فوتو: مەجٸلٸس
مەجٸلٸس دەپۋتاتى دەۋلەت مۇقاەۆ 5 مىڭ ادامنان 30 ملرد تەڭگە الداپ العان توپتىڭ مەسەلەسٸن كٶتەرٸپ, باس پروكۋروردىڭ اتىنا ساۋال جولدادى, دەپ حابارلايدى Kazinform اگەنتتٸگٸ.
«ٶتكەن جىلدىڭ ٶزٸندە 20 444 دەرەك تٸركەلٸپ, ازاماتتارعا 16,5 ملرد تەڭگەگە زالال كەلگەن. ال بيىل جىل اياقتالماسا دا, 15 مىڭعا جۋىق دەرەك تٸركەلٸپ, زارداپ كٶلەمٸ 11 ملرد تەڭگەدەن استى. ولاردىڭ قۇربانى - كٶبٸنە ٷيدە وتىرعان انالار مەن قىز-كەلٸنشەكتەر. ينتەرنەت-الاياقتىقتىڭ تٷر-تٷرٸ بار. سوڭعى ۋاقىتتا ەلەۋمەتتٸك جەلٸ ارقىلى «بايەر» دەگەن اتاۋمەن قىتاي, تٷركييا, اقش-تان ارزان تاۋار جەتكٸزۋشٸلەر كٶبەيگەن. بٸرٸ ەلٸمٸزدە تٸركەلٸپ, زاڭدى جۇمىس ٸستەسە, ەندٸ بٸرٸ حالىقتى تولىعىمەن الداپ جٷر. (...) قازٸر بايىتامىن دەيتٸن «بايەرگە» بارىن بەرگەن قارا حالىقتىڭ بازىناسىن دا جيٸ ەستٸپ جٷر», - دەدٸ دەپۋتات.
دەۋلەت مۇقاەۆ ٶزٸ ايتقان مەلٸمەتتەرگە ناقتى مىسال دا كەلتٸردٸ.
«سولاردىڭ بٸرٸ – ايس مۇراتوۆا دەگەن لاقاپ اتپەن تانىمال. شىن اتى – ارايلىم. ول سوڭعى ەكٸ جىلدا حالىقتىڭ سەنٸمٸنە كٸرٸپ, ساۋدا جاساپ, ٶزٸن جاقسى جاعىنان جارنامالاعان. ونىڭ ٸشٸندە قىتايدان ارزان تاۋارلار, ىدىس-اياقتار جٸبەرەمٸن دەگەن ەلەۋمەتتٸك جەلٸ ارقىلى ٶزٸن ٸرٸ كەسٸپكەر رەتٸندە كٶرسەتٸپ, قول استىمدا زاڭدى جۇمىسشىلارىم بار دەپ ەلدٸ سەندٸرٸپ كەلگەن. تٶلەمدەردٸ ەشقانداي كەلٸسٸمشارتسىز, ياعني كارتالىق شوتقا, اۋدارما ارقىلى جٸبەرۋدٸ سۇراعان. باسىندا از-ماز اقشاعا قاجەتتٸ تاۋارلاردى جٸبەرٸپ, كەيٸن ٸرٸ سوماعا جەتكەندە بارلىق سالىمشىنى بٸر كٷندە الداپ كەتكەن. سودان بەرٸ نە تاۋار, نە اقشا قايتارىلماعان. جەلٸدەگٸ اقپارات بويىنشا ەلٸمٸزدٸڭ ەر ٶڭٸرٸندەگٸ 5 مىڭنان استام ازاماتتان جالپى سوماسى شامامەن 30 ملرد تەڭگە جيناپ الىپ, بارلىعىن الداپ كەتكەن. ەندٸ ساۋدا جاساپ, كٷن كٶرمەكشٸ بولعان ازاماتتار ارىز جازىپ شاعىمدانساق تا, بٸرنەشە ايدان بەرٸ ەش نەتيجە شىقپايدى دەيدٸ», - دەدٸ دەپۋتات.
