مەسكەۋدە قازاننىڭ 18-ٸ كٷنٸ ٶزبەكستاننىڭ تۇڭعىش پرەزيدەنتٸ يسلام كاريموۆكە ورناتىلعان ەسكەرتكٸش اشىلدى. ەسكەرتكٸش 15 قازانعا قاراعان تٷنٸ مەسكەۋدٸڭ ورتالىق ياكيمانكا مۋنيتسيپالدىق وكرۋگٸندەگٸ كاريموۆ ساياباعىندا ورناتىلعان.
ازاتتىقتىڭ ورىس رەداكتسيياسىنىڭ حابارلاۋىنشا, ەسكەرتكٸشتٸڭ اشىلۋ سالتاناتىندا كٷزەت كٷشەيتٸلدٸ. پوليتسەيلەر قورشاۋعا العان ساياباققا جۋرناليستەردٸ تٸزٸممەن عانا كٸرگٸزدٸ.
شاراعا رەسەي مەن ٶزبەكستان بيلٸگٸنٸڭ ٶكٸلدەرٸ قاتىستى. جيىنعا قاتىسقاندار يسلام كاريموۆتٸ "كٶرنەكتٸ تۇلعا" دەپ اتاپ, ونىڭ ٶزبەكستاندا "تٷرلٸ-تٷستٸ تٶڭكەرٸستٸڭ بولۋىنا جول بەرمەگەنٸن" ايتتى.
بيىل قاڭتاردا ياكيمانكا وكرۋگٸنٸڭ دەپۋتاتتارى يسلام كاريموۆتٸڭ ەسكەرتكٸشٸن ورناتۋعا قارسى شىققان. رەسەي ليبەرال-دەموكراتييالىق پارتيياسىنىڭ ٶكٸلدەرٸ كاريموۆتٸ ٶزبەكستانداعى ورىستٸلدٸ تۇرعىندارعا قاتىستى جاۋلىق تانىتتى جەنە ەلدە سوۆەت مۇرالارىنان ارىلۋ ساياساتىن جٷرگٸزدٸ دەپ ايىپتاپ, ەسكەرتكٸش ورناتۋعا قارسى پەتيتسيياعا قول قويۋعا شاقىرعان.
مەسكەۋ بيلٸگٸ كاريموۆكە ەسكەرتكٸش ورناتۋ جٶنٸندەگٸ رەفەرەندۋم ٶتكٸزۋ جوباسىن قابىلداماي تاستاعان.
يسلام كاريموۆ ٶزبەكستاندى 1989 جىلدان بەرٸ باسقارعان. ول 2016 جىلى 2 قىركٷيەكتە 78 جاسىندا ينسۋلتتەن قايتىس بولدى. قۇقىق قورعاۋشىلار يسلام كاريموۆتٸ وسى زامانداعى ەڭ قاتىگەز ديكتاتورلاردىڭ بٸرٸ دەپ سانايدى. ولار كاريموۆتٸ ٶزبەكستاندا ادام قۇقىعىن جيٸ بۇزدى, ەلدەگٸ كەز-كەلگەن وپپوزيتسييالىق كٶڭٸل-كٷيدٸ تۇنشىقتىرىپ وتىردى جەنە 2005 جىلى مامىردا ەندٸجاندا بولعان تەرتٸپسٸزدٸك كەزٸندە جٷزدەگەن ادامنىڭ ٶلٸمٸنە كٸنەلٸ دەپ ايىپتايدى.
