مەملەكەت باسشىسىنىڭ جارلىعىنا سەيكەس قازٸر ەلٸمٸزدٸڭ بارلىق ٶڭٸرٸندە اۋماقتىق ەسكەرلەر جاساقتالىپ جاتىر. بۇل تۋرالى قر پرەزيدەنتٸ ەكٸمشٸلٸگٸ باسشىسىنىڭ بٸرٸنشٸ ورىنباسارى مەۋلەن ەشٸمباەۆ Facebook-تەگٸ پاراقشاسىندا جازدى, دەپ حابارلايدى "ۇلت اقپارات".
«مەملەكەت باسشىسىنىڭ جارلىعىنا سەيكەس قازٸر ەلٸمٸزدٸڭ بارلىق ٶڭٸرٸندە اۋماقتىق ەسكەرلەر جاساقتالىپ جاتىر. ساربازداردىڭ الدى مٸندەتتەرٸنە كٸرٸسٸپ تە كەتتٸ. ولار كوروناۆيرۋس ٸندەتٸمەن كٷرەس جۇمىستارىنا جۇمىلدىرىلۋدا.
وسى رەتتە قيىن-قىستاۋ شاقتا ساپقا تۇرعانداردىڭ باسىم بٶلٸگٸ ٶز ەرٸكتەرٸمەن سۇرانىپ كەلگەن ازاماتتار ەكەنٸن ەرەكشە اتاپ ٶتكٸم كەلەدٸ. تٸپتٸ كەيبٸر ٶڭٸرلەردە شاقىرىلعانداردىڭ سانى بولجانعان شەكتەن اسىپ كەتكەن. ەلگە قىزمەت ەتۋگە نيەت بٸلدٸرگەن جاستار جەرگٸلٸكتٸ جەرلەردەگٸ ەسكەري كوميسسارياتتارعا ەلٸ دە كەلٸپ جاتىر. كٷردەلٸ كەزەڭدە كٶپكە ٷلگٸ كٶرسەتكەن ەرٸكتٸ ساربازداردىڭ ٸشٸندە بەلگٸلٸ سپورتشىلار مەن ٶنەر جۇلدىزدارى دا از ەمەس. سولاردىڭ قاتارىندا كٶك تۋىمىزدى رينگ پەن ساحنادا بٸردەي جەلبٸرەتٸپ جٷرگەن يبراگيم ەسكەندٸر باۋىرىمىز بار. قول كٷرەسٸنەن حالىقارالىق سايىستاردا ەل نامىسىن ابىرويمەن قورعاي بٸلگەن تيمۋر سىپاتاەۆ تا ەل ٷشٸن ەڭبەك ەتۋگە دايار ەكەنٸن بٸلدٸردٸ», - دەيدٸ مەۋلەن ەشٸمباەۆ.
سونداي-اق, ول زاپاستاعى وفيتسەرلەر دە قانداي جۇمىس بولسا دا دايىن ەكەنٸن ايتىپ, قاتارعا قوسىلىپ جاتقانىن ايتتى.
«ەلوردادا اعايىندى تٶرت بٸردەي جٸگٸتتٸڭ ٶز ەرٸكتەرٸمەن ارناۋلى جيىنعا كەلٸپ, ەسكەرگە الىنعانىن وسى ەلەۋمەتتٸك جەلٸ ارقىلى بٸلٸپ جاتىرمىز. مۇنىڭ بەرٸ ناعىز ەلدٸك پەن بٸرلٸكتٸڭ جارقىن كٶرٸنٸسٸ ەكەنٸ سٶزسٸز.
شىن مەنٸندە, بٸز ەل باسىنا كٷن تۋعاندا اتقا قونعان قايسار حالىقتىڭ ۇرپاعىمىز. جاستارىمىز قازٸرگٸدەي سىن ساعاتتا جۇدىرىقتاي جۇمىلۋ ارقىلى سونى ايقىن دەلەلدەپ بەردٸ. ەر ازاماتىمىز وسىلاي جاۋاپكەرشٸلٸكتٸ سەزٸنٸپ, وتان ٷشٸن ۇيىسا بٸلسە كەز كەلگەن سىناقتان سٷرٸنبەي ٶتەمٸز.
ىرىس-ىنتىماقتىڭ ارقاسىندا بۇعان دەيٸن دە تالاي دٷربەلەڭنەن امان قالدىق. وعان تاريح كۋە. بۇل جولى دا دەل سولاي بەرەكە-بٸرلٸك تانىتىپ, ٸندەتتٸ بٸرگە ەڭسەرەتٸنٸمٸزگە سەنەمٸز», - دەپ تولىقتىردى قر پرەزيدەنتٸ ەكٸمشٸلٸگٸ باسشىسىنىڭ بٸرٸنشٸ ورىنباسارى.
