مەجٸلٸستٸڭ بٸر توپ دەپۋتاتى قاتەرلٸ ٸسٸككە شالدىققان ادامدارعا زەينەتاقى جيناعىن بٸر رەتتٸك تٶلەممەن بەرۋ مەسەلەسٸن كٶتەردٸ, دەپ حابارلايدى Sputnik قازاقستان تٸلشٸسٸ.
مەجٸلٸس دەپۋتاتتارى پرەمەر-مينيستردٸڭ ورىنباسارى گٷلشارا ەبدٸقالىقوۆاعا جولداعان ساۋالىندا وبىرعا شالدىققان ادامداردىڭ زەينەتاقى جيناعىن الۋ تەرتٸبٸ مەسەلەسٸن قوزعادى.
مەجٸلٸسمەن ەرسۇلتان بەكتۇرعانوۆتىڭ ايتۋىنشا, قولدانىستاعى زاڭناماعا سەيكەس, ونكولوگييالىق اۋرۋعا شالدىققان ادامعا مٷگەدەكتٸك بەرٸلەدٸ, ول ەكٸگە بٶلٸنەدٸ: بٸرٸنشٸسٸ – بەلگٸلٸ بٸر مٷگەدەكتٸك مەرزٸمٸ بار توپ, ەكٸنشٸسٸ – مەرزٸمسٸز توپ بولىپ سانالادى.
"ەڭبەك جەنە حالىقتى ەلەۋمەتتٸك قورعاۋ مينيسترلٸگٸ ۇسىنعان دەرەكتەر بويىنشا, قازٸر ونكولوگييالىق اۋرۋلار سالدارىنان مٷگەدەك بولعان ادامداردىڭ جالپى سانى 39 100 ادامدى قۇرايدى, ونىڭ ٸشٸندە 15 200 ادامنىڭ مٷگەدەكتٸگٸ مەرزٸمسٸز بولىپ بەلگٸلەنگەن", - دەدٸ دەپۋتات.
ول ٷكٸمەت بەكٸتكەن قاۋلىعا سەيكەس مەرزٸمسٸز I نەمەسە II توپتاعى مٷگەدەكتٸگٸ بار ادامدار بٸرىڭعاي جيناقتاۋشى زەينەتاقى قورىنان ٶز زەينەتاقى جيناعىن بٸر رەتتٸك تٶلەم تٷرٸندە الۋعا قۇقىعى بار ەكەنٸن اتاپ ٶتتٸ. الايدا, تٶلەمدٸ الۋدىڭ كەيبٸر تالاپتارى قورداعى اقشانى الۋدى بٸرشاما قيىنداتاتىن كٶرٸنەدٸ.
"مەسەلەن, زەينەتاقى جيناعى ەڭ تٶمەن زەينەتاقىنىڭ 12 ەسەلەنگەن مٶلشەرٸنەن اسپاعان جاعدايدا عانا, ول بٸر رەتتٸك تٶلەم تٷرٸندە بەرٸلەدٸ. بيىل بۇل سوما 433 296 تەڭگەگە تەڭ. دەمەك, ەگەر جيناق مٶلشەرٸ وسى كٶرسەتٸلگەن سومادان اسىپ تٷسسە, ادام بٸر رەتتٸك تٶلەمدٸ الا المايدى", - دەدٸ بەكتۇرعانوۆ.
بۇل جاعدايدا, ونىڭ ايتۋىنشا, ادام ٶزٸنٸڭ زەينەتاقىسىن بەلگٸلەنگەن ەسەپتەۋ ەدٸستەمەسٸنە سەيكەس اي سايىن الىپ وتىرادى. ال اي سايىنعى تٶلەم ٶتە ماردىمسىز, سوندىقتان ەمدەۋ شىعىندارىن ٶتەۋگە جەتپەيدٸ.
"قولدانىستاعى تەرتٸپكە سەيكەس, ادام قايتىس بولعاننان كەيٸن عانا ونىڭ زەينەتاقى جيناعىن وتباسى نەمەسە جاقىندارى الا الادى. بۇل قاراجاتتىڭ اۋىرىپ, ٶمٸردەن ٶتكەن ادامعا قاجەتٸ جوق ەكەندٸگٸ ايتپاسا دا تٷسٸنٸكتٸ. بٷگٸندە قازاقستاندا وبىر اۋرۋلارىن ەمدەۋ تەگٸن جٷرگٸزٸلەتٸنٸ بەلگٸلٸ. بٸراق, بەرٸمٸز بٸلەتٸندەي, كٶپ جاعدايدا سىرقات ادامدار بٸلٸكتٸ وتاندىق نەمەسە شەتەلدٸك كلينيكالارعا قوسىمشا ەم الۋ ٷشٸن بارىپ جاتادى, ال ول قوماقتى اقشانى تالاپ ەتەدٸ", - دەيدٸ مەجٸلٸسمەن.
وسىعان بايلانىستى دەپۋتات ٷكٸمەتكە ونكولوگييالىق اۋرۋلارمەن اۋىراتىن ادامدارعا, مٷگەدەكتٸگٸنٸڭ ساناتىنا قاراماستان, زەينەتاقى جيناعىن بٸر رەتتٸك تٶلەم تٷرٸندە بەرۋ مەسەلەسٸن قايتا قاراۋدى ۇسىندى.
