مەسكەۋدە قازاقستان رەسپۋبليكاسىنىڭ تەۋەلسٸزدٸك كٷنٸنە وراي سالتاناتتى قابىلداۋ ٶتتٸ, – دەپ حابارلايدى «ۇلت اقپارات» قازاقستان ەلشٸلٸگٸنە سٸلتەمە جاساپ.
رەسەي استاناسىنىڭ «لوتتە موسكۆا» اتتى قوناق ٷيٸندە قازاقستان رەسپۋبليكاسىنىڭ تەۋەلسٸزدٸك كٷنٸنە ارنالعان سالتاناتتى قابىلداۋ كەشٸ ٶتتٸ. وسى كەشتٸڭ مەرتەبەلٸ مەيماندارىنىڭ اراسىنان رەسەي فەدەراتسيياسى پرەزيدەنت ەكٸمشٸلٸگٸ, ٷكٸمەتتٸڭ جەنە سىرتقى ٸستەر مينيسترلٸگٸنٸڭ ٶكٸلدەرٸ, ەلەمنٸڭ تٷكپٸر-تٷكپٸرٸندە ورنالاسقان مەملەكەتتەردٸڭ ديپلوماتييالىق كورپۋس جەتەكشٸلەرٸ جەنە حالىقارالىق ۇيىمدار, عالىمدار مەن مەدەنيەت قايراتكەرلەرٸ, تانىمال قازاق-رەسەي جۇلدىزدارى جەنە قازاق دياسپوراسىنىڭ ٶكٸلدەرٸ بولدى.
دەستٷر بويىنشا كەش قازاقستان رەسپۋبليكاسىنىڭ رەسەي فەدەراتسيياسىنداعى تٶتەنشە جەنە ٶكٸلەتتٸ ەلشٸسٸ يمانعالي تاسماعامبەتوۆتٸڭ سالتاناتتى قۇتتىقتاۋىمەن اشىلدى. ول ٶز سٶزٸندە وتانىمىزدىڭ تەۋەلسٸزدٸك تۇعىرىن 28 جىل ٸشٸندە بارلىق ەلەمدٸك قاۋىمداستىق جەنە ەتنوستار ٶكٸلدەرٸ مويىنداعانىن اتاپ ٶتتٸ. ونىڭ سٶزٸنشە, قازاقستاندى شەت ەلدەردە تولەرانتتىلىققا, كونفەسسييالىق جەنە مەدەنيارالىق كەلٸسٸمگە قول جەتكٸزۋگە باعىتتالعان دەيەكتٸ ٸشكٸ ساياسات جٷرگٸزەتٸن مەملەكەت دەپ بٸلەدٸ.
«قازاقستان جوسپارلانعان ەكونوميكادان بەسەكەگە قابٸلەتتٸ نارىقتىق ەكونوميكاعا كٶشۋ ٷردٸسٸن سەتتٸ ٶتكٸزدٸ جەنە بۇل جٷيەنٸڭ بارلىق تەتٸكتەرٸ مەن زاڭنامالىق نەگٸزدەرٸن قۇراستىرا بٸلدٸ. قازاقستان ەۋرازييالىق كەڭٸستٸكتەگٸ ينتەگراتسييانىڭ لوكوموتيۆٸ بولىپ تابىلادى. ەلٸمٸزدٸڭ قارقىندى دامۋى مەملەكەتكە ٶمٸردٸڭ بارلىق سالالارىن ودان ەرٸ رەفورمالاۋعا مٷمكٸندٸك بەرەدٸ», - دەپ اتاپ ٶتتٸ ديپلوماتييالىق ميسسييانىڭ باسشىسى. سٶزٸنٸڭ سوڭىندا ول قازاقستان حالقىن تەۋەلسٸزدٸك كٷنٸمەن قۇتتىقتاپ, بارلىعىنا باقىت پەن زور دەنساۋلىق تٸلەدٸ.
ٶز كەزەگٸندە رەسەي فەدەراتسيياسى سىرتقى ٸستەر مينيسترٸنٸڭ ورىنباسارى الەكساندر پانكين بٷگٸنگٸ تاڭدا قازاقستان دامىعان ەكونوميكاسى مەن حالىقتىڭ ٶمٸر سٷرۋ دەڭگەيٸ, مەدەني كەلبەتٸ ايقىن, زاماناۋي, دەموكراتييالىق, كٶپۇلتتى مەملەكەت ەكەندٸگٸنە نازار اۋداردى.
«رەسەي مەن قازاقستان حالىقتارى تاتۋ كٶرشٸلەر رەتٸندە ٶمٸر سٷرٸپ, ەكونوميكالىق جەنە ەلەۋمەتتٸك دامۋ مەسەلەلەرٸن بٸرلەسە شەشەدٸ, تۋىنداعان قيىندىقتاردى بٸرگە جەڭەدٸ. باۋىرلاس قازاقستان حالقىنا بارلىق جاقسىلىقتاردى تٸلەيمٸن», - دەپ قورىتىندىلادى الەكساندر پانكين. سونىمەن قاتار, بۇل كەشتە ەر جەردەن قازاقستان حالقىنا جولدانعان قۇتتىقتاۋلار ەستٸلدٸ.
ساياساتتانۋشى, كاسپيي ىنتىماقتاستىعى ينستيتۋتىنىڭ ديرەكتورى سەرگەي ميحەەۆ تەۋەلسٸز قازاقستاننىڭ باستى جەتٸستٸگٸ - بۇل كەدەرگٸسٸز تۇراقتى دامۋ ەكەنٸنە سەنٸم بٸلدٸردٸ.
«بٸزدٸڭ قيىن-قىستاۋ كەزەڭٸمٸزدە ٷزدٸكسٸز العا قادام باسۋ – ونىڭ ٶزٸ ٷلكەن جەتٸستٸك. قيىندىقسىز تۇراقتى دامۋدى قامتاماسىز ەتەتٸن قازاقستان ٷشٸن بۇل پوستكەڭەستٸك كەڭٸستٸكتەگٸ جەنە ودان تىس ايماقتار ٷشٸن دە سەتتٸ ٷردٸس. سوندىقتان مەن قازاقستان حالقىن مەرەكەمەن قۇتتىقتايمىن جەنە بارلىعىڭىزعا جاقسىلىق تٸلەيمٸن».
ماقتان تۇتار ازاماتتارىمىزدىڭ بٸرٸ, كينورەجيسسەر تيمۋر بەكمامبەتوۆ تە ٶز جەرلەستەرٸن مەرەكەمەن قۇتتىقتادى.
«تۋعان جەرٸمدە بولماعانىم ٷشٸن ٶكٸنەمٸن, بٸراق جانىممەن ەرقاشان سٸزدەرمەن بٸرگەمٸن. بارلىقتارىڭىزعا تەك سەتتٸلٸك تٸلەيمٸن, ال قالعانىن ادامدار ٶزدەرٸ شەشەدٸ» - دەدٸ ول.
سالتاناتتى قابىلداۋ بارىسىندا قوناقتار تەك پٸكٸر الماسىپ قانا قويماي, سونىمەن بٸرگە بٸرنەشە ساعات بويىنا قازاقستانعا ساياحاتقا شىعا الدى. مۇنداي مٷمكٸندٸكتٸ قوناقتارعا سەرٸك زاكارييا جەتەكشٸلٸك ەتەتٸن «ارايلى اقتٶبە» فولكلورلىق انسامبلٸنٸڭ ەرتٸستەرٸ, قازاقستاندىق سۋرەتشٸلەر مەن ەيگٸلٸ مٷسٸنشٸ مارات عابدراحمانوۆتىڭ كٶرمەسٸ سىي ەتتٸ. ٸس-شارانىڭ شارىقتاۋ شەگٸ قازاقتىڭ ۇلتتىق تاعامدارىمەن تانىسۋ بولدى. قوناقتارعا تٷرلٸ تاعامدار مەن سۋسىندار ۇسىنىلدى. سونداي-اق, كەش قوناقتارىنىڭ بەرٸ فوتوسەسسيياعا قاتىستى.
