كوروناۆيرۋس ينفەكتسيياسىنىڭ ىقتيمال جاڭا تولقىنىنىڭ باستالۋىنا بايلانىستى ماماندار الماتىلىقتارعا ماسكا تاعۋدىڭ ماڭىزدىلىعى تۋرالى تاعى دا ەسكەرتتٸ, دەپ حابارلايدى قازاقپارات.
«قوعامدىق ورىنداردا, ادامدار كٶپ ٶتەتٸن كٶشەلەردە, سونىڭ ٸشٸندە قوعامدىق كٶلٸكتە بەتپەردە تاعۋ ۆيرۋستىڭ اۋامەن تارالۋىنا جول بەرمەيدٸ. ٶزدەرٸڭٸز بٸلەتٸندەي, ادامدار كوروناۆيرۋس ينفەكتسيياسىمەن سيمپتومسىز اۋىرۋى مٷمكٸن جەنە بۇل تۋرالى بٸلمەستەن, قوعامدىق ورىنداردا ماسكالاردى قولدانباي جٷرگەن جاعدايدا باسقالارعا جۇقتىرۋ قاۋپٸن تۋدىرادى. ەرينە, تىعىز بايلانىستا نەمەسە بٸر بٶلمەدە ۇزاق ۋاقىت بولعان كەزدە ماسكالار ۆيرۋستاردان كەپٸلدەندٸرٸلگەن قورعاۋدى قامتاماسىز ەتپەيدٸ, بٸراق بۇل ىقتيمالدىعىن ايتارلىقتاي تٶمەندەتەدٸ. ال بارلىق ادامداردىڭ ماسكالاردى قولدانۋى ۆيرۋستى جۇقتىرۋ قاۋپٸن 90% -كە دەيٸن تٶمەندەتەدٸ»,-دەدٸ الماتى قالاسى تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ باسشىسىنىڭ ورىنباسارى, دەرٸگەر-ەپيدەميولوگ ەسەل قالىقوۆا.
بۇعان دەيٸن الماتى قالاسىنىڭ ٶڭٸرلٸك كوممۋنيكاتسييالار قىزمەتٸنٸڭ الاڭىندا ٶتكەن ونلاين-سۇحبات بارىسىندا قازاقستاننىڭ پروفيلاكتيكالىق مەديتسينا اكادەميياسىنىڭ پرەزيدەنتٸ الماز شارمان ماسكا تاعۋ پاندەمييانىڭ ەكٸنشٸ تولقىنىنىڭ قۋاتىن ايتارلىقتاي تٶمەندەتۋٸ مٷمكٸن ەكەنٸن اتاپ ٶتكەن بولاتىن. سونداي-اق, ول COVID-19-بەن اۋىرعان ادامدارعا اۋرۋدىڭ سيمپتومدىق, سيمپتومسىز اعىمىنا قاراماستان, بەتپەردە كييۋدٸ جەنە قاشىقتىقتى ساقتاۋدى ۇسىندى.
«ەگەر سٸز اۋىرىپ جٷرمەسەڭٸز دە, ۆيرۋس مۇرىنعا نەمەسە اۋىزعا تٷسٸپ, بايلانىس ارقىلى ودان ەرٸ تارالۋى مٷمكٸن. ساقتىق شارالارىن ساقتاي وتىرىپ, سٸز ٶزٸڭٸزدٸ عانا ەمەس, جاقىندارىڭىز بەن اينالاڭىزداعى ادامداردى دا قورعايسىز. بۇل جەردە باسقالاردىڭ قاۋٸپسٸزدٸگٸ تۋرالى دا سٶز بولىپ وتىر. سوندىقتان مەن بارلىعىن ساقتىق شارالارىن ساقتاۋدى جالعاستىرۋعا شاقىرامىن», - دەدٸ ا.شارمان.
سونىمەن قاتار, ساراپشىلار ماسكالاردى دۇرىس كييۋ كەرەك ەكەنٸن ايتادى. اۋىزدى عانا ەمەس, مۇرىندى دا جابۋ كەرەك, ٶيتكەنٸ اۋادا قوزعالاتىن ۆيرۋستىڭ مۇرىن مەن كٶزدٸڭ شىرىشتى قاباتتارىنا ەنۋٸ ىقتيمالدىعى جوعارى.
