«Nur Otan» پارتيياسىنىڭ مۇرىندىق بولۋىمەن قاراعاندى, قىزىلوردا, اقتٶبە, پاۆلودار, قوستاناي جەنە سولتٷستٸك قازاقستان وبلىستارىنان ارىس قالاسىنىڭ تۇرعىندارىنا گۋمانيتارلىق كٶمەك تيەلگەن اۆتوكەرۋەندەر جولعا شىقتى. بۇل تۋرالى «Nur Otan» پارتيياسى تٶراعاسىنىڭ ورىنباسارى مەۋلەن ەشٸمباەۆ Facebook-تەگٸ پاراقشاسىندا جازدى.
«ايتىپ كەلمەگەن اپات ارىستاعى اعايىنعا عانا ەمەس, بٷكٸل الاشقا اۋىر سوققى بولىپ تيدٸ. ەپ-سەتتە ەبٸگەر كٷيگە تٷستٸك. بٸراق بايبالامعا بارماي, وسى كەلەڭسٸزدٸكتٸ ٶزدەرٸنٸڭ جەكە ماقساتتارىنا پايدالانعىسى كەلەتٸندەرگە جول بەرمەۋٸمٸز كەرەك. ول ٷشٸن ەرينە, قانداي جاعداي بولسا دا ەلدٸك پەن بٸرلٸكتٸ تۋ ەتٸپ ەرەكەت ەتەتٸن ەدەتٸمٸزگە سالىپ, جۇدىرىقتاي جۇمىلۋىمىز قاجەت. ٶيتكەنٸ «جۇمىلا كٶتەرگەن جٷك جەڭٸل». قازٸردٸڭ ٶزٸندە ەلٸمٸزدٸڭ بارلىق ٶڭٸرٸنەن ارىسقا قاراي كٶمەك كەرۋەنٸنٸڭ لەك-لەگٸمەن اعىلىپ جاتقانىن كٶرٸپ وتىرمىز. سىن-ساعاتتا بٸرتۇتاستىقتىڭ بيٸگٸنەن كٶرٸنە بٸلگەن حالىقتىڭ بۇل ەرەكەتٸ كٶڭٸل قۋانتادى», - دەپ جازادى مەۋلەن ەشٸمباەۆ.
ونىڭ اتاپ ٶتٸنشە, وسى يگٸ ٸستە «Nur Otan» پارتيياسى دا بەلسەندٸلٸك تانىتىپ, كٶمەك جۇمىستارىن جٷيەلٸ تٷردە جٷرگٸزۋدە. سونىڭ نەتيجەسٸندە العاشقىلاردىڭ بٸرٸ بولىپ كەشە «Nur Otan» پارتيياسىنىڭ قاراعاندى وبلىستىق فيليالى ازىق-تٷلٸك, كيٸم-كەشەك جەنە باسقا دا كەرەك-جاراقتاردان تۇراتىن 10 توننا گۋمانيتارلىق كٶمەك جٸبەردٸ. پارتييانىڭ مۇرىندىق بولۋىمەن قىزىلوردا, اقتٶبە, پاۆلودار, قوستاناي جەنە سولتٷستٸك قازاقستان وبلىستارىنان دا اۆتوكەرۋەندەر جولعا شىقتى.
«سونىمەن قاتار, پارتييامىزدىڭ اقمولا وبلىستىق فيليالى ششۋچينسك-بۋراباي دەمالىس ورىندارىندا ارىستىق 100 بالانىڭ دەمالىسىن قامتاماسىز ەتەدٸ. پاۆلودار وبلىسى دا جازعى ماۋسىمدا 300 بالانىڭ دەمالىسىنا جاعداي جاساۋعا دايىن. وسىعان بايلانىستى بالالاردىڭ تٸزٸمٸن جاساقتاۋ جۇمىستارى دا باستالىپ كەتتٸ. پارتييا جانىنداعى بالالار قۇقىعىن قورعاۋ جٶنٸندەگٸ رەسپۋبليكالىق كەڭەستٸڭ ٶكٸلدەرٸ, سونىڭ ٸشٸندە بٸلٸكتٸ پسيحولوگ ماماندار اپات بولعان ٶڭٸرگە ارنايى بارىپ, زارداپ شەككەن اتا-انالار مەن بالالارعا جان-جاقتى كٶمەك كٶرسەتۋدە», - دەدٸ پارتييا تٶراعاسىنىڭ بٸرٸنشٸ ورىنباسارى.
مەۋلەن ەشٸمباەۆ ٶز جازباسىندا جاسوتاندىقتاردىڭ بەلسەندٸلٸگٸن دە ەرەكشە اتاپ ٶتەدٸ.
«قازٸرگٸ تاڭدا «Jas Otan» جاستار قاناتىنىڭ مٷشەلەرٸ ايماقتاعى ەرٸكتٸلەردٸڭ باسىن قوسىپ, بٸلەك سىبانىپ ەرەكەت ەتۋدە. الداعى ۋاقىتتا دا پارتييا تاراپىنان قولعا الىنعان اۋقىمدى جۇمىستار قارقىندى تٷردە جالعاسادى. كەشە مەملەكەت باسشىسى قاسىم-جومارت كەمەلۇلى توقاەۆ اپات بولعان ورىنعا ارنايى بارىپ, زارداپ شەككەن ازاماتتارمەن كەزدەسٸپ, تيٸستٸ ورىندارعا ناقتى تاپسىرمالار بەردٸ. جاعداي باقىلاۋدا. سوندىقتان قازاقستان حالقى بۇل سىننان دا سٷرٸنبەي ٶتٸپ, بٸرلٸك پەن بەرەكەنٸڭ جارقىن ٷلگٸسٸن كٶرسەتەتٸنٸنە كەمٸل سەنەمٸن. پارتييامىزدىڭ بارلىق وبلىستىق فيليالدارىندا گۋمانيتارلىق كٶمەك قابىلدايتىن ورىندار تەۋلٸك بويى جۇمىس ٸستەپ جاتقانىن تاعى بٸر ايتىپ ٶتكٸم كەلەدٸ. اتالعان قابىلداۋ پۋنكتەرٸنٸڭ مەكەنجايلارى مىنا جەردە كٶرسەتٸلگەن, - دەدٸ م.ەشٸمباەۆ.
