قازاقستان كەيبٸر ەلدەردٸڭ تەجٸريبەسٸن ەسكەرٸپ, ەلەكتر ەنەرگيياسىن كٶپ تۇتىناتىن ماينين فەرمالاردىڭ جۇمىسىنا تىيىم سالۋى مٷمكٸن بە? ورتالىق كوممۋنيكاتسييالار قىزمەتٸندە ٶتكەن بريفينگٸدە وسىنداي سۇراق قويىلدى, دەپ حابارلايدى قازاقپارات.
ساۋالعا قر ەنەرگەتيكا مينيسترلٸگٸ اتومدىق جەنە ەنەرگەتيكالىق قاداعالاۋ مەن باقىلاۋ كوميتەتٸنٸڭ تٶراعاسى اباي شاڭعىتباەۆ جاۋاپ بەردٸ.
«ماينينگ كومپانييالارعا رۇقسات بەرمەۋ, ولاردى جۇمىس ٸستەتكٸزبەۋ دەگەن ماقسات جوق. ولار دا ەكونوميكانىڭ بٸر سالاسى. ٶزدەرٸنٸڭ جۇمىس ٸستەيتٸن, قىزمەت كٶرسەتەتٸن ايماعى بار. سوندىقتان ەنەرگەتيكتەردٸڭ ولارعا كەدەرگٸ جاساپ, ولاردىڭ جۇمىسىن توقتاتۋ ماقساتى جوق. بٸراق قازٸرگٸدەي قىسقى كەزەڭدە, كەسٸبي تٸلمەن ايتساق, ەنەرگەتيكالىق جٷيەنٸڭ بار كٷشٸمەن جۇمىس ٸستەيتٸن ساعاتتارىندا ەنەرگييا تۇتىنۋدى ازايتۋ مەسەلەسٸ بار», -دەدٸ كوميتەت تٶراعاسى.
اتالعان شارادا ەنەرگەتيكا مينيسترلٸگٸنٸڭ ٶكٸلٸ حالىقارالىق قارجى ۇيىمدارى كٶمٸر ستانسالارىنىڭ قۇرىلىسىن قارجىلاندىرۋدان باس تارتىپ وتىرعانىن ايتقان بولاتىن.
«جاڭارتىلاتىن ەنەرگييا كٶزدەرٸنٸڭ تۇراقسىزدىعىن ەسكەرسەك, بٸزگە ەلدٸڭ ەنەرگييا جٷيەسٸندەگٸ بازالىق كٶزدەردٸ قاراستىرۋ كەرەك. حالىقارالىق قارجى ۇيىمدارى كٶمٸر ستانسالارىن سالۋ جوبالارىنان بٷكٸل جەردە باس تارتىپ جاتقاندىقتان كٶمٸر گەنەراتسيياسىن ەرٸ قاراي ەنگٸزۋ مٷمكٸندٸگٸمٸز شەكتەلٸپ وتىر. وسىعان بايلانىستى جيىنتىق قۋاتى 2,4 گۆت بولاتىن اتوم ەلەكتر ستانساسى بازالىق گەنەراتسييانىڭ جاڭا كٶزٸ رەتٸندە قاراستىرىلىپ وتىر», - دەدٸ مينيسترلٸك ٶكٸلٸ.
