29 ناۋرىزدا ستامبۋلدا ٶتكەن كەلٸسسٶز كەزٸندە ۋكراينا رەسەيدٸڭ "نەگٸزگٸ تالاپتارىمەن" كەلٸستٸ. سەرسەنبٸ كٷنٸ رەسەي دەلەگاتسيياسىنىڭ جەتەكشٸسٸ ۆلاديمير مەدينسكيي وسىلاي دەپ مەلٸمدەدٸ.
مەدينسكييدٸڭ سٶزٸنە قاراعاندا, ۋكراينا جاعى رەسەيمەن كەلٸسۋگە دايار ەكەنٸن العاش رەت مەلٸمدەگەن. رەسەي تالاپتارىنىڭ اراسىندا ۋكراينانىڭ ناتو-عا قوسىلۋدان باس تارتۋى, ۋكرايناعا شەتەل ەسكەري بازاسىن شوعىرلاندىرۋ مەن ەسكەري كونتينگەنتتٸ ورنالاستىرماۋ, كەپٸل مەملەكەتتەردٸڭ (اراسىندا رەسەي دە بار) كەلٸسٸمٸنسٸز ەسكەري جاتتىعۋ ٶتكٸزبەۋ سيياقتى تالاپتار بار.
"ەگەر بۇل شارتتاردىڭ بارلىعى ورىندالسا, وندا ۋكراينا اۋماعىندا ناتو پلاتسدارمىن ورنالاستىرۋ قاتەرٸ جويىلادى" دەدٸ مەدينسكيي. ونىڭ ايتۋىنشا, تاراپتار قىرىم مەن دونباسس مەسەلەسٸ بويىنشا كەلٸسٸمگە كەلمەگەن.
مەدينسكيي "ۋكراينا ۇسىنىستارى رەسەي تالاپتارىنا سەيكەس كەلەدٸ" دەپ ايتقانمەن, مەسكەۋ ەۋ باستا, ۋكرايناعا سوعىس اشاردا كيەۆكە باسقا تالاپتار قويعان. رەسەي باسقىنشىلىعى باستالار تۇستا پرەزيدەنت ۆلاديمير پۋتين "ەسكەري وپەراتسييانىڭ" ماقساتى ۋكراينانى "دەناتسيفيكاتسييا" جەنە "دەميليتاريزاتسييالاۋ" دەپ مەلٸمدەگەن. مەسكەۋ سونىمەن بٸرگە كيەۆ قىرىم اننەكسيياسى مەن دونباستاعى "حالىق رەسپۋبليكالارىنىڭ" تەۋەلسٸزدٸگٸن مويىنداۋى تيٸس دەگەن.
ال ستامبۋلدا ۋكراينا تارابى بەرگەن ۇسىنىستار اراسىندا دەميليتاريزاتسييا جەنە دەناتسيفيكاتسييا جٶنٸندە سٶز جوق, كيەۆ تەرريتورييا تۇتاستىعىنان باس تارتپايتىنىن مەلٸمدەگەن. كيەۆ تەك قىرىمنىڭ ستاتۋس-كۆوسىن تاعى 15 جىلعا سوزۋمەن كەلٸسكەن. وسى ۋاقىت ارالىعىندا مەسكەۋمەن ونىڭ ەرٸ قارايعى تاعدىرىن تالقىلاۋدى ۇسىنعان.
ۆلاديمير پۋتين ۋكراينا ۇسىنىسىنا بايلانىستى تٷسٸنٸكتەمە بەرمەدٸ. رەسەي سىرتقى ٸستەر مينيسترٸ سەرگەي لاۆروۆ سەرسەنبٸ كٷنٸ كەلٸسسٶزدە "ەدەۋٸر ٸلگەرٸلەۋشٸلٸك" بايقالعانىن ايتىپ, ۋكراين دەلەگاتسيياسى قىرىم مەن دونباسس مەسەلەسٸنٸڭ "تٷبەگەيلٸ شەشٸلگەنٸنە" تٷسٸنٸستٸك تانىتتى دەپ مەلٸمدەگەن.
ال ۋكراينا سىرتقى ٸستەر مينيسترلٸگٸ لاۆروۆتىڭ مەلٸمدەمەسٸن جوققا شىعاردى. ۆەدومستۆو تٷبەگەيلٸ شەشٸم "ۋكراينا ەگەمەندٸگٸ قالپىنا كەلگەننەن كەيٸن" بولاتىنىن ايتتى.
ستامبۋلداعى كەلٸسسٶزدٸڭ نەتيجەسٸنە تٷسٸنٸكتەمە بەرگەن ۋكراينا دەلەگاتسيياسىنىڭ مٷشەلەرٸ جەنە پرەزيدەنت ۆلاديمير زەلەنسكييدٸڭ ايتۋىنشا, ۋكراينا ۇسىنىستارى قابىلدانسا, مەملەكەت قاۋٸپسٸزدٸك كەپٸلدٸگٸنە يە بولادى. كيەۆ ۋكراينا تەرريتوريياسىنان, ونىڭ ٸشٸندە قىرىم مەن دونباستان باس تارتپايتىنىن جەنە رەسەي ەسكەرٸن الىپ كەتكەننەن كەيٸن عانا كەلٸسٸمگە قول قوياتىنىن ايتىپ وتىر.
كەلەسٸ كەلٸسسٶزدٸڭ قاشان ٶتەتٸنٸ بەلگٸسٸز. ۋكراينادا سوعىس ەلٸ توقتامادى.
