۇمىس ٸستەمەۋ حالىقتىڭ دەنساۋلىعىنا قاۋٸپ تۋدىرادى. بٸر رەت قولدانىلاتىن شپريتستەردٸ, تامىزعىشتاردى, تاڭعىشتاردى دەزينفەكتسييالاۋ رەجيمٸنٸڭ بۇزىلۋىنا بايلانىستى دەزينفەكتسييالانباعان قالدىق مەديتسينا مەكەمەلەرٸنٸڭ قوقىس كونتەينەرلەرٸنە تاستالادى. بۇل ودان ەرٸ ەرتٷرلٸ ينفەكتسييالاردىڭ پايدا بولۋ جەنە تارالۋ قاۋپٸن تۋدىرادى.
سونىمەن قاتار, دەپۋتات مەديتسينا قالدىقتارىن ٶڭدەۋ جەنە كەدەگە جاراتۋ قورشاعان ورتاعا پاتوگەندٸ نەمەسە ۋلى لاستاۋشى زاتتاردى شىعارۋ ارقىلى جاناما تٷردە دەنساۋلىققا قاۋٸپ تٶندٸرۋٸ مٷمكٸن ەكەنٸن ايتتى.
د.تۇرعانوۆتىڭ سٶزٸنە قاراعاندا, دەنساۋلىق ساقتاۋ, ەكولوگييا, گەولوگييا جەنە تابيعي رەسۋرستار مينيسترلٸكتەرٸ تاراپىنان جاسالىپ جاتقان شارالار جەتكٸلٸكسٸز ەكەنٸ انىق. اتاپ ايتقاندا, ساپاسىز كەدەگە جاراتۋ سەبەپتەرٸنٸڭ بٸرٸ اتالعان قىزمەتتەردٸ ليتسەنزييالاۋعا جاتاتىن قىزمەت تٷرلەرٸنٸڭ تٸزبەسٸنەن الىپ تاستاۋعا قاتىستى بولىپ وتىر. الايدا مينيسترلٸك ەلٸ دە زاڭناماعا تيٸستٸ ٶزگەرٸستەر ەنگٸزۋگە باستاما كٶتەرگەن جوق.
ونىڭ پايىمىنشا, مۇنداي كەسٸپورىندارعا ەكولوگييالىق كودەكسكە سەيكەس بەلگٸلٸ بٸر تالاپتار قويىلۋى تيٸس.
«بۇل تالاپتار ورىندالىپ جاتىر ما, ونى كٸم باقىلايدى? قايتا ٶڭدەۋ قىزمەتٸن ۇسىناتىن كومپانييالاردا تيٸستٸ قوندىرعىلار بار ما جەنە ولار قاجەتتٸ تالاپتارعا ساي ما? مەديتسينا قالدىقتارىن كەدەگە جاراتۋ ەرەجەلەرٸن بۇزعانى ٷشٸن قولدانىلاتىن جازالار قانشالىقتى تيٸمدٸ?» – دەپ سۇرادى دەپۋتات.
دٷيسەنباي تۇرعانوۆ وسىعان بايلانىستى مەديتسينا قالدىقتارىن كەدەگە جاراتۋ بويىنشا قىزمەت كٶرسەتەتٸن كەسٸپورىنداردىڭ قىزمەتٸنە باقىلاۋدى كٷشەيتۋ, ناقتى ستاندارتتار ەزٸرلەۋ ارقىلى قاجەتتٸ قۇرال-جابدىقتاردى كەدەگە جاراتۋ بويىنشا قىزمەت كٶرسەتەتٸن كەسٸپورىندارعا قويىلاتىن تالاپتاردى كٷشەيتۋ, سونداي-اق قاجەتتٸ قۇجاتتاردى ەزٸرلەۋ قاجەت دەپ سانايدى.
