فوتو: senate.parlam.kz
قازاقستاندا قوس ازاماتتىعى بار مەسليحات دەپۋتاتتارى انىقتالدى. بۇل تۋرالى سەنات تٶراعاسى مەۋلەن ەشٸمباەۆ ايتتى, دەپ حابارلايدى قازاقپارات اگەنتتٸگٸ.
«مينيسترلٸك مەلٸمەتٸنە قاراعاندا, 2022 جىلى قوس ازاماتتىقتىڭ 841 دەرەگٸ انىقتالدى. ال بيىل قاڭتار-قازان ارالىعىندا 525 قوس ازاماتتىعى بار ادام انىقتالدى. قوس ازاماتتىعى بارلاردىڭ اراسىندا جەرگٸلٸكتٸ ٶكٸلدٸ ورگانداردىڭ دەپۋتاتتارى دا بولعان جاعدايلار بار», - دەدٸ ەشٸمباەۆ سەناتتىڭ جالپى وتىرىسىندا.
بۇل تۇرعىدا سەنات تٶراعاسى ەلٸمٸزدە زاڭ تالاپتارىن بۇزاتىنداردى جىلدام انىقتاۋ كەرەك ەكەنٸن ايتتى. ياعني ەلٸمٸزدٸڭ كونستيتۋتسيياسىندا قوس ازاماتتىققا تىيىم سالىنعان.
بۇدان بۇرىن حابارلانعانداي, جاقىندا ٸشكٸ ٸستەر مينيسترلٸگٸ قوس ازاماتتىعى بار ادامداردى قازاقستان اۋماعىنان شىعارۋعا قاتىستى تٷسٸنٸك بەردٸ.
«دەگەنمەن قازاقستان رەسپۋبليكاسىنىڭ ازاماتتىق تۋرالى زاڭناماسىن بۇزعانى ٷشٸن سوڭعى بەس جىلدا 3 515 (2018 جىلى – 522, ونىڭ ٸشٸندە 425-ٸنە ايىپپۇل سالىنىپ, 97-سٸ ەلدەن شىعارىلدى. 2019 جىلى – 449, ونىڭ ٸشٸندە 393-ٸنە ايىپپۇل سالىنىپ, 56-سى ەلدەن شىعارىلدى. 2020 جىلى – 585, ونىڭ ٸشٸندە 543-ٸنە ايىپپۇل سالىنىپ, 42-سٸ ەلدەن شىعارىلدى. 2021 جىلى – 1118, ونىڭ ٸشٸندە 978-ٸنە ايىپپۇل سالىنىپ, 140 ەلدەن شىعارىلدى. 2022 جىلى - 841, ونىڭ ٸشٸندە 703-ٸنە ايىپپۇل سالىنىپ, 138 ەلدەن تىس جەرگە شىعارىلدى) ادام ەكٸمشٸلٸك جاۋاپكەرشٸلٸككە تارتىلدى. ولاردىڭ كٶبٸسٸ – رەسەي ازاماتتارى. بۇل رەتتە قوس ازاماتتىق فاكتٸلەرٸ انىقتالعان بارلىق ادام قازاقستان ازاماتتىعىنان ايىرىلادى», - دەلٸنگەن ۆەدومستۆو مەلٸمەتٸندە.
ەسكە سالايىق, 2020 جىلى پاۆلودار وبلىسىنداعى ٸشكٸ ٸستەر ورگانىندا قىزمەت ەتكەن ماماندا قوس ازاماتتىق بولعانى حابارلانعان ەدٸ.
