بٷگٸن پارلامەنت مەجٸلٸسٸنٸڭ جالپى وتىرىسىندا دەپۋتات گٷلشارا ەبدٸقالىقوۆانىڭ ٶكٸلەتتٸگٸ مەرزٸمٸنەن بۇرىن توقتاتىلدى, دەپ حابارلايدى "ۇلت اقپارات".
«بٸزدٸڭ ەرٸپتەسٸمٸز گٷلشارا ناۋشاقىزى وسىعان دەيٸن ٷلكەن قىزمەت جولىنان ٶتتٸ. كٶپتەگەن لاۋىزىمدى جۇمىستاردى ابىرويمەن اتقاردى. سوندىقتان ەرٸپتەسٸمٸز جاڭا قىزمەتتە دە قاسيەتتٸ قىزىلوردا وبلىسىنىڭ دامۋى ٷشٸن ايانباي ەڭبەك ەتەدٸ دەپ سەنەمٸز. وسى جەردە ەرەكشە ايتۋ كەرەك, ەگەمەن ەلٸمٸز تاريحىندا العاش رەت ەيەل ادام وبلىس ەكٸمٸ بولىپ تاعايىندالدى. بٷگٸن بەلگٸلٸ سەبەپتەرمەن گٷلشارا ناۋشاقىزى جالپى وتىرىسقا قاتىسا المادى. ونى ٶزدەرٸڭٸز تٷسٸنٸپ وتىرعان بولارسىزدار. قازٸرگٸ جاعدايدا وبلىس ەكٸمٸ رەتٸندە جۇمىسىن باستاپ, ٶڭٸردٸڭ ماڭىزدى مەسەلەلەرٸن شەشۋگە كٸرٸسٸپ كەتتٸ. سوندىقتان وسى ٶتە جاۋاپتى جۇمىسىندا زور تابىستار تٸلەيمٸز»,- دەدٸ مەجٸلٸس تٶراعاسى نۇرلان نىعماتۋلين.
ەسكە سالا كەتەيٸك, قر پرەزيدەنتٸ قاسىم-جومارت توقاەۆتىڭ جارلىعىمەن گٷلشارا ناۋشاقىزى ەبدٸقالىقوۆا قىزىلوردا وبلىسىنىڭ ەكٸمٸ بولىپ تاعايىندالدى.
