بٷگٸن حالىققا ونلاين رەجيمدە ەسەپ بەرۋ كەزدەسۋٸندە ەدٸلەت مينيسترٸ مارات بەكەتاەۆ پرەزيدەنتتٸڭ تاپسىرماسى بويىنشا ۆەدومستۆو ەزٸرلەگەن زاڭدار تۋرالى تٷسٸنٸك بەردٸ, دەپ حابارلايدى قازاقپارات.
«بٸرٸنشٸدەن, «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسييالىق زاڭىنا تولىقتىرۋلار ەنگٸزۋ تۋرالى» كونستيتۋتسييالىق زاڭى بار. زاڭمەن پارتييالىق سايلاۋ تٸزٸمدەرٸندە گەندەرلٸك جەنە جاستارعا ارنالعان كۆوتالار ەنگٸزٸلدٸ. ەيەلدەر مەن جاستاردىڭ كەمٸندە وتىز پايىزىن پارتييالىق تٸزٸمگە قوسۋ تۋرالى تالاپ قويىلدى. بۇل ەلٸمٸزدٸڭ قوعامدىق-ساياسي پروتسەستەرٸنە ەيەلدەر مەن جاستاردى بەلسەندٸ تارتۋ ٷشٸن قوسىمشا قۇقىقتىق جاعدايلار جاساۋعا مٷمكٸندٸك بەردٸ», - دەدٸ م. بەكەتاەۆ.
سونىمەن قاتار ول «ساياسي پارتييالار تۋرالى» زاڭعا ٶزگەرٸس پەن تولىقتىرۋلار ەنگٸزۋ تۋرالى» زاڭعا توقتالدى. ول ساياسي پارتييالاردى قۇرۋ ٷشٸن تٸركەۋ تالابىن قىرىق مىڭ ادامنان جيىرما مىڭ ادامعا دەيٸن تٶمەندەتۋدٸ كٶزدەيدٸ. زاڭنىڭ ماقساتى - كٶپپارتييالىلىق پروتسەسٸن ودان ەرٸ دامىتۋدى قامتاماسىز ەتۋ, سونداي-اق مەملەكەتتٸك شەشٸمدەردٸ ەزٸرلەۋ مەن قابىلداۋ پروتسەسٸنە جاڭا ساياسي پارتييالاردى تارتۋ.
«اعىمداعى جىلدىڭ 25 مامىرىندا مەملەكەت باسشىسى «قازاقستان رەسپۋبليكاسىنداعى سايلاۋ تۋرالى» كونستيتۋتسييالىق زاڭىنا تٷزەتۋلەرگە قول قويدى. پارلامەنت مەجٸلٸسٸنە سايلاۋ كەزٸندە ساياسي پارتييالاردىڭ ٶتۋ شەگٸ جەتٸ پايىزدان بەس پايىزعا دەيٸن تٶمەندەتٸلدٸ, بارلىق دەڭگەيدەگٸ سايلاۋ بيۋللەتەندەرٸنٸڭ نىساندارىنا «بارلىعىنا قارسى» دەگەن جازۋى بار باعان ەنگٸزٸلدٸ. بۇل نورما ساياسي بەسەكەلەستٸكتٸ ارتتىرۋعا ەلەۋلٸ ٷلەس قوسادى, سونداي-اق مەملەكەتتٸك ساياساتتى جٷرگٸزۋ بارىسىندا حالىقتىڭ پٸكٸرٸن كٶبٸرەك قامتۋعا جەنە ەسكەرۋگە مٷمكٸندٸك بەرەدٸ دەپ پايىمدايمىز», - دەدٸ مينيستر.
ٷشٸنشٸدەن, قولدانىسقا بيىلدىڭ بٸرٸنشٸ شٸلدەسٸنەن باستاپ ەنگٸزٸلەتٸن ەكٸمشٸلٸك رەسٸمدٸك-پروتسەستٸك كودەكس قابىلداندى. بۇل – بٸزدٸڭ قۇقىقتىق جٷيە ٷشٸن جاڭا قۇجات.
«ازاماتتارعا مەملەكەتتٸك ورگاندار شەشٸم قابىلداعانعا دەيٸن تىڭداۋ قۇقىعى بەرٸلەدٸ. سونىمەن قاتار, ازاماتتارعا ٶتٸنٸشتٸ رەسٸمدەۋگە, سونداي-اق دەلەلدەمەلەر بازاسىن جيناۋعا كٶمەك كٶرسەتۋدە سوتتىڭ بەلسەندٸ رٶلٸ ەنگٸزٸلەدٸ. ەكٸمشٸلٸك ەدٸلەتتٸ ەنگٸزۋ مەملەكەت پەن قوعام اراسىنداعى قارىم-قاتىناسقا جاڭا سەرپٸن بەرەدٸ», - دەدٸ ۆەدومستۆو باسشىسى.
