ورتالىق كوممۋنيكاتسييالار قىزمەتٸندە ٶتكەن بريفينگٸدە قر ەنەرگەتيكا مينيسترٸ ماعزۇم مىرزاعاليەۆ ماينيينگ فەرمالاردىڭ قانشا ەلەكتر قۋاتىن تۇتىناتىنىن اتادى, دەپ حابارلايدى قازاقپارات اگەنتتٸگٸ.
«ماينينگكە قاتىستى ايتساق, بۇل جۇمىستىڭ بەرٸ «KEGOC» جٷيەلٸك وپەراتورىنىڭ كٷشٸمەن ٸستەلٸپ جاتىر. سولاردان العان اقپارات بويىنشا, شامامەن 120 مۆت ەلەكتر تۇتىنىپ وتىرعان ماينينگ فەرمالار («كەگوك» جٷيەسٸنەن – رەد) اجىراتىلعان. بۇل نەگٸزٸنەن قازاقستاننىڭ وڭتٷستٸگٸ دەپ ايتۋعا بولادى. ياعني, جامبىل, تٷركٸستان وبلىستارى جەنە پاۆلودار وبلىسى», - دەدٸ ۆەدومستۆو باسشىسى.
ونىڭ ايتۋىنا قاراعاندا, ەنەرگييا تاپشىلىعى قاتتى سەزٸلگەن كەزدەردە اشىق جۇمىس ٸستەپ تۇرعان ماينينگ فەرمالاردى دا اجىراتۋعا تۋرا كەلۋدە.
«ال تەحنيكالىق شارت الىپ, اشىق جۇمىس ٸستەپ جاتقان «اق ماينينگ» تۋرالى ايتساق, شامامەن 1 گۆت نەمەس 1 000 مۆت ەلەكتر تۇىتىنىپ وتىر. ونىڭ ٸشٸندە بەلسەندٸ تٷردە 700 مۆت قۋات تۇتىنىلۋدا. «اق ماينەرلەر» بٷگٸندە جۇمىس ٸستەپ تۇر. قاراشا مەن جەلتوقسان ايلارىنىڭ باسىندا ولاردى دا اجىراتقان فاكتٸلەر بولدى. ەسٸرەسە تۇتىنۋ شارىقتاۋ شەگٸنە جەتكەن كەزدەردە. «كەگوك» وپەراتورىنان العان اقپارات بويىنشا, اشىق جۇمىس ٸستەيتٸن ماينينگ فەرمالار قازٸر اجىراتۋسىز جۇمىس ٸستەپ تۇر. تيٸستٸ تەحنيكالىق شارت العان ماينەرلەر كەدەرگٸسٸز جۇمىس ٸستەۋدە», - دەدٸ ماعزۇم مىرزاعاليەۆ.
