Máskeý biligine qaraityn "Elektronnaia Moskva" kompaniiasy qalaǵa "baqylaý júiesi tehnikasyn" satyp alý úshin tender jariialady. Kelisimniń eń joǵary quny - 1,2 mlrd rýbl. Bul aqparatty memlekettik satyp alý saityna silteme jasaǵan "Kommersant" basylymy habarlady.
Qala biligi satyp alaiyn dep otyrǵan qural-jabdyqtar tiziminde server, transiverler, kommýtator jáne derekti saqtaý júiesi bar. Aýktsion jeńimpazy 18 qarashada anyqtalady.
Máskeý biligi qaladaǵy barlyq kamerany (domofon, baǵdarsham, podezd, vokzaldar, qoǵamdyq kólikterdegi kameralar da) biriktirip, birtutas videokeńistik jasamaqshy. Baǵdarshamǵa ornatylǵan júie mysaly, jaiaý júrginshilerdi bet álpetiniń keskini arqyly anyqtap, rýlde otyrǵan júrgizýshiniń ne istep otyrǵanyn, beldik taqqanyn-taqpaǵanyn bilip otyrady.
Adamdy bet álpetiniń keskininen anyqtaityn tehnologiiany Máskeý biligi 2017 jyldan bastap ornata bastaǵan. Biyl mamyr aiynda Máskeý meri Sergei Sobianin qalada eki myńnan astam aqyldy kamera ornatylǵanyn habarlaǵan. Qalany tutas baqylaýǵa alý ideiasy tolyq júzege assa, Máskeý Qytaidan keiingi álemde qatty baqylanatyn oryndar qataryna enedi.
Máskeý qalasynyń 2019 jylǵy biýdjetinde baqylaý júiesin qamtamasyz etýge 7,5 milliard rýbl qarajat qarastyrylǵan. Buǵan qosa, alty milliard rýbl derekterdi óńdeý ortalyqtaryna jumsalady. Aqyldy kameralardyń derekterin quqyq qorǵaý organdarynan bólek, federaldyq sot qyzmetkerleri de kóre alady.
Buǵan deiin Máskeý turǵyny, azamattyq belsendi Alena Popova sottan adamdy bet álpetiniń keskininen anyqtaityn tehnologiiaǵa tyiym salýdy suraǵan.
Popovanyń oiynsha, Máskeý biliginiń áreketi zańsyz sebebi, azamattardyń aty-jónin anyqtaýǵa kómektesetin derekter biometrikalyq derekter qataryna kiredi. Budan bólek, belsendi Resei biligi azamattardyń jeke ómiriniń qupiialylyǵyna kepildik beretin Konstitýtsiiany buzdy dep sanaidy. 6 qarashada Máskeýdiń Savelev soty Popovanyń ótinishin qanaǵattandyrmady.
