قر تۇڭعىش پرەزيدەنتٸ نۇرسۇلتان نازارباەۆ مەجٸلٸس پەن مەسليحات دەپۋتاتتارى اراسىندا جاستار كٶبٸرەك بولۋى كەرەكتٸگٸن مەلٸم ەتتٸ, دەپ حابارلايدى قازاقپارات.
«پارتييا ٶزٸنٸڭ جاس بۋىنىنا قاشان دا زور كٶڭٸل بٶلٸپ كەلەدٸ. تٶرت جىل بۇرىن 2020 جىلعا دەيٸنگٸ «جاستار وتانعا» دەگەن باعدارلامانى قابىلداعان بولاتىنبىز. بيىلعى جىل – جاستار جىلى دەپ جارييالاندى. الايدا, قولداۋ شارالارى جەتكٸلٸكتٸ دەرەجەدە كٷتكەن نەتيجەنٸ بەرگەن جوق. شەشٸلمەگەن سۇراقتار كٶبەيٸپ كەتتٸ. جەمقورلىق, باسپانا مەسەلەسٸ, جۇمىسقا تۇرۋ – پارتييا بۇل مەسەلەلەردٸڭ بارلىعىن نازارىنا الۋى تيٸس. «بەس ەلەۋمەتتٸك باستاما» اياسىندا جاتاقحانالارداعى ورىنداردىڭ جەتٸسپەۋشٸلٸگٸ مەسەلەسٸن شەشۋ كٶزدەلگەن ەدٸ. اسقار ۇزاقبايۇلى (ٷكٸمەت باسشىسى اسقار مامين) بۇل جۇمىستىڭ جٷرگٸزٸلٸپ جاتقانىن بايان ەتتٸ. بٸراق, جۇمىستى ەلٸ دە كٷشەيتۋ كەرەك. جاتاقحانالارداعى ورىن جەتٸسپەۋشٸلٸگٸن شەشۋ قاجەت«, - دەدٸ ەلباسى «Nur Otan» پارتيياسى ساياسي كەڭەسٸنٸڭ كەڭەيتٸلگەن وتىرىسىندا.
نۇرسۇلتان نازارباەۆتىڭ سٶزٸنەن كەيٸن ورنىنان كٶتەرٸلگەن پرەمەر-مينيستر جاتاقحانا قۇرىلىسى بويىنشا جۇمىس جوسپاردان ارتىق ورىندالىپ جاتقانىن ايتىپ ٶتتٸ.
ودان ەرٸ ەلباسى جاتاقحانا قۇرىلىسىن سۋبسيدييالاۋ باعدارلاماسىنا توقتالدى.
«بۇرىنعى ٷكٸمەت جاتاقحانا قۇرىلىسىن سۋبسيدييالاۋ باعدارلاماسىن باستاعان بولاتىن. دەگەنمەن, ٸس جٷزٸندە ول جۇمىس جٷرمەي قالدى. جەكە سەكتور ٷشٸن بۇل تارتىمسىز بولىپ قالدى. نەلٸكتەن? انىقتاۋ كەرەك. جاستاردى سونداي-اق, جۇمىسپەن جەنە وقۋمەن قامتىپ, ەلەۋمەتتٸك ليفتتەردٸ قالىپتاستىرۋ قاجەت. بٸز قالا مەن اۋىلعا ارناپ, بۇل مەسەلەلەردٸڭ شەشٸمٸن قابىلداعانبىز. «اۋىلعا بارساڭدار, ارنايى ماماندىق بەرەمٸز» دەدٸك. جۇمىسپەن قامتيتىنىمىزدى ايتتىق. اۋىلدا جۇمىس ٸستەگٸسٸ كەلگەندەر ٷشٸن ميكرونەسيەلەر بار. جۇمىسى جوقتار ميكرونەسيە ال دا, ەكٸ سيىر ساتىپ الىپ, ٶزٸڭدٸ اسىرا! ارتىق سٷتتٸ ساتىپ, اقشا تاپ! تاماعىڭا تاپ تا, قالعانىن بازارعا اپارىپ سات. بٸلٸمٸڭمەن ٸستە. بٸز ٸستەپ جاتقان شارۋا ەلەمنٸڭ ەشبٸر جەرٸندە جوق», - دەدٸ ەلباسى.
تۇڭعىش پرەزيدەنتتٸڭ ايتۋىنشا, جاستاردى تيٸمدٸ تٷردە جۇمىسپەن قامتۋ جٷيەسٸندە كەمشٸلٸك بار.
«بٸزدە ناشار جۇمىس, جالقاۋلىق بار. مەجٸلٸس پەن مەسليحات دەپۋتاتتارى اراسىندا جاستار كٶبٸرەك بولۋى تيٸس. «Jas Otan» – جاستاردى بٸرٸكتٸرۋشٸ ورتالىققا اينالۋى قاجەت», - دەدٸ ول.
