پارلامەنت مەجٸلٸسٸنٸڭ جالپى وتىرىسىندا دەپۋتات ازامات ەبٸلداەۆ قارجىلىق قيىندىققا تاپ بولعان ادامدارعا نەسيە راقىمشىلىعىن جاساۋدى ۇسىندى, دەپ حابارلايدى قازاقپارات.
«قازاقستان حالقىنىڭ بانكتەر الدىنداعى بەرەشەگٸ كٷن ساناپ ارتىپ بارا جاتىر. قازٸرگٸ ۋاقىتتا, حالىقتىڭ 27 پايىزى بانكتەردٸڭ الدىندا بورىشكەر. بٷگٸندە ەل تۇرعىندارىنىڭ يپوتەكالىق نەسيە بويىنشا بەرەشەگٸ 2,716 ترلن تەڭگەگە جەتٸپتٸ. تۇتىنۋشىلىق ماقساتتارعا الىنعان نەسيە 5,19 ترلن تەڭگە بولسا, مەرزٸمٸ ٶتكەن بەرەشەك 199 ملرد تەڭگەنٸ قۇراپ وتىر», - دەدٸ ەبٸلداەۆ ٷكٸمەت باسشىسىنىڭ بٸرٸنشٸ ورىنباسارى ەليحان سمايىلوۆتىڭ اتىنا جولداعان ساۋالىندا.
وسى ورايدا ول ەلٸمٸزدە زاڭدى تۇلعالاردىڭ بانكروتتىعى تۋرالى زاڭى بار ەكەنٸن, بٸراق جەكە تۇلعالاردىڭ بانكروتتىعى تۋرالى زاڭ جوق ەكەنٸن اتاپ ٶتتٸ. «اق جول» پارتيياسىنىڭ دەپۋتاتتارى بۇعان دەيٸن دە «جەكە تۇلعالاردىڭ بانكروتتىعى تۋرالى» زاڭ جوباسى كەرەك دەپ جٷرگەنٸنە ون شاقتى جىل بولدى. بۇل باستامانى سول كەزدە قارجى مينيسترلٸگٸ ٸلٸپ ەكەتكەنٸمەن, وسى كٷنگە دەيٸن ٷنسٸز قالىپ وتىر.
«ال ەندٸ قىلمىس جاساپ سوتتالعاندارعا راقىمشىلىق جاساپ وتىرعان مەملەكەتكە قانداي دا بٸر وقىس وقيعاعا ۇشىراۋىنىڭ سالدارىنان قارجىلىق قيىندىققا تٸرەلٸپ وتىرعان ازاماتتارىمىزعا نەگە قامقورلىق جاساماسقا?! ولار دا بٸزدٸڭ قوعامىمىزدىڭ بٸر بٶلشەگٸ ەمەس پە? نەگە ولارعا دا راقىمشىلىق جاسامايمىز?», - دەدٸ دەپۋتات.
«اق جول» پارتيياسىنىڭ دەپۋتاتتارى قانداي دا بٸر وقىس وقيعاعا ۇشىراۋىنىڭ سالدارىنان قارجىلىق قيىندىققا تٸرەلٸپ وتىرعان ازاماتتارىمىزعا تەۋەلسٸزدٸكتٸڭ 30 جىلدىعىنا بايلانىستى راقىمشىلىق جاساۋدى, پارلامەنتتٸڭ قاراۋىنا «جەكە تۇلعالاردىڭ بانكروتتىعى تۋرالى» زاڭ جوباسىن ەنگٸزۋدٸ, كوللەكتورلىق كومپانييالاردى تٸزگٸندەۋدٸ سۇرايمىز», - دەدٸ ازامات ەبٸلداەۆ.
