مەسكەۋدەگٸ ەيگٸلٸ تروەكۋروۆ زيراتىنان قىرعىزستاننىڭ تۇڭعىش پرەزيدەنتٸ اسقار اقاەۆتىڭ ۇلى, سونداي-اق قازاقستاننىڭ ەكس-پرەزيدەنتٸ نۇرسۇلتان نازارباەۆتىڭ كەنجە قىزى ەلييا نازارباەۆانىڭ بۇرىنعى جۇبايى ايدار اقاەۆتىڭ قابٸرٸ تابىلدى, دەپ حابارلايدى ult.kz.
بۇل تۋرالى بلوگەر نايل ۆاليەۆ ەلەۋمەتتٸك جەلٸدەگٸ پاراقشاسىندا حابارلاپ, ايدار اقاەۆقا قويىلعان ەسكەرتكٸشتٸڭ ۆيدەوسىن جارييالادى. جەلٸدە تاراعان كادرلاردا قۇلپىتاس ۇلتتىق ناقىشتاعى بەسٸك پٸشٸنٸندە جاسالعانى كٶرٸنەدٸ. ەرەكشە سەۋلەتتٸك شەشٸم كٶپشٸلٸكتٸڭ نازارىن اۋدارىپ, ەلەۋمەتتٸك جەلٸلەردە قىزۋ تالقىلانا باستادى.
ايدار اقاەۆ قىرعىزستاندا ساياساتپەن اينالىسىپ, ەل پارلامەنتٸنٸڭ دەپۋتاتى قىزمەتٸن اتقارعان. الايدا 2005 جىلعى «قىزعالداق رەۆوليۋتسيياسىنان» كەيٸن اقاەۆتار وتباسى بيلٸكتەن كەتٸپ, ايدار اقاەۆ رەسەيگە قونىس اۋدارعان. كەيٸن قىرعىزستان بيلٸگٸ وعان بٸرقاتار قىلمىستىق ٸستەر بويىنشا ايىپ تاعىپ, ٸزدەۋ جارييالاعانىمەن, ول ۇزاق جىل بويى مەسكەۋدە تۇرعان.
ايدار اقاەۆ 2020 جىلدىڭ 5 اقپانىندا مەسكەۋدە 43 جاسىندا جٷرەك تالماسىنان قايتىس بولدى. سول كەزدە ونىڭ قازاسى تۋرالى اقپاراتتى وتباسى مٷشەلەرٸ راستاعان ەدٸ.
ايتا كەتەيٸك, ايدار اقاەۆ قازاقستاننىڭ بۇرىنعى پرەزيدەنتٸ نۇرسۇلتان نازارباەۆتىڭ قىزى ەلييا نازارباەۆامەن نەكەدە بولعان. كەيٸن ولاردىڭ نەكەسٸ بۇزىلىپ, ەرقايسىسى ٶز ٶمٸر جولىن جالعاستىردى.
قازٸر ەلەۋمەتتٸك جەلٸلەردە بلوگەر جارييالاعان بەينە كەڭٸنەن تاراپ, قولدانۋشىلار ەرەكشە ەسكەرتكٸشتٸڭ مەنٸ مەن ايدار اقاەۆتىڭ ٶمٸر جولىن قىزۋ تالقىلاپ جاتىر.
