11 ماۋسىم كٷنٸ «The Queens’ Festival» شاحماتتان جاھاندىق ەيەلدەر ونلاين فەستيۆالٸ باستالادى. ونىڭ اياسىندا شاحماتتان قۇرلىقتىق جەنە جاھاندىق ەيەلدەر ونلاين-تۋرنيرلەرٸ مەن ٷيرەتۋگە ارنالعان ٸس-شارالار سەريياسى ٶتەدٸ, دەپ حابارلايدى قازاقستان شاحمات فەدەراتسيياسىنىڭ باسپاسٶز قىزمەتٸ.
FIDE (حالىقارالىق شاحمات فەدەراتسيياسى) ەيەلدەر شاحمات كوميسسيياسى مەن FIDE ٸس-شارالار كوميسسيياسىمەن بٸرلەسٸپ, ازييا شاحمات فەدەراتسيياسى, افريكا شاحمات كونفەدەراتسيياسى, ەۋروپالىق شاحمات وداعى جەنە امەريكا شاحمات كونفەدەراتسيياسىنىڭ قولداۋىمەن ۇيىمداستىرىلعان بٸرەگەي, جان-جاقتى ٸس-شارا, شاحمات ٶمٸرٸنٸڭ بارلىق اسپەكتٸلەرٸنە ەيەلدەردٸ قاتىستىرۋ جەنە ەلەمدە ەيەلدەردٸڭ مىقتى شاحمات قوعامداستىعىن دامىتۋدى كٶزدەيدٸ.
Netflix ارناسىندا شىققان «پاتشايىمنىڭ گامبيتٸ» (Queen's Gambit) سەريالىنىڭ تانىمالدىعى مەن جەتٸستٸگٸنە نەگٸزدەلگەن بۇل شارا دٷنيەجٷزٸندەگٸ ەيەل شاحماتشىلاردى, شاحمات ويىنىڭ ۇيىمداستىرۋشىلاردى, تٶرەشٸلەردٸ, ىقپال ەتۋشٸلەردٸ, كٶشباسشىلاردى جەنە تٷرلٸ دەڭگەيلەردەگٸ شاحماتشىلاردى بٸرٸكتٸرٸپ, كٶتەرمەلەيدٸ.
ازييا, امەريكا, افريكا جەنە ەۋروپا شاحماتشىلارى «Queens Finals» جەكە جەنە كوماندالىق فينالعا ٶتۋ مٷمكٸندٸگٸ ٷشٸن الدىمەن ونلاين بليتس كۆاليفيكاتسييالىق تۋرنيردە باق سىنايدى.
بارلىق قاتىسقىسى كەلەتٸندەر قازاقستان شاحمات فەدەراتسيياسىنىڭ office@kazchess.kz ەلەكتروندى پوشتاسىنا 2021 جىلدىڭ 5 ماۋسىمىنا دەيٸن ٶتٸنٸم تاستاي الادى.
قاتىسۋ جارناسى – 10 دوللار.
فەستيۆال اياسىندا FIDE باسقارۋشى ديرەكتورى دانا رەيزنيەتسە-وزالا مەن قازاقستاندىق گروسسمەيستەر دينارا سەدۋاقاسوۆا جەنە باسقا دا ارنايى قوناقتاردىڭ قاتىسۋىمەن سەمينارلار مەن تٷرلٸ ٸس-شارالار ٶتەدٸ.
