بٷگٸن مەجٸلٸستٸڭ ەكولوگييا مەسەلەلەرٸ جەنە تابيعات پايدالانۋ كوميتەتٸنٸڭ وتىرىسى ٶتٸپ, وندا قازاقستان رەسپۋبليكاسى تٶتەنشە جاعدايلار مينيسترٸ قىزمەتٸنە تاعايىنداۋ ٷشٸن يۋريي يليننٸڭ كانديداتۋراسى كەلٸسٸلدٸ. بۇل تۋرالى مەجٸلٸستٸڭ باسپاسٶز قىزمەتٸ حابارلادى.
جۋىردا عانا مەملەكەت باسشىسى قاسىم-جومارت توقاەۆ قازاقستان حالقىنا جولداۋىندا تٶتەنشە جاعدايلار مينيسترلٸگٸن قايتا قۇرۋدى تاپسىرعان بولاتىن. وسىعان وراي, «قازاقستان رەسپۋبليكاسىنىڭ پارلامەنتٸ جەنە ونىڭ دەپۋتاتتارىنىڭ مەرتەبەسٸ تۋرالى» كونستيتۋتسييالىق زاڭنىڭ 22-1 بابىنا سەيكەس, يۋريي يليننٸڭ كانديداتۋراسى مەجٸلٸستٸڭ بەيٸندٸ كوميتەتٸنە ۇسىنىلدى.
اعىمداعى سەسسييادا مەجٸلٸستە ەنگٸزٸلگەن مينيسترلەردٸ كەلٸسۋدٸڭ جاڭا نىسانىنا سەيكەس, يۋريي يلين دەپۋتاتتاردىڭ سۇراقتارىنا جاۋاپ بەرٸپ, ٶزٸنٸڭ جۇمىسىن ۇيىمداستىرۋ تۋرالى وي-پٸكٸرٸن جەتكٸزدٸ.
اتاپ ايتقاندا, دەپۋتاتتار «كازاۆياسپاس» قىزمەتٸ, تٶتەنشە جاعدايلار تۋرالى ەسكەرتۋدٸڭ دەيەكتٸلٸگٸن ارتتىرۋ, بەلسەندٸ شارالاردى ەزٸرلەۋ, ٶندٸرٸستٸك, مۇناي, جارىلۋ قاۋپٸ جوعارى كەسٸپورىنداردا ٶرت قاۋٸپسٸزدٸگٸن قامتاماسىز ەتۋ بويىنشا جۇمىستاردىڭ تيٸمدٸلٸگٸن ارتتىرۋ مەسەلەلەرٸن كٶتەردٸ.
سونىمەن بٸرگە مەجٸلٸس دەپۋتاتتارى پالاتانىڭ قاراۋىندا جاتقان زاڭ جوبالارى بويىنشا دەپۋتاتتىق كورپۋسپەن جەدەل ٶزارا جۇمىس ٸستەۋدٸڭ قاجەتتٸلٸگٸنە نازار اۋداردى.
كوميتەت وتىرىسىنىڭ نەتيجەسٸ بويىنشا تيٸستٸ قورىتىندى قابىلداندى. قۇجاتتا مەجٸلٸستٸڭ ەكولوگييا مەسەلەلەرٸ جەنە تابيعات پايدالانۋ كوميتەتٸ يلين يۋريي ۆيكتوروۆيچتىڭ كانديداتۋراسىن قاراي وتىرىپ, ونى قازاقستان رەسپۋبليكاسىنىڭ تٶتەنشە جاعدايلار مينيسترٸ قىزمەتٸنە تاعايىنداۋعا ۇسىنۋعا بولادى دەپ سانايدى.
