فوتو: ەرا/تاسس
امەريكالىق كەسٸپكەر يلون ماسك جاساندى ينتەللەكت نەگٸزٸندە جۇمىس ٸستەيتٸن جاڭا ەنتسيكلوپەدييا – Grokipedia جوباسىن تانىستىردى. قازٸرگٸ ۋاقىتتا وندا 885 مىڭنان استام ماقالا بار, دەپ حابارلادى Business Insider.
بۇل باستاما ماسكتىڭ «ۋيكيپەدييامەن» اراداعى رەداكتسييالىق ساياساتقا بايلانىستى كەلٸسپەۋشٸلٸكتەرٸنەن كەيٸن جٷزەگە استى.
Washington Post-تىڭ مەلٸمەتٸنشە, Grokipedia.com سايتى ٸسكە قوسىلعاننان كەيٸن بٸرنەشە ساعات بويى جۇمىس ٸستەپ تۇردى, بٸراق كەيبٸر قولدانۋشىلار العاشقى مينۋتتاردا تەحنيكالىق قاتەلٸكتەر تۋرالى حابارلاعان. قازٸر سايت جۇمىس ٸستەپ تۇر جەنە وعان قازاقستاننان دا كٸرۋگە بولادى. پورتالدىڭ 0.1 نۇسقاسىندا تەك بٸر ٸزدەۋ جولاعى بار: قولدانۋشى سۇراعىن ەنگٸزسە, جٷيە اۆتوماتتى تٷردە ۇقساس سۇراقتار مەن جاۋاپ نۇسقالارىن ۇسىنادى.
xAI كومپانيياسى Grokipedia جوباسىن ەزٸرلەپ جاتقانىن ماسك قىركٷيەك ايىندا حابارلاعان بولاتىن. ول «ۋيكيپەدييانى» بٸرجاقتى رەداكتسييالىق ساياساتى ٷشٸن جيٸ سىنعا الادى.
ماسكتىڭ «ۋيكيپەديياعا» نارازىلىعى ٶتكەن جىلى باستالدى. سول كەزدە NewsGuard كومپانيياسى ونىڭ ەلەۋمەتتٸك جەلٸسٸن «يزرايل مەن حاماس اراسىنداعى قاقتىعىس تۋرالى دەزينفورماتسييانىڭ باستى تاراتۋ كٶزٸ» دەپ اتاعان ەدٸ. ساراپشىلار بۇل جاعدايدى ماسك ساتىپ العاننان كەيٸن «كٶك بەلگٸلەردٸڭ» (تەكسەرٸلگەن اككاۋنتتار بەلگٸسٸ) ساتىلىمعا شىعۋىمەن بايلانىستىرعان. وسى مٷمكٸندٸكتٸ جالعان اقپارات تاراتاتىن اككاۋنتتار پايدالانىپ, ٶزدەرٸن سەنٸمدٸ دەرەككٶز رەتٸندە كٶرسەتكەن.
ايتا كەتسەك, NewsGuard كەڭەسشٸلەرٸنٸڭ قاتارىندا «ۋيكيپەدييانىڭ» نەگٸزٸن قالاۋشى دجيممي ۋەيلس بار. ول بۇعان دەيٸن دە ماسكتى سىناعان. مەسەلەن, 2023 جىلعى مامىردا تٷركييادا پرەزيدەنتتٸك سايلاۋ كەزٸندە ح ەلەۋمەتتٸك جەلٸسٸ تٷرٸك بيلٸگٸنٸڭ تالابىمەن وپپوزيتسييالىق ساياساتكەرلەردٸڭ اككاۋنتتارىن ٶشٸرسە, «ۋيكيپەدييا» مۇنداي قادامعا بارماعان.
Grokipedia اتاۋى Grok سٶزٸنەن شىققان. بۇل – ماسكتىڭ 2023 جىلى ناۋرىزدا قۇرعان xAI كومپانيياسىنىڭ جاساندى ينتەللەكتكە نەگٸزدەلگەن كٶمەكشٸسٸ مەن چات-بوتىنىڭ اتاۋى. Grok مەتٸن مەن سۋرەت گەنەراتسييالاي الادى جەنە ChatGPT سەكٸلدٸ پايدالانۋشىمەن ديالوگ جٷرگٸزەدٸ. سونداي-اق ول ينتەرنەت پەن ح پلاتفورماسى ارقىلى ناقتى ۋاقىتتاعى اقپاراتقا قول جەتكٸزە الادى.
Grok چات-بوتى قازٸرگٸ تاڭدا ح ەلەۋمەتتٸك جەلٸسٸنٸڭ پرەميۋم جازىلۋشىلارىنا, سونداي-اق جەكە سايت پەن xAI پورتالى ارقىلى قولجەتٸمدٸ.
Grokipedia دا سول جٷيە سيياقتى جاساندى ينتەللەكت نەگٸزٸندە جۇمىس ٸستەيدٸ. الايدا ونىڭ باستى ايىرماشىلىعى — ماقالالاردى ادامدار ەمەس, Grok الگوريتمدەرٸ جازادى.
