فوتو: primeminister.kz
مارات كٷلدٸكوۆ قر تٶتەنشە جاعدايلار ۆيتسە-مينيسترٸ قىزمەتٸنەن بوساتىلدى, - دەپ حابارلايدى "ۇلت اقپارات" ٷكٸمەت باسپاسٶز قىزمەتٸنە سٸلتەمە جاساپ.
"قر ٷكٸمەتٸنٸڭ قاۋلىسىمەن مارات مۇحامەتقاليۇلى كٷلدٸكوۆ بەرگەن ٶتٸنٸشٸنە سەيكەس قر تٶتەنشە جاعدايلار ۆيتسە-مينيسترٸ قىزمەتٸنەن بوساتىلدى", - دەلٸنگەن حابارلامادا.
مارات كٷلدٸكوۆ 1967 جىلى سەمەي وبلىسىندا تۋعان. 1994 جىلى قر ٸٸم الماتى جوعارى تەحنيكالىق ۋچيليششەسٸن «ٶرتتەن قورعانۋ تەحنيكاسى جەنە ونى ۇيىمداستىرۋ» ماماندىعى بويىنشا, 2000 جىلى قر تجك كٶكشەتاۋ تەحنيكالىق ينستيتۋتىن «ٶرت قاۋٸپسٸزدٸگٸ» ماماندىعى بويىنشا بٸتٸرگەن.
ەڭبەك جولىن 1989 جىلى سەمەي قالاسىن كٷزەتۋ جٶنٸندەگٸ ٸٸب №79 ەسكەريلەندٸرٸلگەن ٶرت سٶندٸرۋ بٶلٸمٸنە باعىنىستى ٶرت سٶندٸرۋشٸ بولىپ باستاعان. 1993-2008 جىلدارى شىعىس قازاقستان وبلىسىنىڭ مەملەكەتتٸك ٶرتكە قارسى قىزمەت ورگاندارىندا ورتا جەنە اعا باسشى قۇرامىنىڭ تٷرلٸ لاۋازىمدارىن اتقارعان. 2008-2012 ج.ج. — شىعىس قازاقستان وبلىسىنىڭ تٶتەنشە جاعدايلار دەپارتامەنتٸنٸڭ باستىعىنىڭ ورىنباسارى – سەمەي قالاسىنىڭ تٶتەنشە جاعدايلار باسقارماسىنىڭ باستىعى.
2012-2014 ج.ج. — جامبىل وبلىسىنىڭ تٶتەنشە جاعدايلار دەپارتامەنتٸنٸڭ باستىعى. 2014-2016 ج.ج. — باتىس قازاقستان وبلىسىنىڭ تٶتەنشە جاعدايلار دەپارتامەنتٸنٸڭ باستىعى. 2016-2019 ج.ج. — قر ٸٸم تٶتەنشە جاعدايلار كوميتەتٸ تٶراعاسىنىڭ ورىنباسارى. 2019 جىلدان تٶتەنشە جاعدايلار كوميتەتٸ تٶراعاسىنىڭ بٸرٸنشٸ ورىنباسارى قىزمەتٸن اتقاردى.
ال 2020 جىلعى 10 قازاندا ٷكٸمەت قاۋلىسىمەن تٶتەنشە جاعدايلار ۆيتسە-مينيسترٸ قىزمەتٸنە تاعايىندالدى.
ەسكە سالا كەتەيٸك, اباي وبلىسىنداعى الاپات ٶرت كەزٸندە مەملەكەت باسشىسى جەدەل شتاب وتىرىسىن ٶتكٸزگەن بولاتىن. سول جيىندا قاسىم-جومارت توقاەۆ تٶتەنشە جاعدايلار ۆيتسە-مينيسترٸ مارات كٷلدٸكوۆتٸڭ سٶزٸن بٶلٸپ, مينيسترلٸك جۇمىسىن سىناعان ەدٸ.
«مەن قىزمەتٸنەن بوساتقان مينيستر ٶزٸنٸڭ تٸكەلەي قىزمەتتٸك مٸندەتٸن ورىنداۋعا نەگە مٷلدەم نەمقۇرايلى قارادى?! 14 ادام قازا تاپتى. سٸز وسىنى تٷسٸنەسٸز بە? مەن ولاردىڭ وتباسىلارىمەن كەزدەستٸم. بۇل ازاماتتار ٶز وتباسىنىڭ پەرزەنتتەرٸ, وتاعاسى بولاتىن. بٸر وتباسىندا ەكٸ جاسار بالا جەتٸم قالدى. ادامداردىڭ ارتىندا نەسيەلەرٸ قالدى. ولار وتباسىنىڭ جالعىز اسىراۋشىسى ەدٸ. ٶرت بٷكٸل ەلەمدە بولادى, بٸراق ول جاقتا تيٸستٸ شارالار قابىلدانادى. مينيستر كەلمەدٸ, وبلىس ەكٸمٸ تىم باياۋ قوزعالدى, ورىنباسارلارىن جٸبەردٸ. جۇمىسقا دەگەن وسىنداي قارىم-قاتىناس بولا ما?! وسى جٶنٸندە ەسەپ بەرٸڭٸز! ناقتى سۇراق – نەگە قاتە بولجام جاسالدى?» - دەدٸ سول كەزدە پرەزيدەنت.
