مەسكەۋدەگٸ لەفورتوۆسكيي سوتى وپپوزيتسيونەر الەكسەي ناۆالنىيدى "الاياقتىق جاسادى" جەنە "سوتقا قۇرمەت كٶرسەتپەدٸ" دەگەن ايىپپەن توعىز جىلعا قاتاڭ رەجيمدەگٸ تٷرمەگە قامادى جەنە 1,2 ملن رۋبل ايىپپۇل سالدى.
بۇعان دەيٸن مەملەكەتتٸك ايىپتاۋشى ناۆالنىيدى 13 جىلعا سوتتاۋدى جەنە وعان 1,2 ملن رۋبل ايىپپۇل سالۋدى سۇراعان ەدٸ.
رەسەي ناۆالنىيدى "جەمقورلىقپەن كٷرەس قورىنا" اۋدارىلعان اقشانى ٶز قاجەتٸنە جۇمسادى جەنە وسىعان دەيٸنگٸ سوتتاردا سۋديا, پروكۋرورعا جالا جاپتى دەپ ايىپتاعان.
وپپوزيتسيونەر مەن ونىڭ جاقتاستارى بۇل قىلمىستىق ٸستٸ "ابسۋرد" دەپ اتادى.
ناۆالنىي – رەسەي پرەزيدەنتٸ پۋتيندٸ اشىق سىناپ جٷرگەن ساياساتكەر ەرٸ رەسەي وپپوزيتسيياسىنىڭ ليدەرٸ. ونىڭ "جەمقورلىقپەن كٷرەس قورى" پۋتين مەن پۋتيننٸڭ اينالاسىنداعى شەندٸلەردٸڭ كوررۋپتسيياعا قاتىسى بارىن دەلەلدەيتٸن كٶپتەگەن زەرتتەۋ جارييالاعان.
الەكسەي ناۆالنىي 2020 جىلعى 20 تامىزدا تومسكٸدەن مەسكەۋ بارا جاتقان ۇشاقتىڭ بورتىندا ەسٸنەن تانىپ, الدىمەن ومبى اۋرۋحاناسىنا, كەيٸن گەرمانيياداعى "شاريتە" كلينيكاسىنا جەتكٸزٸلگەن. Bellingcat زەرتتەۋ توبى بٸرنەشە باسىلىممەن بٸرلەسە جٷرگٸزگەن زەرتتەۋٸن جارييالاپ, ناۆالنىيدى رەسەي فەدەرالدىق قاۋٸپسٸزدٸك كوميتەتٸ قىزمەتٸنٸڭ (فسب) ارنايى توبى ۋلاعان دەدٸ.
ساياساتكەر 2020 جىلى قىركٷيەكتٸڭ باسىندا كومادان شىعىپ, رەسەيگە ورالعاندا رەسەي پوليتسيياسى ونى ەۋەجايدان ۇستاپ, قاماعان. سودان بەرٸ ناۆالنىي قاماۋدا وتىر.
