Ortalyq kommýnikatsiialar qyzmetinde ótken brifingide QR Energetika ministri Maǵzum Myrzaǵaliev mainiing fermalardyń qansha elektr qýatyn tutynatynyn atady, dep habarlaidy QazAqparat agenttigi.
«Mainingke qatysty aitsaq, bul jumystyń bári «KEGOC» júielik operatorynyń kúshimen istelip jatyr. Solardan alǵan aqparat boiynsha, shamamen 120 MVt elektr tutynyp otyrǵan maining fermalar («KEGOK» júiesinen – red) ajyratylǵan. Bul negizinen Qazaqstannyń ońtústigi dep aitýǵa bolady. Iaǵni, Jambyl, Túrkistan oblystary jáne Pavlodar oblysy», - dedi vedomstvo basshysy.
Onyń aitýyna qaraǵanda, energiia tapshylyǵy qatty sezilgen kezderde ashyq jumys istep turǵan maining fermalardy da ajyratýǵa týra kelýde.
«Al tehnikalyq shart alyp, ashyq jumys istep jatqan «aq maining» týraly aitsaq, shamamen 1 GVt nemes 1 000 MVt elektr tuytynyp otyr. Onyń ishinde belsendi túrde 700 MVt qýat tutynylýda. «Aq mainerler» búginde jumys istep tur. Qarasha men jeltoqsan ailarynyń basynda olardy da ajyratqan faktiler boldy. Ásirese tutyný sharyqtaý shegine jetken kezderde. «KEGOK» operatorynan alǵan aqparat boiynsha, ashyq jumys isteitin maining fermalar qazir ajyratýsyz jumys istep tur. Tiisti tehnikalyq shart alǵan mainerler kedergisiz jumys isteýde», - dedi Maǵzum Myrzaǵaliev.
