فوتو: Piroschka Van De Wouw / Reuters
مەجٸلٸستٸڭ زاڭناما جەنە سوت-قۇقىقتىق رەفورما كوميتەتٸنٸڭ تٶرايىمى سنەجاننا يماشەۆا قىلمىستىق كودەكستەگٸ قر تۇڭعىش پرەزيدەنتٸنٸڭ ار-نامىسى مەن قادٸر-قاسيەتٸن جارييا تٷردە قورلاۋعا قىلمىستىق جاۋاپكەرشٸلٸك قاراستىرىلعان باپتاردىڭ كٷشٸ جويىلۋى مٷمكٸن ەكەنٸن راستادى, - دەپ حابارلايدى Tengrinews.kz سايتى.
"يە, مۇنداي تٷزەتۋلەر بار. اكتيۆتەردٸ قايتارۋ تۋرالى زاڭعا ٸلەسپە زاڭ جوباسى اياسىندا قىلمىستىق جاۋاپكەرشٸلٸكتٸ الىپ تاستايتىن نورمالار بار. بۇل كونستيتۋتسيياعا قابىلدانعان تٷزەتۋ اياسىندا. ەندٸ ول جەردە ەلباسى مەن ونىڭ ٶكٸلەتٸ تۋرالى ايتىلمايدى. قىلمىستىق كودەكستە بۇل باپتار ەندٸ قاجەت ەمەس. ٶيتكەنٸ "ەلباسىنىڭ مەرتەبەسٸ تۋرالى" (زاڭ. – ەسك.) قازٸر جوق. سوندىقتان قىلمىستىق جاۋاپكەرشٸلٸك تە قاجەت ەمەس جەنە قولدانىلمايدى. ول بۇعان دەيٸن دە قولدانىلماعان", - دەدٸ يماشەۆا.
ايتا كەتەيٸك, قازٸر مەجٸلٸستە تۇڭعىش پرەزيدەنت نۇرسۇلتان نازارباەۆتىڭ ار-نامىسى مەن قادٸر-قاسيەتٸن كٶپشٸلٸك الدىندا قورلاۋ جەنە ونىڭ ابىرويى مەن قادٸر-قاسيەتٸنە نۇقسان كەلتٸرۋگە قىلمىستىق جاۋاپكەرشٸلٸكتٸ قاراستىراتىن باپتى جوياتىن زاڭ جوباسى قاراستىرىلىپ جاتىر.
