قازاقستان تەۋەلسٸزدٸگٸنٸڭ 30 جىلدىعى اياسىندا ماجارستاننىڭ مەملەكەتتٸك جينالىسى سپيكەرٸنٸڭ ورىنباسارى شاندور لەجاكتىڭ قولداۋىمەن لاكيتەلەك حالىق ينستيتۋتىندا قازاق اقىنى جەنە اعارتۋشىسى اباي مٷسٸنٸنٸڭ سالتاناتتى اشىلۋ رەسٸمٸ ٶتتٸ.
ٸس-شاراعا ماجارستاننىڭ ساياسي قايراتكەرلەرٸ, اكادەمييالىق جەنە قوعامدىق توپتارىنىڭ ٶكٸلدەرٸ قاتىستى.
رەسٸم بارىسىندا ش. لەجاك كٶرنەكتٸ اقىن جەنە ويشىل ابايدىڭ شىعارماشىلىق مۇراسى باتىس جەنە شىعىس مەدەنيەتٸن رۋحاني بايلانىستىراتىنىن اتاپ ٶتتٸ.
ماجارستان پرەمەر-مينيسترٸنٸڭ ورىنباسارى – قارجى مينيسترٸ, ەكونوميكالىق ىنتىماقتاستىق جٶنٸندەگٸ قازاقستان-ماجارستان ٷكٸمەتارالىق كوميسسيياسىنىڭ تەڭ تٶراعاسى ميحاي ۆارگا ماجارستان ٷكٸمەتٸ «شىعىسقا تەرەزە» سىرتقى ساياسي ستراتەگيياسى شەڭبەرٸندە عىلىمي-مەدەني مۇرا سالاسىنداعى ەكٸ ەل اراسىنداعى قاتىناستارىن دامىتۋدى جالعاستىراتىنىن اتاپ ٶتتٸ.
قازاقستان ەلشٸسٸ جەنٸبەك ەبدٸراشەۆ ابايدىڭ ەڭبەكتەرٸ ەلدەر مەن حالىقتاردىڭ جاقىنداسۋىنا سەپتٸگٸن تيگٸزەتٸنٸن, ال ونىڭ رۋحاني مۇراسى ارقىلى ماجار جاستارى قازاق دالاسىنىڭ مەدەنيەتٸمەن تانىسا الاتىنىن اتاپ ٶتتٸ.
ٸس-شارا اياسىندا ماجار ستۋدەنتتەرٸ ابايدىڭ «كٶزٸمنٸڭ قاراسى» جەنە «ٶلەڭ - سٶزدٸڭ پاتشاسى» شىعارمالارىن ماجار جەنە قازاق تٸلدەرٸندە ورىندادى.
سونىمەن بٸرگە ەلشٸنٸڭ قازاق تٸلٸ مەن قازاقستان مەدەنيەتٸن وقىپ جاتقان ماجار ستۋدەنتتەرٸمەن كەزدەسۋٸ ٶتتٸ.
اباي مٷسٸنٸ ماجارستاننىڭ رۋحاني ورتالىقتارىنىڭ بٸرٸ سانالاتىن لاكيتەلەك حالىق ينستيتۋتىنىڭ باعىندا ورناتىلعان.
قازٸرگٸ ۋاقىتتا ينستيتۋت ەلەمدٸك تٸلدەر مەن مەدەنيەتتەردٸ زەرتتەۋگە ارنالعان بٸرەگەي جوبا قۇردى, ماجار جاستارى اراسىندا كەڭٸنەن تانىمال بولدى.
قازاقستان, رەسەي, بەلارۋس جەنە موڭعولييادان كەلگەن جەتەكشٸ شەتەلدٸك عالىمداردىڭ, لينگۆيستەردٸڭ, مەدەنيەتتانۋشىلاردىڭ جەنە باسقا دا مامانداردىڭ وسى ەلدەردٸڭ مەدەنيەتٸ مەن تاريحىن زەردەلەۋ بويىنشا ستۋدەنتتەرگە ارنالعان وقىتۋ ٸس-شارالارىن ٶتكٸزۋ جٶنٸندەگٸ جوباعا قاتىسۋى ىقپال ەتەدٸ.
