ەلٸمٸزدەگٸ مەديتسينا ۋنيۆەرسيتەتتەرٸ دوكتورانتتارعا جوعارىلاتىلعان شەكٸرتاقى تٶلەمەي وتىر. بۇل تۋرالى قر بٸلٸم جەنە عىلىم مينيسترلٸگٸ جوعارى جەنە جوعارى وقۋ ورنىنان كەيٸنگٸ بٸلٸم دەپارتامەنتٸنٸڭ ديرەكتورى ەدٸلەت تويباەۆ ايتتى, دەپ حابارلايدى قازاقپارات.
«مەملەكەت باسشىسىنىڭ 2019 جىلعى 10 قازاندا بەرگەن تاپسىرماسى بويىنشا شەكٸرتاقى جوعارى وقۋ ورىندارىندا بارلىق دەڭگەيدە 25 پايىزعا ٶسكەن بولاتىن. وسىلايشا, باكالاۆريات دەڭگەيٸندە شەكٸرتاقى 26 186 تەڭگەگە, ماگيستراتۋرادا 66 913 تەڭگەگە, دوكتورانتۋرادا 102 498 تەڭگەگە كٶتەرٸلدٸ. بۇل شەكٸرتاقى 2020 جىلدىڭ 1 قاڭتارىنان تٶلەنە باستادى. وسى جىلدىڭ 1 قىركٷيەگٸنەن باستاپ شەكٸرتاقى تاعى ٶستٸ. بۇل مەملەكەت باسشىسىنىڭ ۇلتتىق قوعامدىق سەنٸم كەڭەسٸ وتىرىسىندا بەرگەن تاپسىرماسى اياسىندا ٸسكە اسىرىلعان ەدٸ. شەكٸرتاقى مٶلشەرٸ بولاشاق پەداگوگتار مەن دوكتورانتۋرادا بٸلٸم الۋشىلارعا ۇلعايتىلدى», - دەدٸ ول مينيسترلٸكتٸڭ اپپارات كەڭەسٸندە.
ونىڭ ايتۋىنشا, قازٸرگٸ ۋاقىتتا پەداگوگيكا ماماندىعى بويىنشا شەكٸرتاقى مٶلشەرٸ 42 مىڭ تەڭگەگە دەيٸن, ال دوكتورانتۋرادا 150 مىڭ تەڭگەگە دەيٸن ٶستٸ.
«بۇل پەداگوگيكالىق ماماندىقتاردىڭ تارتىمدىلىعىن ارتتىرادى جەنە دوكتورانتۋرادا عىلىمي-زەرتتەۋ جۇمىستارىمەن اينالىسۋعا كٶبٸرەك مٷمكٸندٸك بەرەدٸ دەپ ويلايمىز. قازٸرگٸ ۋاقىتتا وسى شەكٸرتاقى 1 قىركٷيەكتەن باستاپ پەداگوگ ماماندارىن دايىندايتىن 47 جوو-نىڭ 45-ٸندە بەرٸلە باستادى. ال ەكٸ جوعارى وقۋ ورنىنا 30 قىركٷيەكتە جوعارىلاتىلعان شەكٸرتاقى تٶلەدٸ. دوكتورانتۋرا بويىنشا 55 جوعارى وقۋ ورنى بار. سونىڭ 47-سٸ ۇلعايتىلعان شەكٸرتاقى بەردٸ. ال 8 جوو شەكٸرتاقىنى بۇرىنعى دەڭگەيمەن تٶلەگەن. ولاردىڭ كٶبٸسٸ مەديتسينالىق ۋنيۆەرسيتەتتەر بولىپ وتىر», - دەدٸ ەدٸلەت تويباەۆ.
كوميتەت باسشىسىنىڭ ايتۋىنشا, بۇل مەسەلە بويىنشا دەنساۋلىق ساقتاۋ مينيسترلٸگٸمەن جۇمىس جٷرگٸزٸلدٸ. جاقىن ارادا اتالعان ۋنيۆەرسيتەتتەر دوكتورانتتارعا جوعارىلاتىلعان شەكٸرتاقى تٶلەيدٸ.
