Búgin Parlament Májilisiniń jalpy otyrysynda depýtat Gúlshara Ábdiqalyqovanyń ókilettigi merziminen buryn toqtatyldy, dep habarlaidy "Ult aqparat".
«Bizdiń áriptesimiz Gúlshara Naýshaqyzy osyǵan deiin úlken qyzmet jolynan ótti. Kóptegen laýyzymdy jumystardy abyroimen atqardy. Sondyqtan áriptesimiz jańa qyzmette de qasietti Qyzylorda oblysynyń damýy úshin aianbai eńbek etedi dep senemiz. Osy jerde erekshe aitý kerek, egemen elimiz tarihynda alǵash ret áiel adam oblys ákimi bolyp taǵaiyndaldy. Búgin belgili sebeptermen Gúlshara Naýshaqyzy jalpy otyrysqa qatysa almady. Ony ózderińiz túsinip otyrǵan bolarsyzdar. Qazirgi jaǵdaida oblys ákimi retinde jumysyn bastap, óńirdiń mańyzdy máselelerin sheshýge kirisip ketti. Sondyqtan osy óte jaýapty jumysynda zor tabystar tileimiz»,- dedi Májilis tóraǵasy Nurlan Nyǵmatýlin.
Eske sala keteiik, QR Prezidenti Qasym-Jomart Toqaevtyń Jarlyǵymen Gúlshara Naýshaqyzy Ábdiqalyqova Qyzylorda oblysynyń ákimi bolyp taǵaiyndaldy.
