بٷگٸن مەجٸلٸستە پالاتا cپيكەرٸ نۇرلان نىعماتۋلينننٸڭ تٶراعالىعىمەن «قازاقستان رەسپۋبليكاسىندا بەيبٸت جينالىستاردى ۇيىمداستىرۋ جەنە ٶتكٸزۋ تەرتٸبٸ تۋرالى» زاڭ جوباسىنا قاتىستى دٶڭگەلەك ٷستەل وتىرىسى ٶتتٸ. بۇل تۋرالى "ۇلت اقپارات" مەجٸلٸستٸڭ باسپاسٶز قىزمەتٸنە سٸلتەمە جاساپ حابارلايدى.
پرەزيدەنتتٸڭ باستاماسىمەن ەلدە تٶتەنشە جاعداي جارييالانۋىنا بايلانىستى دٶڭگەلەك ٷستەل 9 ايماقپەن بەينە بايلانىس فورماتىندا ۇيىمداستىرىلدى.
وعان دەپۋتاتتارمەن قاتار, مەملەكەتتٸك ورگان باسشىلارى, مەجٸلٸسكە كٸرمەگەن ساياسي پارتييالار, قوعامدىق جەنە مەملەكەتتٸك ەمەس ۇيىم مٷشەلەرٸ, اقپارات قۇرالدارى ٶكٸلدەرٸ قاتىستى.
العى سٶز العان مەجٸلٸس تٶراعاسى بۇل قۇجات ەلٸمٸز ٷشٸن ٶتە ماڭىزدى ەكەنٸن ايتا كەلٸپ, مەملەكەت باسشىسى قاسىم-جومارت كەمەلۇلى توقاەۆ قازاقستان حالقىنا جولداۋىندا ميتينگتەر تۋرالى زاڭدى جەتٸلدٸرۋ تۋرالى تاپسىرما بەرگەنٸن اتاپ ٶتتٸ. وسىعان وراي, ەزٸرلەنگەن زاڭ جوباسى قوعامدىق دەڭگەيدە ۇزاق تالقىلانىپ, مەجٸلٸس قاراۋىنا ەنگٸزٸلدٸ. بٷگٸندە جۇمىس توبى بەلسەندٸ ٸسكە كٸرٸسكەن.
دٶڭگەلەك ٷستەلدە زاڭ جوباسىنىڭ حالىق اراسىندا پٸكٸرتالاس تۋدىرعان نورمالارىنا باسا نازار اۋدارىلدى. مەسەلەن, بەيبٸت جينالىستاردى ۇيىمداستىرۋ مەن ٶتكٸزۋ ورىندارىنا قاتىستى سۇراققا كەلگەندە مەجٸلٸس سپيكەرٸ, بارلىق دامىعان ەلدەردە ميتينگ, جيىن, شەرۋ باسقا دا بەيبٸت جينالىستاردى ٶتكٸزۋ ٷشٸن ارنايى تالاپ بارىن ايتتى. مىسالى, جينالىستى ۇيىمداستىرۋشىلار ونىڭ ماقساتىن, تاقىرىبىن الدىن-الا ايتۋ كەرەك.
بۇل ەلەمدٸك تەجٸريبە. تاقىرىپ تٶڭٸرەگٸندە, ادام قۇقىقتارى جٶنٸندەگٸ ۋەكٸل ەلۆيرا ازيموۆا, «قازاقستاندا پارلامەنتاريزمدٸ دامىتۋ قورىنىڭ» تٶرايىمى زەۋرەش باتتالوۆا, قۇقىققورعاۋشى ەۆگەنيي جوۆتيس, قوعام قايراتكەرٸ مۇحتار تايجان, «قازاقستاننىڭ ازاماتتىق اليانسى» زاڭدى تۇلعالار بٸرلەستٸگٸنٸڭ پرەزيدەنتٸ اسىلبەك قوجاحمەتوۆ باسقا دا قوعام بەلسەندٸلەرٸ ٶز پٸكٸرلەرٸن ورتاعا سالدى.
ن. نىعماتۋلين بۇل نورمانى ەكٸنشٸ وقىلىمعا دەيٸن پىسىقتاۋ كەرەكتٸگٸن ايتتى.
زاڭ جوباسىنىڭ پٸكٸر تۋدىرعان تاعى بٸر نورماسى ول ٶتٸنٸشتەر مەن حابارلاندىرۋلاردى قاراۋ مەرزٸمٸنە بايلانىستى. ٷكٸمەتتٸك جوبادا ميتينگتەر مەن جينالىستاردى ٶتكٸزۋ ٷشٸن جەرگٸلٸكتٸ اتقارۋشى ورگانعا 15 كٷننەن كەشٸكتٸرمەي, ال ەرەۋٸل ۇيىمداستىرۋ ٷشٸن 10 كٷننەن كەشٸكتٸرمەي حابارلاندىرۋ جٸبەرۋ كەرەكتٸگٸ تۋرالى نورما بار. قوعامدىق ٶكٸلدەر بۇل مەرزٸمدٸ قىسقارتۋ تۋرالى پٸكٸردٸ العا تارتتى. مەجٸلٸس تٶراعاسى دا وسى پٸكٸردٸ قوستا كەلٸپ, ەكٸنشٸ وقىلىمعا دەيٸن ناقتىلاۋدى تاپسىردى.
تالقىلانىپ وتىرعان قۇجاتتىڭ جۋرناليستەرگە قاتىستى نورماسىندا دا پٸكٸر الۋاندىعى بار. ميتينگتٸ جازىپ, كٶرسەتۋ ٷشٸن جۋرناليستەرگە قويىلاتىن تىيىمدار مەن مٸندەتتەمەلەر تٸزٸمٸ نارازىلىق تۋدىرعان.
مەجٸلٸس تٶراعاسىنىڭ ايتۋىنشا, جۋرناليستەردٸڭ قۇقىقتارى مەن مەرتەبەسٸ قورعالۋ كەرەك. سەبەبٸ, جۋرناليستەردٸ جان-جاقتى قولداعان كەزدە عانا ەركٸن جۇمىس ٸستەپ, حالىقتى بارلىق اقپاراتپەن قامتاماسىز ەتە الادى. سول ٷشٸن جۋرناليستەرگە بەيبٸت شەرۋگە قاتىسۋمەن قاتار, بارلىق اقپاراتتارعا اشىق جەنە تەز قول جەتكٸزۋگە مٷمكٸندٸك جاساۋ كەرەك.
دٶڭگەلەك ٷستەل بارىسىندا زاڭ جوباسىنىڭ باسقا دا نورمالارىنا قاتىستى ٶزەكتٸ سۇراقتار كٶتەرٸلدٸ. مەجٸلٸس تٶراعاسى ايتىلعان پٸكٸرلەر مەن ۇسىنىستاردىڭ بارلىعى ەكٸنشٸ وقىلىمعا دەيٸن جۇمىس توبىندا سارالانىپ, پىسىقتالاتىنىن العا تارتا كەلٸپ, حالىققا قاجەتتٸ, شىنايى جۇمىس ٸستەيتٸن زاڭ قابىلداۋ قاجەتتٸگٸن ايتتى.
