پارلامەنت سەناتىنىڭ تٶراعاسى مەۋلەن ەشٸمباەۆ كورونايرۋس پاندەميياسى مەن وعان قاتىستى داعدارىس جاعدايىندا قازٸرگٸ مەملەكەتتٸك شىعىنداردى قايتا قارالۋى كەرەكتٸگٸن مەلٸم ەتتٸ, دەپ حابارلايدى قازاقپارات.
«قانداي مەسەلەگە نازار اۋدارۋ كەرەك? بٸرٸنشٸدەن مەملەكەت باسشىسى 2024 جىلعا دەيٸن مەملەكەتتٸك قىزمەتكەرلەردٸڭ سانى مەن ۇلتتىق كومپانييالاردىڭ پەرسونالداردىڭ تٶرتتەن بٸرٸن قىسقارتۋ تۋرالى تاپسىرما بەرگەن ەدٸ. بۇل جەردە ەلبەتتە ەڭگٸمە مەملەكەتتٸك قىزمەتكەرلەر شتاتىن مەحانيكالىق تۇرعىدا قىسارتۋ, تۇتاس, موبيلدٸ ەرٸ تيٸمدٸلٸگٸ جوعارى مەملەكەتتٸك اپپاراتتى قالىپتاستىرۋ كەرەك. بۇل باعىتتاعى جۇمىستى جالعاستىرىپ, ٷنەمدەلگەن قاراجاتتى باسقا سالاعا پايدالانسا جٶن بولار ەدٸ. ەكٸنشٸدەن كوروناۆيرۋس پاندەميياسى تسيفرلاندىرۋ مەن قاشىقتان جۇمىس جٷرگٸزۋ ارقىلى اقشانىڭ بٸرشاما بٶلٸگٸن ٷنەمدەۋگە بولاتىنىن كٶرسەتتٸ. مەسەلەن قازٸردٸڭ ٶزٸندە مەملەكەتتٸك اپپاراتتىڭ جارتىسى قاشىقتان جۇمىس ٸستەپ, ٶنٸمدٸلٸكتٸ تٶمەندەتكەن ەمەس», - دەدٸ مەۋلەن ەشٸمباەۆ پارلامەنت سەناتىنىڭ وتىرىسىندا.
ونىڭ ايتۋىنشا قازٸر شارالاردىڭ كٶبٸن ونلاين رەجيمدە ٶتكٸزۋگە بولادى. ٸزٸنشە جۇمىستىڭ بۇل رەتٸ ٸسساپارعا نەمەسە كٶلٸكتٸك شىعىندارعا شىعاتىن قاراجاتتى ٷنەمدەپ قالۋعا جول اشادى. سول سەبەپتٸ مەملەكەتتٸك قىزمەتكەرلەر مەن ۇلتتىق كومپانييالارداعى قىزمەتكەرلەردٸڭ بٸر بٶلٸگٸن قاشىقتان اتقارىلاتىن جۇمىسقا اۋىستىرىپ, وڭتايلاندىرۋ مەن شىعىنداردى قىسقارتۋ مٷمكٸندٸكتەرٸن ماقساتتى تٷردە زەرتتەۋ كەرەك.
«جالعا تٶلەنەتٸن نەمەسە عيماراتتى ۇستاپ تۇرۋ ٷشٸن كەتەتٸن, كٶلٸكتٸك ماقساتتاعى دا شىعىنداردى قىسقارتۋعا مٷمكٸندٸكتٸڭ بار-جوعىن زەرتتەپ, زەردەلەۋ كەرەك. بۇل جەردە ەلەۋەت ايتارلىقتاي مول. مەسەلەن 2019 جىلدىڭ بيۋدجەتٸندە ەلدەن تىس ٸسساپارلار مەن قىزمەتتٸك ساپارلارعا شىعاتىن شىعىن 17,5 پايىزعا ٶسكەن. ەل ٸشٸندەگٸ بۇل باعىتتاعى شىعىن 8,8 پايىزعا ٶسكەن. كٶلٸكتٸك قىزمەت تٶلەمٸ 21 پايىزعا قىمباتتاعان. ٷشٸنشٸدەن قازٸرگٸ جاعدايدا مەملەكەتتٸڭ ستراتەگييالىق ماڭىزى جوق شىعىندارىن دا قىسقارتۋ كەرەك. مەسەلەن بۇعان كونسالتينگتٸ جەنە زەرتتەۋ قىزمەتتەرٸنە شىعاتىن شىعىنداردى جاتقىزۋعا بولادى», - دەدٸ ول.
مەۋلەن ەشٸمباەۆ 2019 جىلدىڭ بيۋدجەتٸندە بۇل ماقساتتا 43 ملرد تەڭگە جۇمسالعانىن ەسكە سالدى.
«جالپى پاندەمييا مەن وعان قاتىستى داعدارىس قازٸرگٸ مەملەكەتتٸك شىعىنداردى قايتا قاراۋعا سەبەپ بولۋى تيٸس. وسىلايشا شىعىنداردى وڭتايلاندىرىپ, قاراجاتتى دامۋ ماقساتىنا جۇمساپ, ازاماتتاردىڭ ٶمٸر ساپاسىن ارتتىرۋ كەرەك», - دەدٸ ول.
