مەجٸلٸس دەپۋتاتى اسىلبەك سماعۇلوۆ قر ورتالىق سايلاۋ كوميسسيياسىنىڭ مٷشەسٸ قىزمەتٸنە تاعايىندالدى, دەپ حابارلايدى "ۇلت اقپارات".
بٷگٸن مەجٸلٸستٸڭ جالپى وتىرىسىندا پالاتا تٶراعاسى نۇرلان نىعماتۋلين اسىلبەك سماعۇلوۆتىڭ كانديداتۋراسىن ەلٸمٸزدٸڭ ورتالىق سايلاۋ كوميسسيياسى مٷشەسٸ رەتٸندە تاعايىنداۋ تۋرالى ۇسىنىس ەنگٸزگەن بولاتىن. دەپۋتاتتار ۇسىنىستى بٸراۋىزدان قولدادى.
سماعۇلوۆ اسىلبەك ايجارىقۇلى 1970 جىلى اقتٶبە وبلىسى ىرعىز اۋدانىندا دٷنيەگە كەلگەن. زاڭ عىلىمدارىنىڭ دوكتورى, پروفەسسور. قر ٸٸم قاراعاندى جوعارى مەكتەبٸن بٸتٸرگەن. 2000-2012 جىلدارى قازاقستان رەسپۋبليكاسى قارجى پوليتسيياسىنىڭ اكادەميياسىندا قىلمىستىق قۇقىق جەنە كريمينولوگييا كافەدراسىنىڭ دوتسەنتٸ, باستىعى, اكادەمييا باستىعىنىڭ عىلىمي-زەرتتەۋ جۇمىسى جٶنٸندەگٸ ورىنباسارى, اكادەمييا باستىعىنىڭ وقۋ-ەدٸستەمەلٸك جۇمىسىن ۇيىمداستىرۋ جٶنٸندەگٸ ورىنباسارى قىزمەتتەرٸن اتقارعان. 2012 - 2016 جىلدارى «قازاقستان رەسپۋبليكاسىنىڭ زاڭناما ينستيتۋتى» مم ديرەكتورى قىزمەتٸندە بولعان.
2016 جىلعى 24 ناۋرىز ايىنان باستاپ «نۇر وتان» پارتيياسىنان VI سايلانعان قازاقستان رەسپۋبليكاسى پارلامەنتٸ مەجٸلٸسٸنٸڭ دەپۋتاتى بولىپ سايلاندى. بٷگٸنگٸ كٷنگە دەيٸن قازاقستان رەسپۋبليكاسى پارلامەنتٸ مەجٸلٸسٸنٸڭ زاڭناما جەنە سوت-قۇقىقتىق رەفورما كوميتەتٸنٸڭ مٷشەسٸ بولدى.
قازاقستان رەسپۋبليكاسى پرەزيدەنتٸنٸڭ العىس حاتىمەن, قازاقستان رەسپۋبليكاسى بٸلٸم جەنە عىلىم مينيسترلٸگٸنٸڭ, قازاقستان رەسپۋبليكاسى ەكونوميكالىق قىلمىسقا جەنە سىبايلاس جەمقورلىققا قارسى كٷرەس اگەنتتٸگٸنٸڭ (قارجى پوليتسيياسى) جەنە ەدٸلەت مينيسترلٸگٸنٸڭ قۇرمەت گراموتالارىمەن, سونداي-اق «ەرەن ەڭبەگٸ ٷشiن», «قۇقىق تەرتٸبٸن قامتاماسىز ەتۋگە قوسقان ٷلەسٸ ٷشٸن», «ەدٸلەت ورگاندارى جٷيەسٸن دامىتۋعا قوسقان ٷلەسٸ ٷشٸن», «مپا سنگ. 25 لەت», «قازاقستان رەسپۋبليكاسىنىڭ تەۋەلسٸزدٸگٸنە 25 جىل» مەدالدارىمەن ماراپاتتالعان. ٶزگە دە ناگرادالارى بار.
بٸرقاتار باسىلىمداردا جارييالانعان 100-دەن استام عىلىمي ەڭبەكتٸڭ, ونىڭ ٸشٸندە 2 وقۋلىقتىڭ (بٸرلەسكەن اۆتورلىقتاعى), 10-نان استام وقۋ قۇرالدارى مەن مونوگرافييالاردىڭ اۆتورى.
