ۇلتتىق قۇندىلىقتار مەن جالپى ادامزاتتىق مۇرالار, تاريحي جەدٸگەرلەر مەن كيەلٸ ورىندار قانداي سىني جاعداي بولماسىن, ارزان ەجۋە مەن جەڭٸل كٷلكٸنٸڭ «وبەكتٸسٸنە» اينالماۋى تيٸس. ەر ەزٸلدٸڭ – شەگٸ, سىناپ-مٸنەۋدٸڭ ٶز ورنى, مەسەلە كٶتەرۋدٸڭ جٶن-جوسىعى بار. ەلەمدٸك مۇرالار تٸزٸمٸنە ەنگەن ەلٸمٸزدەگٸ ساناۋلى سەۋلەتتٸك كەشەننٸڭ بٸرٸ, تٷركٸ حالىقتارىنىڭ تəۋ ەتەر تٶل ماقتانىشى, اينالاسىندا قازاق حاندارى مەن بيلەرٸ, تۇعىرلى تۇلعالارى مەن باھادٷر باتىرلارى مەڭگٸلٸك قونىس تاپقان كەسەنەنٸ جۇرتشىلىق اراسىندا كەلەكە ەتٸپ قادٸر-قاسيەتٸن تٷسٸرۋگە, ابىروي-بەدەلٸنە نۇسقان كەلتٸرۋگە ەشكٸمنٸڭ دە قاقىسى جوق!
قوجا احمەت ياساۋي كەسەنەسٸنٸڭ ارعى جاعىنداعى عيماراتتىڭ تٷتٸنٸن ماۆزولەيدٸڭ تٶبەسٸنەن شىعارىپ قويعان فوتوگراف پەن وسى فوتوشوپتى تاراتۋشىلاردىڭ ازاماتتىق كٶزقاراسى مەن ٶزٸندٸك ۇستانىمى قانشا ٶزەكتٸ دەسەڭٸزدەر دە, كٶنە شاھاردىڭ بٷگٸنگٸ كەلبەتٸنە كەپٸلدٸك بەرە المايدى. كەرٸسٸنشە تۋعان جەردٸ سٷيۋ, ەربٸر تاسىن قاستەرلەۋ, تاريحي-مەدەني مۇرالاردى قۇرمەتتەۋ سەزٸمدەرٸنەن الىستاپ بارا جاتقانىمىزدى بايقاتادى.
يە, تٷركٸستان حالقىنىڭ باسىم بٶلٸگٸ جىلىتۋ ماۋسىمى كەزٸندە كٶمٸر تۇتىنادى. بٸراق بۇل كٶنە شاھار وبلىس ورتالىعىنا اينالعان جارتى جىل ٸشٸندە قالىپتاسقان جاعداي ەمەستٸگٸن ەستەن شىعارماعان ابزال. قالا – وبلىس ورتالىعى بولىپ جارييالانعان سەتتەن بەرٸ اتقارىلعان جۇمىستاردىڭ نەتيجەسٸندە جەرگٸلٸكتٸ تۇرعانداردىڭ 30 پايىزى كٶگٸلدٸر وتىنعا قول جەتكٸزسە, بيىلعى جىلى بۇل كٶرسەتكٸش 60 پايىزعا ٶسپەك. ال كەلەسٸ جىلى 100 پايىزدى قامتىلعالى وتىر. قالاداعى وسىنداي وڭ ٶزگەرٸستەر مەن ەر سالاداعى ٸسكە اسىپ جاتقان جەنە بولاشاقتىڭ ەنشٸسٸندەگٸ اۋقىمدى جوبالاردى كٶرە وتىرىپ قاپەرگە الماۋ نەمەسە مٷلدەم حابارسىز بولۋ, سونداي-اق جاعىمدى جاڭالىقتارعا كٶز جۇما قاراپ, نەگٸزسٸز اقپارات تاراتۋدىڭ ارعى جاعىندا جاۋاپكەرشٸلٸكتٸڭ جاتاتىنىن دا ۇمىتپاعان جٶن. مەسەلەگە تەرەڭ ٷڭٸلمەي, بٸرجاقتى بۇرا تارتىپ, ەلەۋمەتتٸك جەلٸ ارقىلى مىسقىل كونتەنتتەر جارييالاۋ كەسٸبي بٸلٸكتٸلٸككە دە كٷمەن كەلتٸرەدٸ.
قازٸر جاڭا وبلىستى مۇقاتىپ, كەلەمەجدەيتٸن ەمەس, ۇلت بولىپ ۇيىسىپ, جۇرت بولىپ جۇمىلىپ, حالىق بولىپ قولداپ, جاناشىرلىقپەن دەمەپ, اياعىنان تۇرعىزۋعا كٷش سالاتىن ۋاقىت.
تٷركٸستاندى تٷركٸ ەلەمٸنٸڭ تال بەسٸگٸنە اينالدىرۋدى كٶزدەپ وتىرعان ەلباسىنىڭ باستامالارى مەن مەملەكەتتٸك ساياساتتى ەلگە دۇرىس جەتكٸزۋ – باستى مٸندەت. قالا بٸر كٷندە, تٸپتٸ بٸر جىلدا دا سالىنبايدى. قوردالانعان مەسەلەلەردٸڭ بارلىعى بٷگٸن-ەرتەڭ ٶزدٸگٸنەن شەشٸلٸپ كەتپەسٸ دە انىق. قانشاما كٷش-جٸگەر مەن ەسەلٸ ەڭبەكتٸ, ەڭ باستىسى بٸراز ۋاقىت پەن ازداعان سابىرلىقتى قاجەت ەتەدٸ. بارلىق مەسەلە وبلىس ەكٸمٸ مەن تيٸستٸ مەكەمەلەردٸڭ جٸتٸ باقىلاۋىندا. سوندىقتان مەسەلە كٶتەرەمٸز دەپ, ەلەمنٸڭ سەگٸزٸنشٸ كەرەمەتٸ سانالاتىن, تٷركٸتٸلدەس مۇسىلمانداردىڭ «ەكٸنشٸ مەككەسٸ» اتانعان ماۆزولەيدٸ مازاققا اينالدىرمايىق! تۋريستٸك ورتالىق تٷركٸستانعا ٶزٸمٸزدەن بٶلەك, تۋىستاس ەلدەر مەن دٷنيەجٷزٸ مەملەكەتتەرٸنٸڭ نازارى اۋىپ, كٶز تٸگٸپ وتىرعانى جادىمىزدا تۇرۋى تيٸس!
قانشايىم بايدەۋلەتتٸڭ فەيسبۋكتاعى جازباسىنان
