قاراعاندى – تالاي تالانت پەن دارىنداردىڭ كٸندٸگٸن كەسٸپ, توماعاسىن سىپىرعان, قازاق ٷشٸن قۇت دارىپ, باق قونعان قاستەرلٸ مەكەن. سوڭعى اپتادا وسى بٸر ٶلكەگە ەلدٸڭ نازارى ەرەكشە اۋدى. مەسەلەنٸڭ مەنٸسٸ دە بارشاعا مەلٸم.
بٷگٸن ٸشكٸ ٸستەر مينيسترٸنٸڭ بٸرٸنشٸ ورىنباسارى جانات سٷلەيمەنوۆ ارنايى باسپاسٶز مەسليحاتىن ٶتكٸزٸپ, مەسەلەنٸڭ مەن-جايىن تٷسٸندٸرٸپ بەردٸ. اتالعان ٸس بويىنشا ناقتى شارالار قولعا الىنىپ, تەرگەۋ امالدارىنىڭ جٷيەلٸ تٷردە جٷرگٸزٸلٸپ جاتقاندىعىن دا ايتتى. قازٸردٸڭ ٶزٸندە وسى ٸسكە قاتىسى بار دەگەن كٷدٸكپەن 8 ادامنىڭ ۇستالعانى, تاعى بٸرەۋٸنە ٸزدەۋ جارييالانعانى بەلگٸلٸ بولىپ وتىر. بۇل كەشەندٸ جۇمىستار ناقتى نەتيجەسٸن بەرٸپ, جاۋاپتى ادامدار زاڭعا سەيكەس جازالارىن الادى.
وسى رەتتە, ورىن العان جايتقا قاتىستى از-كەم ٶز ويىمىزدى بٸلدٸرٸپ, ٷن قوسقاندى جٶن كٶرٸپ وتىرمىن. بۇعان دەيٸن تەرگەۋ امالدارى باستالىپ كەتكەندٸكتەن, ٸسكە كەدەرگٸ كەلتٸرمەۋدٸڭ قامىن جاساپ, سابىر ساقتاعان ەدٸك.
الدىمەن, بۇل وقيعا بٸزدٸڭ دە جانىمىزعا ايازداي باتىپ, ٶرٸمدەي جٸگٸتتٸڭ قازاسى قابىرعامىزدى قايىستىرىپ كەتكەنٸن ايتقىم كەلەدٸ. سوعان بايلانىستى قايتىس بولعان ازاماتتىڭ وتباسىنا قايعىلارىنا ورتاقتاسىپ, وبلىستىق فيليالىمىز ارقىلى كٶڭٸلٸمٸزدٸ بٸلدٸردٸك.
جالپى وسى بٸر جايت قوعامىمىزدا تاتۋلىق پەن تۇراقتىلىقتى ساقتاۋعا قاتىستى ەلٸ دە جەتٸلدٸرۋدٸ قاجەت ەتەتٸن تۇستاردىڭ بار ەكەنٸن كٶرسەتٸپ بەردٸ. بٸز مۇنداي جاعدايدا, ەڭ بٸرٸنشٸدەن, بارلىق ٸس-ەرەكەتٸمٸزدٸ ەلدٸڭ بٸرلٸگٸن ساقتاۋعا باعىتتاۋىمىز كەرەك. ٶيتكەنٸ قازٸرگٸدەي ەلەمدٸك گەوساياسي جاعدايدىڭ ۋشىعىپ تۇرعان شاعىندا وسىنداي كيكٸلجٸڭدەردٸ ٶز مٷددەسٸنە پايدالانىپ كەتكٸسٸ كەلەتٸن كٷشتەردٸڭ بار ەكەنٸ بەلگٸلٸ. ولاردىڭ كٶزدەيتٸنٸ بٸزدٸڭ بٷگٸنگٸ بٸرتۇتاستىعىمىزعا جٸك تٷسٸرٸپ, ٸرگەمٸزدٸ ىدىراتۋ. سوندىقتان وسىنداي ايتاقتارعا ەرمەي, ەڭ ەۋەلٸ ٸشكٸ تۇراقتىلىعىمىزدى ساقتاۋعا, ونى ودان ەرٸ نىعايتۋعا اسا مەن بەرۋٸمٸز كەرەك دەپ ەسەپتەيمٸن.
وسى تۇستا وسالدىق تانىتقانداردىڭ عۇمىر بويى تٸرنەكتەپ جيعان-تەرگەنٸن بٸر-اق كٷندە جوعالتىپ, بٸرلٸگٸ مەن بەرەكەسٸنەن ايىرىلىپ قالعانىن دا كٶزٸمٸز كٶرٸپ جٷر. ال سول بٸرلٸك پەن بەرەكەنٸڭ ار جاعىندا ەلدٸك, مەملەكەتتٸلٸك, تەۋەلسٸزدٸك دەيتٸن قاستەرلٸ ۇعىمدار تۇر. سوندىقتان قاسىقتاپ جيعانىمىزدى شەلەكتەپ تٶگٸپ الماۋ ٷشٸن بٸرلٸگٸمٸزدٸ بەكەمدەپ, تۇراقتىلىعىمىزدى ساقتاۋدى بٸرٸنشٸ كەزەككە شىعارۋىمىز كەرەك. بۇل – قازاقستاندا تۇراتىن بارلىق حالىققا جٷكتەلەر جاۋاپكەرشٸلٸك.
ەرينە, وسى جاعدايعا بايلانىستى كەيبٸرەۋلەر ەلەۋمەتتٸك مەسەلەلەردٸ دە كٶتەرٸپ, ٸستٸڭ بايىبىن باسقا باعىتقا قاراي بۇرۋدى كٶزدەيتٸندەرٸن بٸلدٸرٸپ قالىپ جاتىر. دەسەك تە, ەلٸمٸزدە ەلەۋمەتتٸك سالانى جاقسارتۋ ٷشٸن قىرۋار شارۋانىڭ اتقارىلعانىن, ٶزەكتٸ دەگەن مەسەلەلەردٸڭ ٶزٸ وڭ شەشٸمٸن تاۋىپ, كٶپ تٷيٸننٸڭ كٷرمەۋٸ شەشٸلە باستاعانىن ايتۋىمىز كەرەك. سول باستاعان ٸستٸ جالعاستىرۋ ٷشٸن دە بٸز بٸرلٸگٸمٸزدەن ايىرىلماي, ونى قايتا كٷشەيتە تٷسۋگە تيٸسپٸز.
سونداي-اق قازاقستانداعى ەلەۋمەتتٸك احۋالعا تەك قازاق ۇلتى ەمەس, ەلدەگٸ بارلىق ەتنوس ٶكٸلدەرٸ دە جاۋاپتى ەكەنٸن جەنە سونى سەزٸنۋٸ كەرەكتٸگٸن ەرەكشە اتاپ ٶتكٸم كەلەدٸ. سول سەبەپتٸ بارلىق حالىق ورتاق ماقساتقا ۇيىسۋى قاجەت. بٸرلٸك پەن تۇراقتىلىقتى دەرٸپتەپ, كەز كەلگەن مەسەلەنٸ اقىلعا سالىپ شەشۋگە ماشىقتانۋىمىز كەرەك. بۇل – بٸز ۇمتىلعان دامىعان, بەسەكەگە قابٸلەتتٸ قوعامنىڭ بەينەسٸ.
بٸزدٸڭ كەز كەلگەن ۋاقىتتا كٷن تەرتٸبٸنەن تٷسپەيتٸن تاعى بٸر ەڭ باستى مەسەلەمٸز – تەۋەلسٸزدٸگٸمٸزدٸ نىعايتۋ. ونىڭ كٸلتٸ بٸرلٸك پەن ىنتىماقتا ەكەنٸن اتا-بابامىز ەۋ باستان ايتىپ كەتكەن. سونىڭ ارقاسىندا, ياعني قازاقستاندى مەكەندەگەن بارلىق حالىقتىڭ باسىن بٸر ارناعان توعىستىرۋ ارقىلى بٸز بٷگٸنگٸ جەتٸستٸكتەرگە قول جەتكٸزدٸك.
بٸز كٶپەتنوستى ەل بولۋدى ٶزٸمٸز تاڭداپ العانىمىز جوق. بۇل – تاريحتىڭ تارتۋى. سوندىقتان وسى باسىمدىعىمىزدى ٶز پايدامىزعا جاراتا بٸلۋدٸڭ ماڭىزى زور. وسى رەتتە بارلىق ازاماتتارعا بٸردەي مٷمكٸندٸكتەر قالىپتاستىرۋ ارقىلى ەلٸمٸزدەگٸ ەر ۇلت ٶكٸلٸنە جاۋاپكەرشٸلٸك جٷكتەلەتٸنٸن ەسكەرۋٸمٸز كەرەك. سونداي-اق قازاق حالقىنىڭ دا جاۋاپكەرشٸلٸگٸ ارتا تٷسەتٸنٸ انىق.
تاعى بٸر ماڭىزدى جايت, قازاقستان كٶپەتنوستى مەملەكەت بولعانىمەن, قازاق حالقىنىڭ مەملەكەت قۇراۋشى ۇلت ەكەنٸن اشىق ايتۋىمىز كەرەك. وعان ەشكٸمنٸڭ كٷمەنٸ دە بولماۋى تيٸس. تٸپتٸ قازاق تٸلٸنٸڭ مەملەكەتتٸك تٸل بولۋىنىڭ ٶزٸندە دە ٷلكەن مەن جاتىر. بٸراق ەشكٸمدٸ الالاماي, بارلىق ازاماتقا ورتاق مٷمكٸندٸك قالىپتاستىرۋ ٶركەنيەتتٸڭ بەلگٸسٸ جەنە تۇراقتى دامۋدىڭ كەپٸلٸ ەكەنٸن ۇمىتپايىق.
سونىمەن قاتار ەلباسىنىڭ «رۋحاني جاڭعىرۋ» باعدارلاماسى, «ۇلى دالانىڭ جەتٸ قىرى» اتتى باعدارلامالىق ماقالاسى, ۇلتتىق كودتى ساقتاۋ, اتا-بابامىزدىڭ دەستٷرٸن دەرٸپتەپ, كەڭ جازيرا دالامىزدىڭ ەلەمدٸك ٶركەنيەتتەگٸ ٷلەسٸ سيياقتى اۋقىمدى جۇمىستار ۇلتتىق سانامىزدى جاڭعىرتۋعا باعىتتالعانى بەلگٸلٸ. وسى جۇمىستاردىڭ بارلىعى اتا-بابامىزدىڭ ارمانى بولعان مەملەكەتتٸگٸمٸزدٸ كٷشەيتۋگە جەنە تەۋەلسٸزدٸگٸمٸزدٸ مەڭگٸلٸك ەتۋگە ارنالعانىن ەستەن شىعارماۋىمىز كەرەك.
سوندىقتان بٸز بٸرلٸكتٸ تۋ ەتٸپ, ەلدٸكتٸڭ ٸرگەسٸنە سىزات تٷسٸرەتٸن كەز كەلگەن قاۋٸپكە قارسى تۇراتىن يممۋنيتەت قالىپتاستىرۋىمىز قاجەت. ۇلتىمىزدىڭ ەرتەڭٸنە جانىمىز شىن اشىسا, ۇرپاققا بٸرلٸگٸ بەكەم, ىنتىماعى جاراسقان مەملەكەت قالدىرۋدى ويلاۋىمىز كەرەك. وسى جولدا بەرٸمٸز بٸر كٸسٸدەي اتسالىسىپ, اقىلمەن ەرەكەت ەتەيٸك.
مەۋلەن ەشٸمباەۆ,
«نۇر وتان» پارتيياسى تٶراعاسىنىڭ بٸرٸنشٸ ورىنباسارى
