پارلامەنت مەجٸلٸسٸنٸڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە قارۋلى كٷشتەردٸڭ, باسقا دا ەسكەرلەر مەن ەسكەري قۇرالىمداردىڭ ارسەنالدارى, بازالارى مەن قويمالارى جانىنداعى تىيىم سالىنعان ايماقتار مەن تىيىم سالىنعان اۋداندار مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى ەكٸنشٸ وقىلىمدا ماقۇلداندى, دەپ حابارلايدى قازاقپارات.
زاڭ جوباسىنىڭ نەگٸزگٸ ماقساتى - قارۋلى كٷشتەردٸڭ, باسقا دا ەسكەرلەر مەن ەسكەري قۇرالىمداردىڭ وق-دەرٸلەرٸ ارسەنالدارىنىڭ, بازالارى مەن قويمالارىنىڭ قاۋٸپسٸز جۇمىس ٸستەۋٸن, سونداي-اق وق-دەرٸلەردٸ ساقتاۋ كەزٸندە تٶتەنشە جاعدايدىڭ تۋىنداۋى مٷمكٸن بولعان جاعدايدا حالىقتى, ازاماتتىق جەنە باسقا دا ينفراقۇرىلىمدى قورعاۋدى قامتاماسىز ەتۋ بويىنشا زاڭنامانى جەتٸلدٸرۋ.
«قارالىپ وتىرعان زاڭ جوباسىنىڭ تۇجىرىمداماسى بيىلعى 26 ناۋرىزدا مەجٸلٸستٸڭ جالپى وتىرىسىندا بٸرٸنشٸ وقىلىمدا ماقۇلداندى. زاڭ جوباسىمەن جۇمىس بارىسىندا دەپۋتاتتار بٸرشاما تٷزەتۋلەر ەنگٸزدٸ», - دەپ توقتالدى مەجٸلٸستٸڭ حالىقارالىق ٸستەر, قورعانىس جەنە قاۋٸپسٸزدٸك كوميتەتٸنٸڭ تٶراعاسى مۇحتار ەرمان.
زاڭ جوباسىمەن كەلەسٸ تٷزەتۋلەر ەسكەرٸلگەن:
- قارۋلى كٷشتەردٸڭ, باسقا دا ەسكەرلەر مەن ەسكەري قۇرالىمداردىڭ ارسەنالدارى, بازالارى مەن قويمالارى ورنالاسقان جەر ۋچاسكەلەرٸن جەنە بەلگٸلەنگەن تىيىم سالىنعان ايماقتار مەن تىيىم سالىنعان اۋداندار شەگٸندە ولارعا ٸرگەلەس جاتقان اۋماقتاردى قورعانىس جەنە ۇلتتىق قاۋٸپسٸزدٸك مۇقتاجىنا ارنالعان جەرگە جاتقىزۋعا;
- قارۋلى كٷشتەردٸڭ, باسقا دا ەسكەرلەر مەن ەسكەري قۇرالىمداردىڭ ارسەنالدارىن, بازالارى مەن قويمالارىن ورنالاستىرۋعا جەنە ولاردىڭ قىزمەتٸ ٷشٸن بەرٸلگەن جەر ۋچاسكەلەرٸن, سونداي-اق بەلگٸلەنگەن تىيىم سالىنعان ايماقتار مەن تىيىم سالىنعان اۋداندار شەگٸندە ولارعا ٸرگەلەس جاتقان اۋماقتاردى جەكە جەنە زاڭدى تۇلعالاردىڭ ۋاقىتشا جەر پايدالانۋىنا بەرۋگە تىيىم سالۋدى ەنگٸزۋگە;
- سەۋلەت, قالا قۇرىلىسى جەنە قۇرىلىس ٸستەرٸ, سونداي-اق مەملەكەتتٸك سەۋلەت-قۇرىلىس باقىلاۋ جٶنٸندەگٸ جەرگٸلٸكتٸ اتقارۋشى ورگانداردىڭ ٶزدەرٸنە زاڭنامامەن جٷكتەلگەن تالاپتاردى ورىنداماعانى نەمەسە تيٸسٸنشە ورىنداماعانى ٷشٸن سالىناتىن ەكٸمشٸلٸك ايىپپۇل مٶلشەرٸن جيىرمادان – جٷز ايلىق ەسەپتٸك كٶرسەتكٸشكە دەيٸن, ال قايتالاپ بۇزعان كەزدە قىرىقتان ەكٸ جٷزگە دەيٸن ۇلعايتۋعا;
- زاڭ جوباسىندا پايدالانىلاتىن نەگٸزگٸ ۇعىمداردى ناقتىلاۋعا باعىتتالعان.
بۇدان بۇرىن حابارلانعانداي, بيىل ناۋرىز ايىندا مەجٸلٸس «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە قارۋلى كٷشتەردٸڭ, باسقا دا ەسكەرلەر مەن ەسكەري قۇرالىمداردىڭ ارسەنالدارى, بازالارى مەن قويمالارى جانىنداعى تىيىم سالىنعان ايماقتار مەن تىيىم سالىنعان اۋداندار مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىن بٸرٸنشٸ وقىلىمدا ماقۇلداعان بولاتىن.
