مەسكەۋ بيلٸگٸنە قارايتىن "ەلەكتروننايا موسكۆا" كومپانيياسى قالاعا "باقىلاۋ جٷيەسٸ تەحنيكاسىن" ساتىپ الۋ ٷشٸن تەندەر جارييالادى. كەلٸسٸمنٸڭ ەڭ جوعارى قۇنى - 1,2 ملرد رۋبل. بۇل اقپاراتتى مەملەكەتتٸك ساتىپ الۋ سايتىنا سٸلتەمە جاساعان "كوممەرسانت" باسىلىمى حابارلادى.
قالا بيلٸگٸ ساتىپ الايىن دەپ وتىرعان قۇرال-جابدىقتار تٸزٸمٸندە سەرۆەر, ترانسيۆەرلەر, كوممۋتاتور جەنە دەرەكتٸ ساقتاۋ جٷيەسٸ بار. اۋكتسيون جەڭٸمپازى 18 قاراشادا انىقتالادى.
مەسكەۋ بيلٸگٸ قالاداعى بارلىق كامەرانى (دوموفون, باعدارشام, پودەزد, ۆوكزالدار, قوعامدىق كٶلٸكتەردەگٸ كامەرالار دا) بٸرٸكتٸرٸپ, بٸرتۇتاس ۆيدەوكەڭٸستٸك جاساماقشى. باعدارشامعا ورناتىلعان جٷيە مىسالى, جاياۋ جٷرگٸنشٸلەردٸ بەت ەلپەتٸنٸڭ كەسكٸنٸ ارقىلى انىقتاپ, رۋلدە وتىرعان جٷرگٸزۋشٸنٸڭ نە ٸستەپ وتىرعانىن, بەلدٸك تاققانىن-تاقپاعانىن بٸلٸپ وتىرادى.
ادامدى بەت ەلپەتٸنٸڭ كەسكٸنٸنەن انىقتايتىن تەحنولوگييانى مەسكەۋ بيلٸگٸ 2017 جىلدان باستاپ ورناتا باستاعان. بيىل مامىر ايىندا مەسكەۋ مەرٸ سەرگەي سوبيانين قالادا ەكٸ مىڭنان استام اقىلدى كامەرا ورناتىلعانىن حابارلاعان. قالانى تۇتاس باقىلاۋعا الۋ يدەياسى تولىق جٷزەگە اسسا, مەسكەۋ قىتايدان كەيٸنگٸ ەلەمدە قاتتى باقىلاناتىن ورىندار قاتارىنا ەنەدٸ.
مەسكەۋ قالاسىنىڭ 2019 جىلعى بيۋدجەتٸندە باقىلاۋ جٷيەسٸن قامتاماسىز ەتۋگە 7,5 ميلليارد رۋبل قاراجات قاراستىرىلعان. بۇعان قوسا, التى ميلليارد رۋبل دەرەكتەردٸ ٶڭدەۋ ورتالىقتارىنا جۇمسالادى. اقىلدى كامەرالاردىڭ دەرەكتەرٸن قۇقىق قورعاۋ ورگاندارىنان بٶلەك, فەدەرالدىق سوت قىزمەتكەرلەرٸ دە كٶرە الادى.
بۇعان دەيٸن مەسكەۋ تۇرعىنى, ازاماتتىق بەلسەندٸ الەنا پوپوۆا سوتتان ادامدى بەت ەلپەتٸنٸڭ كەسكٸنٸنەن انىقتايتىن تەحنولوگيياعا تىيىم سالۋدى سۇراعان.
پوپوۆانىڭ ويىنشا, مەسكەۋ بيلٸگٸنٸڭ ەرەكەتٸ زاڭسىز سەبەبٸ, ازاماتتاردىڭ اتى-جٶنٸن انىقتاۋعا كٶمەكتەسەتٸن دەرەكتەر بيومەتريكالىق دەرەكتەر قاتارىنا كٸرەدٸ. بۇدان بٶلەك, بەلسەندٸ رەسەي بيلٸگٸ ازاماتتاردىڭ جەكە ٶمٸرٸنٸڭ قۇپييالىلىعىنا كەپٸلدٸك بەرەتٸن كونستيتۋتسييانى بۇزدى دەپ سانايدى. 6 قاراشادا مەسكەۋدٸڭ ساۆەلەۆ سوتى پوپوۆانىڭ ٶتٸنٸشٸن قاناعاتتاندىرمادى.
