پارلامەنت مەجٸلٸسٸنٸڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە دەنە شىنىقتىرۋ جەنە سپورت مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى ماقۇلداندى, دەپ حابارلايدى "ۇلت اقپارات".
زاڭ جوباسى قولدانىستاعى زاڭنامانى بۇقارالىق سپورتتى دامىتۋ جەنە حالىقتى, بٸرٸنشٸ كەزەكتە بالالاردى سپورتپەن ەرٸ دەنە شىنىقتىرۋمەن اينالىسۋعا بارىنشا تارتۋ بٶلٸگٸندە جەتٸلدٸرۋگە باعىتتالعان.
«قۇجاتتىڭ نەگٸزگٸ باعىتتارىنا توقتالساق, ٶكٸلەتتٸ ورگاننىڭ قۇزىرەتٸن كەڭەيتۋ, جەرگٸلٸكتٸ اتقارۋشى ورگانداردىڭ قۇزىرەتٸن كەڭەيتۋ, سپورتتىق ينفراقۇرىلىمنىڭ قولجەمدٸلٸگٸ, بٸلٸم بەرۋ سالاسىنداعى جاڭالىقتار قامتىلعان. ٶكٸلەتتٸ ورگاننىڭ قۇزىرەتٸ ۇلتتىق سپورت تٷرلەرٸ بويىنشا تٸزبەنٸ بەكٸتۋ قىزمەتٸمەن تولىقتىرىلادى», - دەدٸ مەدەنيەت جەنە سپورت مينيسترٸ اقتوتى رايىمقۇلوۆا.
جەرگٸلٸكتٸ اتقارۋشى ورگانداردىڭ قۇزىرەتٸ كەلەسٸ قىزمەتتەرمەن تولىقتىرىلادى: دەرٸگەرلٸك-دەنە شىنىقتىرۋ ديسپانسەرلەرٸنٸڭ سانىن ارتتىرۋ, حالىقپەن جۇمىس ٸستەۋ ٷشٸن دەنە شىنىقتىرۋ جەنە سپورت نۇسقاۋشىلارىمەن قامتاماسىز ەتۋ, اۋىل حالقى اراسىنداعى دەنە شىنىقتىرۋ ساۋىقتىرۋ قىزمەتٸ, بالالار مەن جاسٶسپٸرٸمدەرگە ارنالعان دەنە شىنىقتىرۋ دايارلىعى كلۋبتارىنىڭ جەلٸسٸن كەڭەيتۋ.
سونىمەن قاتار سپورت ينفراقۇرىلىمىنىڭ قولجەمدٸلٸگٸ اياسىندا مٷمكٸندٸگٸ شەكتەۋلٸ جاندار مەن حالىقتىڭ جٷرٸپ-تۇرۋى شەكتەۋلٸ توپتارىن قوسا العاندا, ولاردىڭ تۇرعىلىقتى جەرٸ بويىنشا جەنە كٶپشٸلٸك دەمالاتىن ورىنداردا سپورت نىساندارىنىڭ قولجەتٸمدٸلٸگٸن قامتاماسىز ەتۋ ەكەرٸلگەن. تۇرعىن ٷي كەشەندەرٸن سالۋ كەزٸندە مٷمكٸندٸگٸ شەكتەۋلٸ توپتاردىڭ قولجەتٸمدٸلٸگٸن ەسكەرە وتىرىپ, سپورت الاڭدارىمەن قامتاماسىز ەتۋ قاجەتتٸگٸ قاراستىرىلدى.
مۇنىمەن قوسا, بٸلٸم بەرۋدٸڭ بارلىق دەڭگەيلەرٸندەگٸ دەنە تەربيەسٸ ساباقتارىندا ۇلتتىق سپورت تٷرلەرٸنٸڭ قۇرامداسىن ەنگٸزۋ نازارعا الىندى.
«بارلىق جاس ساناتتارى اراسىندا دەنە شىنىقتىرۋمەن جەنە سپورتپەن اينالىساتىن حالىقتىڭ قامتۋىن 45 پايىزعا دەيٸن ۇلعايتۋ, ٶسكەلەڭ ۇرپاقتىڭ پاتريوتتىق سەزٸمٸن نىعايتۋ, سالاۋاتتى ٶمٸر سالتىن ناسيحاتتاۋ, تۇرعىلىقتى جەرٸ بويىنشا بۇقارالىق سپورتتى دامىتۋ جٶنٸندە حالىقپەن جۇمىستى ۇيىمداستىرۋ, سپورتشىلاردى مەديتسينالىق باقىلاۋ ٷشٸن جاعداي جاساۋ ەسكەرٸلگەن», - دەدٸ مەدەنيەت جەنە سپورت مينيسترٸ.
