قر پارلامەنتٸ مەجٸلٸسٸنٸڭ جاڭا دەپۋتاتتارى - گٷلشارا ەبدٸقالىقوۆا, نۇرجان ەشٸمبەتوۆ جەنە جۇلدىز وماربەكوۆا انت بەردٸ, دەپ حابارلايدى "ۇلت اقپارات" قازاقپارات اگەنتتٸگٸنە سٸلتەمە جاساپ.
«قازاقستان حالقىنا ادال قىزمەت ەتۋگە, قازاقستان رەسپۋبليكاسىنىڭ تۇتاستىعى مەن تەۋەلسٸزدٸگٸن نىعايتۋعا, ونىڭ كونستيتۋتسيياسى مەن زاڭدارىنا قاتاڭ باعىنۋعا, دەپۋتاتتىڭ ٶزٸمە جٷكتەلگەن مەرتەبەلٸ مٸندەتٸن ادال اتقارۋعا انت ەتەمٸن», - دەدٸ دەپۋتاتتار مەجٸلٸستٸڭ جالپى وتىرىسىندا.
سونىمەن بٸرگە, مەجٸلٸس تٶراعاسى نۇرلان نىعماتۋلين گٷلشارا ەبدٸقالىقوۆانى مەجٸلٸستٸڭ ەلەۋمەتتٸك-مەدەني دامۋ كوميتەتٸنٸڭ تٶراعاسى قىزمەتٸنە ۇسىندى. ۇسىنىستى 104 دەپۋتات ماقۇلدادى.
سەيكەسٸنشە, نۇرجان ەشٸمبەتوۆ - اگرارلىق مەسەلەلەر كوميتەتٸنە, جۇلدىز وماربەكوۆا - زاڭناما جەنە سوت-قۇقىقتىق رەفورما كوميتەتٸنٸڭ قۇرامىنا سايلاندى. تيٸستٸ قاۋلىلار قابىلداندى.
ايتا كەتكەن جٶن, مەجٸلٸستٸڭ جالپى وتىرىسىندا قازاقستان رەسپۋبليكاسى پارلامەنتٸ مەجٸلٸسٸنٸڭ دەپۋتاتتارى - باقتييار مەكەن مەن گٷلنار يكسانوۆانىڭ ٶكٸلەتتٸكتەرٸ مەرزٸمٸنەن بۇرىن توقتاتىلدى.
