مەجٸلٸس دەپۋتاتى قازىبەك يسا ەلٸمٸزدٸڭ تٷكپٸر-تٷكپٸرٸندەگٸ الاش ۇستانىمىن ناسيحاتتاعان, سول ٷشٸن قۇربان بولعان جەرگٸلٸكتٸ الاش قوزعالىسى قايراتكەرلەرٸنٸڭ ەسٸمدەرٸ ەلٸ دە بەلگٸسٸز بولىپ وتىرعانىن ايتتى, دەپ حابارلايدى "ۇلت اقپارات".
بيىل 30 جىلدىعى اتالىپ ٶتەتٸن قازاق ەلٸ تەۋەلسٸزدٸگٸ جولىنداعى عاسىرلار بويعى جانقييارلىق كٷرەستٸڭ ٸشٸندە الاشوردانىڭ ورنى ايرىقشا! باستى ۇرانى - جەردٸ ساتپاۋ, تٸلدٸ ساقتاۋ بولعان الاش ارىستارىن ۇلىقتاۋدى قر پرەزيدەنتٸ توقاەۆ «تەۋەلسٸزدٸك بەرٸنەن قىمبات» اتتى ماقالاسىندا باستاپ بەردٸ: «بٸز كەزٸندە ەلگە قىزمەت ەتۋدٸڭ وزىق ٷلگٸسٸن كٶرسەتكەن الاش قايراتكەرلەرٸنەن تاعىلىم الامىز... تەۋەلسٸزدٸگٸمٸزدٸڭ مەرەيتويى اياسىندا وسىنداي بٸرتۋار تۇلعالاردى ەسكە الىپ, ولاردىڭ مۇراسىن جاستارىمىزعا جەنە بٷكٸل ەلەمگە پاش ەتۋٸمٸز كەرەك» – دەپ, اتاپ كٶرسەتتٸ. الايدا, الاش دەسە قاراپايىم كٶپشٸلٸكتٸڭ ەسٸنە تەك الاشوردا ٷكٸمەتٸنٸڭ كٶرنەكتٸ كٶسەمدەرٸ ەليحان بٶكەيحان, احمەت بايتۇرسىنۇلى, مٸرجاقىپ دۋلاتۇلى سەكٸلدٸ بٸرنەشە تۇلعانىڭ ەسٸمٸ كەلەدٸ. شىن مەنٸندە بۇل تٸزٸم ەلدەقايدا اۋقىمدى», - دەدٸ ق. يسا پارلامەنت مەجٸلٸسٸنٸڭ جالپى وتىرىسىندا پرەمەر-مينيسترٸنٸڭ ورىنباسارى ەرالى توعجانوۆتىڭ اتىنا جولداعان دەپۋتاتتىق ساۋالىندا.
ونىڭ ايتۋىنشا, ەلٸمٸزدٸڭ تٷكپٸر-تٷكپٸرٸندەگٸ الاش ۇستانىمىن ناسيحاتتاعان, سول ٷشٸن قۇربان بولعان جەرگٸلٸكتٸ الاش قوزعالىسى قايراتكەرلەرٸنٸڭ ەرلٸكتەرٸ ەسكەرٸلمەي, ەسٸمدەرٸ ەلٸگە دەيٸن بەلگٸسٸز بولىپ وتىرعانى ٶكٸنٸشتٸ. بۇلاردىڭ بەرٸ تەۋەلسٸز قازاق ەلٸ ٷشٸن قۇربان بولعاندار!
«سول سەبەپتەن, 2019 جىلى «اق جول» پارتيياسىنىڭ تٶراعاسى «الاش» مەدەنيەت جەنە رۋحاني دامۋ ينستيتۋتىمەن بٸرٸگٸپ, بۇرىن بەلگٸسٸز بولىپ كەلگەن 700-دەن استام تۇلعانى قۇرايتىن جەرگٸلٸكتٸ الاش قايراتكەرلەرٸنٸڭ تٸزٸمٸن دايىندادى. الاشتانۋشى عالىمداردىڭ زەرتتەۋلەرٸنٸڭ نەگٸزٸندە جاسالعان تٸزٸمگە كٶپشٸلٸك قاۋىمعا ەسٸمدەرٸ ۇمىت بولعان ەر ٶڭٸردٸڭ جەرگٸلٸكتٸ الاش قايراتكەرلەرٸ ەنگٸزٸلدٸ. ەربٸر وبلىس, قالا ەكٸمدەرٸنە سول جەرگە قاتىسى بار, سول جەردەن شىققان الاششىل ازاماتتاردىڭ تٸزٸمٸ جٸبەرٸلٸپ, ولاردىڭ اتتارىڭ جەرگٸلٸكتٸ جەردەگٸ كٶشە, مەكتەپ, ت.ب. نىساندار اتاۋلارىنا قولدانۋدى ۇسىنعان بولاتىنبىز. الايدا, الىنعان جاۋاپتار كٶڭٸلگە قونبايدى. كٶبٸنەسە جاۋاپتار جالتارما سيپاتتا, بۇعان دەيٸن الاشتىڭ ەل اۋزىنداعى جيىرما شاقتى تانىمال باسشىلارىنىڭ ەسٸمدەرٸنٸڭ اتاۋمەن شەكتەلگەن», - دەدٸ دەپۋتات.
«سول سەبەپتەن, «اق جول» پارتيياسى, تەۋەلسٸزدٸگٸمٸزدٸڭ 30 جىلدىق مەرەيتويىنىڭ قارساڭىندا, الاش قايراتكەرلەرٸنٸڭ ەسٸمدەرٸن ونوماستيكا تۇرعىسىندا قولدانۋدى جٶن ساناپ, اتالعان تٸزٸمدٸ ٷكٸمەتكە جٸبەرٸپ وتىرمىز. وسىعان بايلانىستى, «اق جول» قدپ فراكتسيياسىنىڭ دەپۋتاتتارى, 2019 جىلى بٸز جولداعان حاتتاردى جەرگٸلٸكتٸ ەكٸمدٸكتەرگە قايتا كٶتەرۋدٸ تاپسىرىپ, مىڭداعان الاش ارىستارىنىڭ قاسيەتتٸ ەسٸمدەرٸن جەرگٸلٸكتٸ جەردە ۇلىقتاۋ شارالارىن باقىلاۋعا الۋىڭىزدى سۇرايدى», - دەدٸ قازىبەك يسا.
