.jpg)
فوتو: ايجان الحابەك
جيھانكەز جۋرناليست دينارا بولاتتىڭ ٶزگە پايىمى Ult.kz-تە.
ۇلتتىق كيٸم كييۋ جىلدان جىلعا سەنگە اينالىپ كەلە جاتقانى كٶپشٸلٸكتٸ قۋانتادى. قازٸرگٸ تاڭدا جاس جۇلدىزداردان باستاپ, قوعامدىق پٸكٸر يەلەرٸنە دەيٸن ۇلتىمىزدىڭ بولمىسىن ايشىقتاپ, كٶپتٸڭ الدىنا ۇلتتىق كيٸممەن شىعىپ جٷرگەنٸ ەدەمٸ دەسەدٸ. ناۋرىزنامانىڭ ونكٷندٸگٸن, سونىڭ ٸشٸندە 18-شٸ ناۋرىزدى «ۇلتتىق كيٸم كييۋ كٷنٸ» دەپ بەلگٸلەنگەلٸ بۇل جاقسى ەدەت كٶلەمدٸ مەرەكەگە اينالدى. پرەزيدەنتٸمٸز قاسىم-جومارت كەمەلۇلى توقاەۆ ۇل -قىزدارىمىز ۇلتتىق كيٸمدٸ تەك مەرەكەدە ەمەس, ۇدايى كيٸپ جٷرسە دە جاراسىمدى بولاتىنىن ايتقان ەدٸ. سەيكەسٸنشە, ۇلتتىق كيٸم كييۋدٸ مەملەكەتتٸك دەڭگەيدە ناسيحاتتاي باستاعان سوڭ, نارىقتا وعان سۇرانىس ارتتى.
اقتٶبەلٸك «سىرماق» برەندٸنٸڭ تٸگٸنشٸ-ديزاينەرٸ ينابات ەسكەندٸر ٷشٸن ۇلتتىق كيٸمدٸ كٶپشٸلٸككە ۇسىنۋ جاي عانا كەسٸپ ەمەس, تٷپ تامىرىمىزدى تابۋعا ۇلتتىق كيٸم ارقىلى ٷلەس قوسۋ. ول بۇل ٸستٸ ٶمٸرلٸك ميسسييا كٶرەدٸ.
«ەلبەتتە مەرەكە الدىندا ۇلتتىق كيٸمگە سۇرانىس ارتادى. بٸراق بٸز تٸگەتٸن سىرماقتاردى سىيلىققا, ٶزٸنە, نە بولماسا شەتەلگە كييۋگە دەپ جىل بويى سۇراتادى. سۇرانىس ارتقان سايىن قولدانىس اياسى مەن اسسورتيمەنتتٸ كٶبەيتۋ ٷشٸن ەڭبەكتەنٸپ جاتىرمىز. كەسٸبٸمنٸڭ ماقساتى — ۇلتتىق كيٸمدٸ زاماناۋي ٷلگٸدە ۇسىنۋ جەنە ناۋرىز بەن جۇما كٷنٸ عانا ەمەس, كٷندە ۇيالماي, ماقتانىشپەن كيٸپ جٷرۋٸمٸزگە ٷلەسٸمدٸ قوسۋ. ميسسييام سول. جاستاردىڭ ساۋاتتى, ۇلتجاندى ەكەنٸن كٶرسەم مەز بولامىن», — دەيدٸ ينابات ەسكەندٸر.
فوتو: ايجان الحابەك
يە, جىل سايىن كٶنەنٸڭ كٶزٸن جاڭعىرتىپ, جاڭا يدەيالارمەن تولىققان تٷرلٸ ۇلتتىق كيٸمدەرگە تاڭداۋ كٶبەيدٸ. تٷرلٸ باعا, تٷرلٸ ساپا. الايدا كٶپشٸلٸك ساپالى ماتادان, ەرەكشە ديزاينمەن تٸگٸلٸگەن ۇلتتىق كيٸمدەر حالىق ٷشٸن قولجەتٸمسٸز, باعالارى قىمبات دەپ رەنٸش بٸلدٸرەدٸ.
ساپالى ۇلتتىق كيٸم نە ٷشٸن قىمبات ەكەنٸن سوڭعى جىلدارى نارىقتا قىز كەلٸنشەكتەر اراسىندا سۇرانىسقا يە بوپ جٷرگەن «Zeine» ەتنو برەندٸنٸڭ تٸگٸنشٸ ديزاينەرٸ باقىتگٷل كٶشەربايدان سۇراپ كٶردٸك:
«يە, كەلٸسەمٸن, ۇلتتىق ناقىشتاعى ساپالى كيٸمدەردٸڭ باعاسى جوعارى بولىپ جاتادى. ونىڭ باستى سەبەبٸ, بٸزدەگٸ ٶندٸرٸستٸڭ تولىق دامىماۋى. ماتالاردىڭ جەتٸسپەۋشٸلٸگٸ مەن ساپالى ماتەريالداردىڭ قىمبات بولۋى, ٶندٸرٸس ورىندارىنىڭ ازدىعى, سونداي-اق كەيبٸر دەتالدٸ قولٶنەر جۇمىستارىنىڭ كٶپ ەڭبەكتٸ قاجەت ەتۋٸ — بارلىعى باعاعا تٸكەلەي ەسەر ەتەدٸ.
سونىمەن قاتار, ەرەكشە ماتالاردى شەتەلدەن ارنايى تاپسىرىسپەن الدىرۋ قاجەتتٸگٸ دە ٶزٸندٸك ٷلەسٸن قوسادى. كەيبٸر بۇيىمدارىمىزدىڭ جارىققا شىعۋى 6 ايعا دەيٸن سوزىلۋى مٷمكٸن. سەبەبٸ ەر كەزەڭٸ مۇقييات جوسپارلاۋدى جەنە جوعارى ساپانى تالاپ ەتەدٸ. سىزبا جۇمىستارىنىڭ ٶزٸ ۇزاق ۋاقىت الادى. ال ەرەكشە, ەرٸ ساپالى ٶنٸم جاساۋ ٷشٸن باسقا دا ديزاينەرلەرمەن بٸرلەسە جۇمىس ٸستەيمٸز. وسى فاكتورلاردىڭ بارلىعى ۇلتتىق كيٸمدەردٸڭ باعاسىنا ەسەر ەتەدٸ. بٸز مٷمكٸندٸگٸنشە قولجەتٸمدٸ ەرٸ ەدەمٸ دٷنيەلەردٸ شىعارۋعا تىرىسىپ جاتىرمىز», — دەيدٸ ديزاينەر.
پايىم
ۇلتتىق كيٸم كييۋگە جاستاردىڭ دا, ٷلكەندەردٸڭ دە ىنتاسى زور. ۇلتتىق كيٸمنٸڭ تٷرلٸ ٷلگٸسٸنە ونى كيٸپ جٷرەتٸن ٶز تۇتىنۋشىلارى دا تابىلىپ جٷر. نارىق جىلدان جىلعا ۇلعايىپ كەلەدٸ. ۇلتتىق كيٸم تٸگۋشٸ ديزاينەرلەر اراسىندا بەسەكە بار بولعاندىقتان, ساپا دا بار. بار مەسەلە ەدەمٸ ٷلگٸدە تٸگٸلگەن, ساپالى ۇلتتىق كيٸم كيگٸسٸ كەلەتٸن ۇمتىلىستىڭ كەيدە قالتا شاماسىمەن سەيكەس كەلمەۋٸندە. سول سەبەپتٸ ماماندار ۇلتتىق كيٸم كييۋدٸ مەملەكەتتٸك دەڭگەيدە ناسيحاتتاپ قانا قويماي, ونى كٶپشٸلٸككە قولجەتٸمدٸ ەتەتٸندەي ماتا, شيكٸزات شىعاراتىن ٶندٸرٸس ورىندارىن اشۋ باستى قاجەتتٸلٸك بوپ تۇرعانىن ايتادى. بۇل مەسەلە شەشٸلگەندە عانا كيٸمگە قاجەت تٷرلٸ ۇساق دەتال, ماتالار كٶرشٸ قىتاي, ٶزبەكستان, قىرعىزستان, تٷركييادان ساتىپ الىنباي, تولىق ٶز جەرٸمٸزدە ٶندٸرٸلٸپ, تٸگٸلگەن دەپ اتاۋعا كەلەتٸن ەدٸ. سوندا عانا ۇلتتىق كيٸمدٸ كيٸپ جٷرگەن ەر قازاقتىڭ ەڭسەسٸ تٸكتەلٸپ, ٶزٸمەن بٸرگە تۋعان جەرٸنٸڭ بٸر بٶلشەگٸن ەرەكشە ماقتانىشپەن الىپ جٷرەر ەدٸ. سول كٷنگە جەتەيٸك.
.jpg)
