15 قازاندا قازاقستان رەسپۋبليكاسىنىڭ رەسەي فەدەراتسيياسىنداعى ەلشٸلٸگٸندە قازٸرگٸ قازاق پوەزيياسى مەن پروزاسى انتولوگيياسىنىڭ ورىس تٸلٸندەگٸ نۇسقاسىنىڭ تۇساۋكەسەر رەسٸمٸ ٶتتٸ, دەپ حابارلايدى "ۇلت اقپارات".
قازاق ەدەبيەتٸ جيناعىنىڭ ورىس تٸلٸنە اۋدارماسى مەن باسىلىمىن كٶركەم اۋدارما سالاسىنداعى تەجٸريبەلٸ رەسەيلٸك مامانداردىڭ قاتىسۋىمەن رەسەي جازۋشىلار وداعىنىڭ مەسكەۋ قالالىق بٶلٸمشەسٸ مەن مەسكەۋ مەملەكەتتٸك ۋنيۆەرسيتەتٸنٸڭ باسپاسى ورىندادى. انتولوگييالارعا العىسٶزدٸ رەسەيدٸڭ اكادەمييالىق قوعامداستىعىنىڭ كٶرنەكتٸ ٶكٸلدەرٸ جازدى. مىسالى, پروزا انتولوگيياسىنا مەسكەۋ مەملەكەتتٸك ۋنيۆەرسيتەتٸ فيلولوگييا فاكۋلتەتٸنٸڭ پرەزيدەنتٸ, فيلولوگييا عىلىمدارىنىڭ دوكتورى مارينا رەمنيوۆا العىسٶز ارناسا, قازٸرگٸ قازاق پوەزيياسىنىڭ جيناعىنا العىسٶز جازعان – ا.م. گوركيي اتىنداعى ەلەم ەدەبيەتٸ ينستيتۋتىنىڭ ديرەكتورى, فيلولوگييا عىلىمدارىنىڭ دوكتورى ۆاديم پولونسكيي.
مەسكەۋ مەملەكەتتٸك ۋنيۆەرسيتەتٸ باسپاسىنان جارىق كٶرگەن قازاق پروزاسى مەن پوەزيياسىنىڭ جيناقتارى ورىس تٸلٸندە سٶيلەيتٸن 14 مەملەكەتتٸڭ 3,5 مىڭنان اسا كٸتاپحاناسىنا, ۋنيۆەرسيتەتتەرٸ مەن عىلىمي ورتالىقتارىنا جەتكٸزٸلەدٸ.
تانىستىرىلىمعا رەسەي فەدەراتسيياسى پرەزيدەنتٸنٸڭ ايماقارالىق جەنە مەدەني بايلانىستار باسقارماسىنىڭ باسشىسى ۆلاديمير چەرنوۆ, رەسەي جازۋشىلار وداعىنىڭ باسشىلىعى, سونداي-اق اۋدارماشىلار, ەدەبي رەداكتورلار, سىنشىلار مەن شولۋشىلار قاتىستى. قازاقستان تاراپىنان شاراعا قر پرەزيدەنتٸنٸڭ كٶمەكشٸسٸ, «رۋحاني جاڭعىرۋ» باعدارلاماسىن جٷزەگە اسىرۋ بويىنشا ۇلتتىق كوميسسييا حاتشىسى ايدا بالاەۆا, قر رەسەي فەدەراتسيياسىنداعى تٶتەنشە جەنە ٶكٸلەتتٸ ەلشٸسٸ يمانعالي تاسماعامبەتوۆ, ۇلتتىق اۋدارما بيۋروسىنىڭ اتقارۋشى ديرەكتورى راۋان كەنجەحانۇلى, قازاقستان جازۋشىلار وداعى تٶراعاسىنىڭ ورىنباسارى اقبەرەن ەلگەزەك قاتىستى.
زاماناۋي قازاق ەدەبيەتٸنٸڭ ٷزدٸك ٷلگٸلەرٸنٸڭ بۇۇ 6 تٸلٸنە اۋدارماسى «جاھانداعى زامانۋي قازاقستاندىق مەدەنيەت» جوباسى اياسىندا جٷزەگە اسىپ وتىرعانى مەلٸم. جوبا, ٶز كەزەگٸندە, قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى ن.نازارباەۆتىڭ باستاماسىمەن قولعا الىنعان «رۋحاني جاڭعىرۋ» باعدارلاماسىنىڭ ماڭىزدى باعىتى بولىپ تابىلادى. «جاھانداعى زامانۋي قازاقستاندىق مەدەنيەت» جوباسىنىڭ مٸندەتٸ – قازٸرگٸ زامانعى قازاقستاننىڭ ەدەبيەت, مۋزىكا, بەينەلەۋ ٶنەرٸ, حورەوگرافييا, كينو جەنە تەاتر سالالارىنداعى مەدەني قازىنالارىن ەلەم جۇرتشىلىعىنا تانىستىرۋ.
تانىستىرىلىم سالتاناتىندا سٶز سٶيلەگەن ايدا بالاەۆا جوبانىڭ 2017 جىلى سەۋٸر ايىندا تۇڭعىش پرەزيدەنت نۇرسۇلتان نازارباەۆ ۇسىنعان «رۋحاني جاڭعىرۋ» باعدارلاماسىنىڭ اياسىندا جٷزەگە اسىپ جاتقانىن جەتكٸزدٸ.
«ونىڭ ٶزەگٸندە زاماناۋي ەلەمدە ۇلتتىڭ بەسەكەگە قابٸلەتتٸلٸگٸ ونىڭ مەدەني جەنە ينتەللەكتۋالدىق پوتەنتسيالىمەن ٶلشەنەدٸ دەگەن وي جاتىر. بٷگٸنگٸ تۇساۋكەسەر «جاھاندىق ەلەمدەگٸ زاماناۋي قازاقستاندىق مەدەنيەت» جوباسىنىڭ اياسىنداعى جۇمىستىڭ جەمٸسٸ. ول قازاقستاندىق ەدەبيەت, مۋزىكا, بەينەلەۋ ٶنەرٸ, تەاتر جەنە كينو تۋىندىلارىن ەلەمگە تانىستىرۋعا باعىتتالعان. بٷگٸنگٸ جوبامىز جٷيەلٸ تٷردە جالعاسىن تاۋىپ, مەدەنيەت ارالىق قارىم قاتىناستاردىڭ ۇلعايۋىنا نەگٸز بولادى دەگەن سەنٸمدەمٸن. «رۋحاني جاڭعىرۋ» باعدارلاماسىنىڭ اياسىندا 60 قازاقستاندىق اۆتوردىڭ تاڭدامالى شىعارمالارى تۇڭعىش رەت بٸردەن ەلەمنٸڭ نەگٸزگٸ التى تٸلٸنە اۋدارىلىپ وتىر. جوبانى جٷزەگە اسىرۋعا ۇلىبريتانييا, فرانتسييا, يسپانييا, ەگيپەت, قىتاي جەنە رەسەيدٸڭ جەتەكشٸ باسپا ۇيىمدارى اتسالىستى. انتولوگييالار ەلەمنٸڭ 90-نان اسا ەلٸنە, بەس قۇرلىققا تارايدى. ياعني, بۇرىن-سوڭدى دٷنيەجٷزٸ وقىرماندارىنىڭ قولىنا تٷسپەگەن قازاق ەدەبيەتٸنٸڭ ٷزدٸك ٷلگٸلەرٸمەن 2,6 ملرد ادام تانىسۋعا مٷمكٸندٸك الادى», – دەدٸ ايدا بالاەۆا.
ايتا كەتەرلٸگٸ, «رۋحاني جاڭعىرۋ» باعدارلاماسىنىڭ بٸر باعىتى – «جاھانداعى زاماناۋي قازاقستاندىق مەدەنيەت» جوباسى اياسىندا قازٸرگٸ قازاق ەدەبيەتٸنٸڭ ەكٸ انتولوگيياسى اۋدارىلىپ, جارىق كٶردٸ. ولار – «قازٸرگٸ قازاق پروزاسىنىڭ انتولوگيياسى» جەنە «قازٸرگٸ قازاق پوەزيياسىنىڭ انتولوگيياسى». ەر انتولوگييانىڭ كٶلەمٸ – شامامەن 500 بەتتەي, ەرقايسىسىنا 30 قازاقستاندىق اۆتوردىڭ تاڭدامالى شىعارماسى ەندٸ.
