ەلٸمٸز بويىنشا مەكتەپتەردە 250 مىڭنان استام ورىن تاپشىلىعى بار. بۇل تۋرالى قر وقۋ-اعارتۋ مينيسترٸ اسحات ايماعامبەتوۆ ايتتى, دەپ حابارلايدى قازاقپارات.
«ەندٸ 2023 جىلدان باستاپ سالىناتىن مەكتەپتەر مەملەكەتتٸك ستاندارتتارعا ساي بولۋى قاجەت. ەگەر روبوتوتەحنيكا, فيزيكا, حيمييا پەندٸك كابينەتتەرٸ قاجەت بولسا, وندا مەكتەپتٸ سوعان ساي جابدىقتاۋ كەرەك. قازٸرگٸ ۋاقىتتا مەكتەپ سالىنىپ بٸتەدٸ دە, ليتسەنزييا الۋعا كەلگەندە بارلىق قاجەتتٸ قۇرال-جابدىقتىڭ جەتٸسپەيتٸنٸ بەلگٸلٸ بولاتىنى جاسىرىن ەمەس. مەسەلەن, سپورت زالىن الاتىن بولساق, قازٸرگٸ ۋاقىتتا 1 200 وقۋشىعا ارنالعان ٶتە ٷلكەن مەكتەپتەر سالىنىپ جاتىر. ەكٸ اۋىسىمدى ەسەپتەسەك, 2 400 وقۋشى وقيدى. بٸراق ول مەكتەپتە تەك بٸر عانا سپورت زالى قاراستىرىلعان. ال ەگەر تيپتٸك وقۋ باعدارلاماسىن قارايتىن بولساق, اپتاسىنا ەر سىنىپتا ٷش ساعات دەنە شىنىقتىرۋ ساباعى بار. سول ٷش ساعاتتى بارلىق سىنىپقا سانايتىن بولساق, وندا بٸر سپورت زالى جەتٸسپەيدٸ جەنە بٸر ۋاقىتتا بٸرنەشە سىنىپ بٸر سپورت زالىندا شىنىعادى. سوندىقتان بٸرنەشە سپورت زالى كەرەك. نەلٸكتەن قازٸر كٶپتەگەن اتا-انا بالالارىن مەملەكەتتٸك-جەكەشەلٸك ەرٸپتەستٸك بويىنشا سالىنعان جاڭا مەكتەپتەرگە بەرۋگە ۇمتىلادى? سەبەبٸ ولار تولىق جابدىقتالعان جەنە ستاندارتتارعا ساي. سوندىقتان بٸزگە وسىنداي مەكتەپتەر قاجەت», - دەدٸ اسحات ايماعامبەتوۆ.
مينيستر «قولايلى مەكتەپ» جوباسىندا قۇرىلىس ماتەريالدارىنىڭ ساپاسى جەنە باستاۋىش پەن جوعارى سىنىپ وقۋشىلارىن بلوكتارعا بٶلۋ مەسەلەسٸ دە قاراستىرىلاتىنىن ايتتى.
«بۇل جوبا بويىنشا بٸزدە قوسىمشا 800 مىڭنان استام ورىن بەرٸلەدٸ جەنە جوعارىدا ايتىلعان مەسەلەلەر شەشٸمٸن تابادى. بٷگٸنگٸ تاڭدا ەلٸمٸز بويىنشا مەكتەپتەردە 250 مىڭنان استام ورىن تاپشىلىعى بار. ەگەر بٸز وسى مەسەلەنٸ قازٸر شەشپەسەك, 2026 جىلعا قاراي جالپى تاپشىلىق 1 ملن 200 مىڭعا دەيٸن جەتەدٸ. بىلتىر بٸز پرەزيدەنتتٸڭ تاپسىرماسى اياسىندا 277 مەكتەپ سالدىق. بيىل 225-تەن اسا مەكتەپ سالعالى وتىرمىز. مەكتەپ قۇرىلىسى مەن قارجىلاندىرۋدى ەكٸمدٸكتەر جٷرگٸزەدٸ», - دەدٸ مينيستر.
