گريگوريي رودچەنكوۆ, مەسكەۋدەگٸ دوپينگكە قارسى زەرتحانانىڭ بۇرىنعى ديرەكتورى.
رەسەي بٸرٸنشٸ رەت جىلدار بويى رەسەيلٸك سپورتشىلار - وليمپيادا چەمپيوندارىنىڭ دوپينگ قولدانعانىن جاسىرىپ كەلگەنٸن مويىندادى. بۇل تۋرالى New York Times گازەتٸندە جارييالانعان رەسەيدٸڭ دوپينگكە قارسى اگەنتتٸگٸ ديرەكتورىنىڭ مٸندەتٸن اتقارۋشى اننا انتسەلوۆيچتٸڭ سۇحباتىندا ايتىلادى. باسىلىمنىڭ جازۋىنشا, انتسەلوۆيچ دوپينگتٸ قولداۋ باعدارلاماسىنا پۋتيننٸڭ نەمەسە ونىڭ جاقىن ادامدارىنىڭ قاتىسى بار دەگەن پٸكٸردٸ جوققا شىعاردى.
انتسەلوۆيچ باتىستا ٶتكەن جىلدىڭ مامىرىنان بەرٸ پايدا بولعان اقپاراتتى, ەسٸرەسە مەسكەۋدەگٸ دوپينگكە قارسى زەرتحانانىڭ بۇرىنعى ديرەكتورى, قازٸر اقش-تا تۇراتىن گريگوريي رودچەنكوۆ سپورتشىلارعا دوپينگ بەردٸ جەنە سوچي وليمپياداسىندا رەسەيلٸك سپورتشىلاردىڭ دوپينگ تابىلعان سىنامالارىن جويعان دەگەن پٸكٸردٸ راستادى. ول فەدەرالدىق قاۋٸپسٸزدٸك قىزمەتٸنٸڭ قىزمەتكەرلەرٸ وليمپياداعا قاتىسقان رەسەي سپورتشىلارىنىڭ دوپينگ تابىلعان سىنامالارىن جاسىرىپ, تازا سىنامالارمەن الماستىرىپ قويعانىن, بۇرىنعى سپورت مينيسترٸنٸڭ ورىنباسارى يۋريي ناگورنىيدىڭ تانىمال سپورتشىلاردىڭ تىيىم سالىنعان پرەپاراتتاردى قولدانعانىن جاسىرۋعا بۇيىرعانىن راستادى. رەسەي بۇعان دەيٸن مۇنىڭ بارلىعىن تەرٸستەپ كەلگەن.
دٷنيەجٷزٸلٸك دوپينگكە قارسى اگەنتتٸك (WADA) تاعايىنداعان كوميسسييانىڭ باسشىسى ريچارد ماكلارەن رەسەي مويىنداۋ ارقىلى WADA-مەن بايلانىسىن قالپىنا كەلتٸرۋگە تىرىسىپ جاتىر دەيدٸ. WADA مەسكەۋدەن تاياۋدا جٷرگٸزگەن تەكسەرۋ قورىتىندىسىمەن كەلٸسۋدٸ تالاپ ەتەدٸ. كەلٸسكەن جاعدايدا عانا رەسەيدٸڭ دوپينگكە قارسى قىزمەتٸنە دوپينگ تەست جٷرگٸزۋگە, ال سپورت مينيسترلٸگٸنە ەلدە حالىقارالىق جارىستار ٶتكٸزۋگە قايتا رۇقسات بەرٸلمەك.
New York Times-قا بەرگەن سۇحباتىندا رەسەيدٸڭ جوعارى شەندٸ سپورت شەنەۋنٸگٸ ۆيتاليي سميرنوۆ رەسەيلٸك سپورتشىلار جاسىرىن تٷردە دوپينگ قولدانباي باتىستىق سپورتشىلارمەن بەسەكەگە تٷسە المايتىنىن ايتقان. ونىڭ سٶزٸنشە, باتىس ەلدەرٸنٸڭ سپورتشىلارىنا مەديتسينالىق تۇرعىدان انابوليتيكالىق ستەرويدتەردٸ قابىلداۋعا رۇقسات ەتكەن WADA رەسەيلٸكتەردٸڭ وسىعان ۇقساس پرەپاراتتاردى اشىق قولدانۋىنا رۇقسات ەتپەس ەدٸ.
"ازاتتىق"
