© Sputnik / تابىلدى كادىربەكوۆ
ورال قالاسىندا اناستاسييا چەرنويدىڭ ٶلٸمٸ بويىنشا سوت باستالدى. ٶتكەن جىلى قىركٷيەك ايىندا تۋىستارى ونى بٸرنەشە كٷن بويى ٸزدەدٸ. ارتىنان قالانىڭ شەتٸنەن جانىپ كەتكەن مەيٸتٸ تابىلدى.
سوتتا كٷدٸكتٸ تەمٸرلان امانعاليەۆ قىلمىسقا قالاي بارعانىن ايتىپ بەردٸ, دەپ حابارلايدى Sputnik قازاقستان اگەنتتٸگٸ "موي گورود" پورتالىنا سٸلتەمە جاساپ.
"اناستاسييا ەكەۋٸمٸز كەزدەيسوق تانىستىق. ول كٷنٸ مەن سۋپەرماركەتكە باردىم. سول جەردە كٶلٸككە سالىنعان ايىپپۇلدىڭ اقشاسىن كرەديتومات ارقىلى نەسيەگە الۋدى ويلادىم. اناستاسييا دا كرەديت الۋعا كەلدٸ", - دەيدٸ امانعاليەۆ.
ول كرەديتومات ارقىلى نەسيە الۋدى بٸلمەگەن. سودان قىزعا ٶتٸنٸش جاساپ, جەكە كۋەلٸگٸن بەرگەن.
"ول ۇزاق بٸر نەرسە ٸستەدٸ دە, 28 مىڭ تەڭگە عانا العانىن ايتتى. ايىپپۇلعا جەتپەيتٸن ەدٸ. سوسىن كٶبٸرەك اقشا شىعارۋعا بولاتىنىن ايتتى. بٸراق ول ٷشٸن العان قارىزدى جابۋ كەرەك. وعان تاعى 20 مىڭ تەڭگە كەرەك بولدى. مەن دوسىما حابارلاسىپ, اقشا سۇرادىم", - دەپ اتاپ كٶرسەتتٸ سوتتالۋشى.
امانعاليەۆ اقشانى اناستاسييا ايتقان ەسەپشوت نٶمٸرٸنە (ەكەسٸنٸڭ نٶمٸرٸ) سالىپ جٸبەردٸ. ودان كەيٸن ەكەۋٸ ساۋدا ٷيٸنٸڭ ارتىندا اۋلاعا باردى. ول جەرگە قىزدىڭ اعاسى دا كەلدٸ. ەكەۋٸ سٶيلەسٸپ تۇرعاندا امانعاليەۆ كەتٸپ قالدى. ال اناستاسييادا جەكە كۋەلٸگٸنٸڭ قالىپ قويعانى ەسٸنە تٷسكەندە ۇيالى تەلەفونىنا حابارلاسقان. ول الدىمەن شارۋام كٶپ دەپ شىقتى. ودان كەيٸن ەسٸرتكٸ كەرەك ەكەنٸن ايتتى.
"ودان كەيٸن مەن تاعى قوڭىراۋ شالدىم دا, دوسىمدا سك ("سكوروست" دەگەن ەسٸرتكٸ) بار, قازٸر الىپ كەلەدٸ دەدٸم. ٷيدە بالالارعا ارنالعان بٸر دەرٸنٸ تاۋىپ الدىم دا, سونى ٷگٸتٸپ, گازەتكە ورادىم. بٸلمەي قالىپ, جەكە كۋەلٸگٸمدٸ قايتارىپ بەرەدٸ دەپ ويلادىم. اناستاسييا كەلگەندە ەكەۋٸمٸز كٸرەبەرٸسكە ٶتتٸك. مەن وعان قاعازدى بەردٸم. ول اشىپ, تٸلٸمەن دەمٸن كٶردٸ. سوسىن اشۋلانىپ, ايقايلاي باستادى. مەن جەكە كۋەلٸگٸمدٸ قايدا دەپ سۇرادىم. ول سٶمكەدە دەدٸ. ونى الۋعا ۇمتىلعاندا ايقايلاپ, مەنٸ تىرناي باستادى. ونى يتەرٸپ جٸبەرگٸم كەلدٸ. قالاي بولعانىن دا بٸلمەيمٸن. ٶلتٸرەتٸن ويىم بولعان جوق", - دەدٸ امانعاليەۆ.
كٷدٸكتٸڭ سٶزٸنە قاراعاندا, اناستاسييا باسىن پليتاعا سوعىپ, بٸردەن ەسٸنەن تانىپ قالدى. وعان العاشقى كٶمەك كٶرسەتۋدەن نەتيجە شىقپادى.
وسىدان كەيٸن امانعاليەۆ قىزدىڭ مەيٸتٸن كٶرپەگە وراپ, بوس تۇرعان شكافقا سالدى. ارتىنان موبيلدٸ قوسىمشا ارقىلى تاكسي شاقىرىپ, شكافتى ماحامبەت اۋىلىنا اپارعان. سول جەردە ەسكٸ ٷيٸ بار. جاڭا ٷيدٸڭ قۇرىلىسىن دا باستاپ كەتكەن.
بٸراق بٸرەۋ شكافتى اشىپ قويادى دەپ قورقىپ, تانىسىنا حابارلاستى. ونىڭ كٶلٸگٸمەن ەسكٸ شكافتى كٷل-قوقىسقا اپارىپ تاستاۋدى ٶتٸنگەن. الايدا تاعى ٷرەيلەنٸپ, بٸردەن فاكەل اۋىلىنا قاراي ايدالاعا اپارىپ تاستادى. بٸرشاما ۋاقىتتان كەيٸن قايتادان سول جەرگە اۋىلداسىمەن بٸرگە باردى.
مەيتتٸ قاپقا سالىپ, ۆەتەلكي اۋىلىنا قاراي اپاردى. سوسىن ٷستٸنە بەنزين قۇيىپ, جاعىپ جٸبەردٸ. ال كۋەگەرلەرگە "كيٸكتٸڭ ەتٸن ٶرتەپ جاتىرمىن" دەپ ايتقان.
امانعاليەۆ ۇستالعاننان كەيٸن بٸردەن ٶز كٸنەسٸن مويىندادى. بٸراق تەرگەۋ كەزٸندە ايتقان سٶزٸنەن بٸرنەشە رەت اينىپ, بەرگەن كۋەلٸگٸن ٶزگەرتكەن.
مارقۇمنىڭ اناسى قىزىنىڭ ەسٸرتكٸ پايدالانعانىن راستادى. مارقۇمنىڭ ارتىندا كٸشكەنتاي قىزى قالدى.
ايتا كەتەرٸ, باس كەزٸندە تەمٸرلان امانعاليەۆ ادام ٶلتٸرۋ فاكتٸسٸ بويىنشا جاۋاپقا تارتىلعان. ارتىنان 106-باپقا (دەنساۋلىققا قاساقانا اۋىر زييان كەلتiرۋ, ابايسىزدا جەبiرلەنۋشiنiڭ ٶلٸمٸنە ەكەپ سوققان نە قىلمىستىق توپ جاساعان ٸس-ەرەكەتتەر) اۋىستىرىلدى.
وعان سەيكەس, 8 جىلدان 12 جىلعا دەيiنگٸ مەرزiمگە باس بوستاندىعىنان ايىرۋ جازاسى قاراستىرىلعان.
