سەكەن مايعازيەۆ سوڭعى پوستتارىنىڭ بٸرٸندە: «كەيدە, ارزان اتاقتىڭ ارتىن جالاعان ارسىزدار مەن «حايپتىڭ» قۇلى بولعان قاراڭعىلار, قازاقتىڭ تٷبٸنە جەتەدٸ-اۋ» – دەپ instagram-پاراقشاسىندا جازبا قالدىرعان بولاتىن. «مۋزارت» توبىنىڭ مٷشەسٸ بۇل سىننىڭ كٸمدەرگە باعىتتالعانىن اشىپ ايتتى.
ەنشٸ ەڭگٸمەنٸڭ ەلقيسساسىن اتىشۋلى «قالاۋلىم» جوباسىن باسقاراتىن جۋرناليست شاھكەرٸم كەرمەننەن باستادى.
«سولاردىڭ بٸرٸ – شاھكەرٸم. اسىلدىڭ سىنىعى, سونداي كەرەمەت ازامات جەنٸبەك كەرمەنوۆتەي قازاقتىڭ تۇلعاسىنىڭ, قازاقتىڭ ٶنەر مايتالمانىنىڭ ۇلى سونداي تٸرلٸك جاساپ جٷرسە, قازاقتىڭ تٸلٸن ولاي ناسيحاتتاماي قويسىن. قىزعىزدار كٶرەدٸ, ٶزبەكتەر كٶرەدٸ دەيدٸ. ولاي مازاق قىلىپ كٶرمەي-اق قويسىن بٸزدٸ. مەن سولاي ايتقان بولار ەدٸم», – دەيدٸ سەكەن مايعازيەۆ.
سونداي-اق, ٶنەر يەسٸ بايان الاگٶزوۆاعا انايى سۇراقتار قويىپ, تانىمال پروديۋسەردٸ تىعىراققا تٸرەگەن امان تاسىعانعا دا ٶكپەسٸ قارا قازانداي ەكەنٸن جەتكٸزدٸ. تٸپتٸ, جۋرناليستكە ارنايى قوڭىراۋ شالىپ, مۇنداي تاقىرىپتاعى سۇحباتتاردى توقتاتۋىن تالاپ ەتكەن.
«مەن بارلىعىنا قوڭىراۋ شالدىم. مەن تەك ەلەۋمەتتٸك جەلٸ ارقىلى عانا ەمەس, تٸكەلەي ٶزدەرٸنە دە حابارلاسىپ ايتىپ جٷرمٸن. نە دەگەن بەيباستىق, قويساڭدارشى, قىسقارتساڭدارشى دەپ. «سٸزدەر تٷسٸنبەيسٸزدەر دەگەنگە سايادى. وندا تۇرعان نە بار? قازٸرگٸ زاماننىڭ تالابى سول» – دەيدٸ. وندا زاماننىڭ تالابى سول بولسا, قۇل بولىپ كەتەيٸك. ول دەگەن ساناسىزدىق. ٶنەردەگٸ جٷرگەن ەرٸپتەستەرٸمە دە ايتقىم كەلەدٸ. ەرتەڭ ۇل ٶسٸرەسٸڭدەر, قىز ٶسٸرەسٸڭدەر. «وي, سەكەن اعا دا اقىلدى بولىپ…» دەمەڭٸزدەر. كٶرٸنگەن تاۋدىڭ الىستىعى جوق. ەرتەڭ نەمەرە كٶرەسٸزدەر. سولاردىڭ بارلىعى سول ٸستەگەن نەرسەنٸ قايتالاپ جاتسا, بارلىق وبالى ٶزدەرٸڭٸزدەرگە تيەتٸنٸن ۇمىتپاڭىزدار», – دەيدٸ «مۋزارت» توبىنىڭ ەنشٸسٸ.
مايعازيەۆتٸڭ ايتۋىنشا, شاھكەرٸم كەرمەن جەتەكشٸلٸك ەتەتٸن «قالاۋلىم» باعدارلاماسى مەن امان تاسىعاننىڭ «Talk like» جوباسى قوعامنىڭ بۇزىلۋىنا زور ەسەرٸن تيگٸزٸپ جاتىر.
«باياعىدا توقتار سەرٸكوۆ: «كەز-كەلگەن ادام ورامال تاعىپ تۇرعان قىزدان گٶرٸ, جارتىلاي جالاڭاش قىزعا كٶزٸ جالت ەتە قالاتىنى زاڭدىلىق» – دەپ ايتىپ ەدٸ. نەپسٸ دەگەن بولادى. بٸزدٸ ازعىرىپ جاتىر دا. شايتانعا ەسكەر بولساق, بٸزدٸڭ قۇردىمعا كەتكەنٸمٸز. مەن سٷتتەن اق, سۋدان تازا, پەكپٸن دەپ تۇرعان جوقپىن. بٸراق سونى سانالى تٷردە بٸلٸپ تۇرىپ, قازاقشا جامان سٶز بار ەندٸ «سۋعا سىندىرۋ» نەمەسە «سۋعا بٷلدٸرۋ» دەگەن. ٶز باسىم وسىنى بارىپ تۇرعان ٷلكەن ناداندىق دەپ ويلايمىن», – دەيدٸ مايعازيەۆ.
سەكەن مايعازيۆ بۇل سۇحباتى ارقىلى حايپتىڭ جەتەگٸندە كەتكەن جٸگٸتتەرگە سوڭعى ەسكەرتۋٸن جاسادى.
«باۋىرلارىما ايتقىم كەلەدٸ تاعى دا. بٸز سيياقتى نامىستى ازاماتتاردى, قول جۇمساۋعا دەيٸن مەجبٷرلەمەڭٸزدەرشٸ, ٶتٸنٸش. بٸر كٷنٸ بولماسا, بٸر كٷنٸ نامىستى ازاماتتار جارىلادى. جاقتارىڭىز سىنىپ, اياقتارىڭىز مەيٸپ بولىپ جٷرمەسٸن. تاعى ەسكەرتەمٸن. ەرينە بارلىعى زاڭمەن قورعالعان. بٸراق مەن بابامنىڭ ەرۋاعى ٷشٸن, اللانىڭ رازىلىعى ٷشٸن ونداي قادامعا بارۋعا دايىنمىن. اباي بولىڭدار جٸگٸتتەر! حايپ دەپ جٷرٸپ, حايپقا قۇل بولىپ كەتٸپ جٷرمەڭدەر», - دەيدٸ سەكەن.
دەرەككٶز: Stan.kz
