مەۋلەن ساعاتحانۇلى ەشٸمباەۆتىڭ كانديداتۋراسىن سەنات تٶراعالىعىنا لايىقتى دەپ سانايمىن. بٷگٸن پارلامەنت سەناتىنىڭ وتىرىسىندا سٶز سٶيلەگەن مەملەكەت باسشىسى قاسىم-جومارت توقاەۆ وسىلاي ايتتى, دەپ حابارلايدى قازاقپارات.
وتىرىس بارىسىندا قر پرەزيدەنتٸ بٷگٸنگٸ كەزدە ەلٸمٸزدە جٷزەگە اسىپ جاتقان ماڭىزدى رەفورمالار تۋرالى ايتا كەلە, وندا پارلامەنتتٸڭ, ەسٸرەسە, سەناتتىڭ رٶلٸ دە, قۇزىرەتٸ دە ەرەكشە ەكەنٸنە توقتالدى.
«سەناتتىڭ ەڭ باستى مٸندەتٸ – ساپالى زاڭداردى قابىلداۋ. مۇنداي زاڭدار رەفورمالارعا جول اشادى, تۇراقتىلىق پەن تەرتٸپتٸ قامتاماسىز ەتەدٸ. سەنات دەپۋتاتتارى زاڭ جوبالارىن تالقىلاۋ كەزٸندە نەمەسە باسقا فورماتتاعى باسقوسۋلار بارىسىندا قوعامىمىزداعى ەڭ ٶزەكتٸ, ەلدٸ الاڭداتاتىن مەسەلەلەر جٶنٸندە ٶتكٸر ويلار, سىني پٸكٸرلەر ايتۋعا قۇقىلى. بۇل مەسەلە بويىنشا داۋ جوق. بۇل رەتتە, سٸزدەردٸڭ جۇمىستارىڭىز ٶتە جاۋاپتى ەكەنٸن جاقسى بٸلەمٸن. ٶزدەرٸڭٸزگە مەلٸم, مەنٸڭ جارلىعىممەن سەنات دەپۋتاتى داريعا نۇرسۇلتانقىزى نازارباەۆانىڭ ٶكٸلەتتٸگٸ توقتاتىلدى. ول سەنات تٶراعاسى رەتٸندە بٸر جىلدان استام بەلسەندٸ ەرٸ جەمٸستٸ جۇمىس ٸستەدٸ. سول ٷشٸن داريعا نۇرسۇلتانقىزىنا ريزاشىلىعىمدى بٸلدٸردٸم», - دەدٸ قاسىم-جومارت توقاەۆ.
«مەنٸڭ جارلىعىممەن مەۋلەن ساعاتحانۇلى ەشٸمباەۆ سەنات دەپۋتاتى بولىپ تاعايىندالدى. كونستيتۋتسييانىڭ 58-شٸ بابىنىڭ 1-شٸ تارماعىنا سەيكەس پارلامەنت سەناتىنىڭ تٶراعاسى لاۋازىمىنا مەۋلەن ساعاتحانۇلى ەشٸمباەۆتىڭ كانديداتۋراسىن ۇسىنامىن. ول مەملەكەت قىزمەتٸنٸڭ قىر-سىرىن جەتٸك مەڭگەرگەن, ۇزاق جىل تٷرلٸ سالادا جەمٸستٸ جەنە تيٸمدٸ جۇمىس اتقاردى. پارلامەنت جۇمىسىن جاقسى بٸلەدٸ. ەردايىم ٶزٸنە جٷكتەلگەن مٸندەتتەردٸ ابىرويمەن اتقارىپ كەلەدٸ. مەملەكەتتٸك قىزمەتتەگٸ تەجٸريبەسٸ مول. سوندىقتان, بۇل قىزمەتتٸ ابىرويمەن اتقاراتىنىنا كٷمەنٸم جوق. مەۋلەن ساعاتحانۇلى ەشٸمباەۆتىڭ كانديداتۋراسىن سەنات تٶراعالىعىنا لايىقتى دەپ سانايمىن», - دەدٸ مەملەكەت باسشىسى سەنات وتىرىسىندا سٶيلەگەن سٶزٸندە.
ەسكە سالا كەتەيٸك, بٷگٸن قر پرەزيدەنتتٸڭ ۇسىنىسى بويىنشا سەناتورلار جاسىرىن داۋىس بەرۋ ارقىلى مەۋلەن ەشٸمباەۆتى پارلامەنت سەناتىنىڭ تٶراعاسى ەتٸپ بٸراۋىزدان سايلادى.
