قر پارلامەنتٸ مەجٸلٸسٸنٸڭ دەپۋتاتى باقىتبەك سماعۇل الماتى وبلىسىنداعى شەكارا زاستاۆالارىنا باردى. حالىق قالاۋلىسى شەكاراشىلاردىڭ تىنىس-تٸرشٸلٸگٸمەن تانىستى, دەپ حابارلايدى "ۇلت اقپارات".
مەجٸلٸستەگٸ جازعى دەمالىستى تيٸمدٸ پايدالانعان دەپۋتات ەڭ الدىمەن جالاڭاشكٶل زاستاۆاسىنا باردى. ەلدٸڭ شەتٸندە, جەلدٸڭ ٶتٸندە وتان الدىنداعى بورىشىن ابىرويمەن اتقارىپ جاتقان وفيتسەرلەر جەنە ساربازداردىڭ جاعدايىن باعدارلاپ, جاراقتانۋىمەن تانىستى. حالىق قالاۋلىسى شەكاراشىلاردىڭ ماتەريالدىق-تەحنيكالىق بازاسىنىڭ قاناعاتتانارلىقتاي, ال شەكاراشىلاردىڭ جاعدايى جاقسى ەكەندٸگٸن كٶردٸ.
بيىل 18 تامىزدا قازاقستان رەسپۋبليكاسى ۇلتتىق قاۋٸپسٸزدٸك كوميتەتٸ شەكارا قىزمەتٸنٸڭ قۇرىلعانىنا 27 جىل تولادى. سونداي-اق جالاڭاشكٶل وقيعاسىنا 50 جىل. وسى بٸر قوس ايتۋلى داتاعا وراي جەتٸسۋلىق شەكاراشىلار ٶز زاستاۆالارى اراسىندا اتتى شەرۋ ۇيىمداستىردى. تۇلپار مٸنٸپ, تۋ ۇستاعان ساربازدار تاۋ-تاسپەن, ورمان-توعاي اراسىمەن 200 شاقىرىمعا جۋىق جٷرٸپ ٶتتٸ. «بۇل شەرۋ ولاردىڭ ٶز قىزمەتتەستەرٸنە كٶرسەتكەن قۇرمەت جەنە جارتى عاسىر بۇرىن بولعان جالاڭاشكٶل وقيعاسىندا قازا تاپقان ساربازدار رۋحىنا تاعزىم ەتۋ», - دەيدٸ «دوستىق» شەكارا كومەنداتۋراسى باسشىسىنىڭ ورىنباسارى سامات سالاۋاتوۆ.
اتتى شەرۋدٸڭ ەستافەتاسىن جالاڭاشكٶل زاستاۆاسىندا مەجٸلٸس دەپۋتاتى باقىتبەك سماعۇل قابىلداپ, اق باتاسىن بەرٸپ, ماقانشى شەكارا زاستاۆاسىنا جولدادى. سونداي-اق حالىق قالاۋلىسى دوستىق اۋىلىنداعى جوڭعار شەكارا زاستاۆاسىنا دا بارىپ, ساربازداردىڭ جاعدايىن سۇراستىردى. ٶز شىعارمالارىنان جالىندى ٶلەڭدەر وقىپ, كٷردەلٸ جٶندەۋدەن ٶتكەن زاستاۆا اۋلاسىنا شىرشا وتىرعىزدى.
