Memleket basshysynyń málimdemesi daǵdarystan keiingi kezeńge arnalǵan naqty is-qimyl jospary. Bul týralyv Májilis tóraǵasy Nurlan Nyǵmatýlin málim etti, dep habarlaidy QazAqparat.
«Ózderińizge belgili, keshe ǵana Prezident Qasym Jomart Kemeluly Toqaev qalyptasqan jaǵdaiǵa bailanysty arnaiy málimdeme jasady. Onda Memleket basshysy osy kúrdeli kezeńde, elimizdi, halqymyzdy jan-jaqty qoldaýdyń óte mańyzdy ekenin aityp, osy jolda qosymsha sharalar qolǵa alynatynyn atap ótti. Bul qazirgi ýaqytta óte kerekti sharalar, eń aldymen, ekonomikamyzdyń tiregi - shaǵyn jáne orta biznesti kúsheitýge arnalyp otyr. Sonymen birge, azamattardyń áleýmettik jaǵdaiyn da odan ári turaqty ustaýǵa baǵyttalǵan. Sol úshin respýblikalyq biýdjetten tiisti qarajat bólinedi. Bul qazaqstandyqtardy ýaqytsha qiyndyqtan aman alyp shyǵý úshin, memleket tarapynan jasalǵan taǵy bir naqty qadam», - dedi Nurlan Nyǵmatýlin Májilistiń jalpy otyrysynda.
Palata Tóraǵasynyń pikirinshe, Memleket basshysynyń málimdemesi qazirgi jaǵdaidy baqylaýǵa ǵana emes, sonymen qatar daǵdarystan keiingi kezeńge arnalǵan naqty is-qimyl jospary.
Osy oraida N. Nyǵmatýlin bul sharalardyń barlyǵy ýaqytyly jáne tótenshe jaǵdai kezinde azamattardy da, biznesti de qoldaýǵa baǵyttalǵanyn aita kele, endi qazaqstandyqtardyń árbir sanatyna barynsha qysqa merzimde memleket tarapynan mańyzdy kómekti árbir salaǵa jetkizýge múmkindik beretin naqty tetikter qajettigine nazar aýdardy. Osy rette Májilis tóraǵasy bul jumysta memlekettik organdardyń da, depýtattyq korpýstyń da, biznes-qurylymdardyń da birlesken kúsh-jigeri mańyzdy ekenin aitty.
Sonymen qatar, Májilis Tóraǵasy Prezidenttiń agrarlyq sektorda, eń aldymen, kóktemgi egis jumystaryn ýaqytyly júrgizýge, sondai-aq jol kartasy aiasynda azamattardy jumys oryndarymen qamtamasyz etý máselelerin sheshý úshin jumyspen qamtý salasyna qoiǵan mindetteriniń ózektiligine erekshe nazar aýdardy.
«Osy qabyldanǵan sharalarǵa sáikes, depýtattyq korpýs daǵdarysqa qarsy sharalardyń tiimdiligin qamtamasyz etý úshin zańnamalyq deńgeide barlyq qajetti qoldaý kórsetedi», - dedi Nurlan Nyǵmatýlin.
Budan buryn habarlanǵandai, QR Prezidenti Qasym-Jomart Toqaevtyń respýblikalyq telearnalardyń efirinen elimizdegi tótenshe jaǵdaiǵa jáne memlekettiń daǵdarysqa qarsy is-sharalaryna bailanysty málimdeme jasady.
Osy oraida zeinetaqy, memlekettik járdemaqy jáne ataýly áleýmettik kómek mólsheri 10 paiyzǵa indeksatsiialanatyny aityldy.
Ózin-ózi jumyspen qamtyǵandar men resmi tirkelmei jumys isteitinder de 42 500 teńgeden alady.
