مەملەكەت باسشىسىنىڭ مەلٸمدەمەسٸ داعدارىستان كەيٸنگٸ كەزەڭگە ارنالعان ناقتى ٸس-قيمىل جوسپارى. بۇل تۋرالىۆ مەجٸلٸس تٶراعاسى نۇرلان نىعماتۋلين مەلٸم ەتتٸ, دەپ حابارلايدى قازاقپارات.
«ٶزدەرٸڭٸزگە بەلگٸلٸ, كەشە عانا پرەزيدەنت قاسىم جومارت كەمەلۇلى توقاەۆ قالىپتاسقان جاعدايعا بايلانىستى ارنايى مەلٸمدەمە جاسادى. وندا مەملەكەت باسشىسى وسى كٷردەلٸ كەزەڭدە, ەلٸمٸزدٸ, حالقىمىزدى جان-جاقتى قولداۋدىڭ ٶتە ماڭىزدى ەكەنٸن ايتىپ, وسى جولدا قوسىمشا شارالار قولعا الىناتىنىن اتاپ ٶتتٸ. بۇل قازٸرگٸ ۋاقىتتا ٶتە كەرەكتٸ شارالار, ەڭ الدىمەن, ەكونوميكامىزدىڭ تٸرەگٸ - شاعىن جەنە ورتا بيزنەستٸ كٷشەيتۋگە ارنالىپ وتىر. سونىمەن بٸرگە, ازاماتتاردىڭ ەلەۋمەتتٸك جاعدايىن دا ودان ەرٸ تۇراقتى ۇستاۋعا باعىتتالعان. سول ٷشٸن رەسپۋبليكالىق بيۋدجەتتەن تيٸستٸ قاراجات بٶلٸنەدٸ. بۇل قازاقستاندىقتاردى ۋاقىتشا قيىندىقتان امان الىپ شىعۋ ٷشٸن, مەملەكەت تاراپىنان جاسالعان تاعى بٸر ناقتى قادام», - دەدٸ نۇرلان نىعماتۋلين مەجٸلٸستٸڭ جالپى وتىرىسىندا.
پالاتا تٶراعاسىنىڭ پٸكٸرٸنشە, مەملەكەت باسشىسىنىڭ مەلٸمدەمەسٸ قازٸرگٸ جاعدايدى باقىلاۋعا عانا ەمەس, سونىمەن قاتار داعدارىستان كەيٸنگٸ كەزەڭگە ارنالعان ناقتى ٸس-قيمىل جوسپارى.
وسى ورايدا ن. نىعماتۋلين بۇل شارالاردىڭ بارلىعى ۋاقىتىلى جەنە تٶتەنشە جاعداي كەزٸندە ازاماتتاردى دا, بيزنەستٸ دە قولداۋعا باعىتتالعانىن ايتا كەلە, ەندٸ قازاقستاندىقتاردىڭ ەربٸر ساناتىنا بارىنشا قىسقا مەرزٸمدە مەملەكەت تاراپىنان ماڭىزدى كٶمەكتٸ ەربٸر سالاعا جەتكٸزۋگە مٷمكٸندٸك بەرەتٸن ناقتى تەتٸكتەر قاجەتتٸگٸنە نازار اۋداردى. وسى رەتتە مەجٸلٸس تٶراعاسى بۇل جۇمىستا مەملەكەتتٸك ورگانداردىڭ دا, دەپۋتاتتىق كورپۋستىڭ دا, بيزنەس-قۇرىلىمداردىڭ دا بٸرلەسكەن كٷش-جٸگەرٸ ماڭىزدى ەكەنٸن ايتتى.
سونىمەن قاتار, مەجٸلٸس تٶراعاسى پرەزيدەنتتٸڭ اگرارلىق سەكتوردا, ەڭ الدىمەن, كٶكتەمگٸ ەگٸس جۇمىستارىن ۋاقىتىلى جٷرگٸزۋگە, سونداي-اق جول كارتاسى اياسىندا ازاماتتاردى جۇمىس ورىندارىمەن قامتاماسىز ەتۋ مەسەلەلەرٸن شەشۋ ٷشٸن جۇمىسپەن قامتۋ سالاسىنا قويعان مٸندەتتەرٸنٸڭ ٶزەكتٸلٸگٸنە ەرەكشە نازار اۋداردى.
«وسى قابىلدانعان شارالارعا سەيكەس, دەپۋتاتتىق كورپۋس داعدارىسقا قارسى شارالاردىڭ تيٸمدٸلٸگٸن قامتاماسىز ەتۋ ٷشٸن زاڭنامالىق دەڭگەيدە بارلىق قاجەتتٸ قولداۋ كٶرسەتەدٸ», - دەدٸ نۇرلان نىعماتۋلين.
بۇدان بۇرىن حابارلانعانداي, قر پرەزيدەنتٸ قاسىم-جومارت توقاەۆتىڭ رەسپۋبليكالىق تەلەارنالاردىڭ ەفيرٸنەن ەلٸمٸزدەگٸ تٶتەنشە جاعدايعا جەنە مەملەكەتتٸڭ داعدارىسقا قارسى ٸس-شارالارىنا بايلانىستى مەلٸمدەمە جاسادى.
وسى ورايدا زەينەتاقى, مەملەكەتتٸك جەردەماقى جەنە اتاۋلى ەلەۋمەتتٸك كٶمەك مٶلشەرٸ 10 پايىزعا يندەكساتسييالاناتىنى ايتىلدى.
ٶزٸن-ٶزٸ جۇمىسپەن قامتىعاندار مەن رەسمي تٸركەلمەي جۇمىس ٸستەيتٸندەر دە 42 500 تەڭگەدەن الادى.
