ۇلتتىق قوعامدىق سەنٸم كەڭەسٸنٸڭ مٷشەسٸ, ەۋروپالىق قۇقىق جەنە ادام قۇقىقتارى ينستيتۋتىنىڭ ديرەكتورى مارات بەشٸموۆ پرەزيدەنتتٸڭ ٷكٸمەتتٸڭ كەڭەيتٸلگەن وتىرىسىنداعى تاپسىرمالارىنا قاتىستى پٸكٸر بٸلدٸردٸ. زاڭگەردٸڭ ايتۋىنشا بۇل وتىرىس بۇرىنعى جيىنداردان ماڭىزى جوعارى. سەبەبٸ قازٸر ٷكٸمەتتٸڭ ەڭ ماڭىزدى جۇمىسى – حالىقتىڭ دەنساۋلىعىن ساقتاۋ بولىپ وتىر, دەپ حابارلايدى قازاقپارات.
«ٷكٸمەتتٸڭ كەڭەيتٸلگەن بٷگٸنگٸ وتىرىسى بارلىق جاعىنان دا ماڭىزدى بولدى. ٶيتكەنٸ حالىق قازٸر بيلٸك تاراپىنان ناقتى قانداي شارالار قابىلداناتىنىن كٷتٸپ وتىر. ەلدەگٸ جاعدايدى ٶزٸڭٸز كٶرٸپ وتىرسىز. قاسىم-جومارت توقاەۆ بۇعان دەيٸن دە ەڭ الدىمەن قاراپايىم حالىقتىڭ ٶمٸرٸ مەن دەنساۋلىعىن بٸرٸنشٸ ورىنعا قويۋىمىز كەرەكتٸگٸن ايتىپ كەتكەن بولاتىن. بٷگٸن وتىرىستا وسى سٶزٸن شەگەلەي تٷسٸپ, حالىقتىڭ دەنساۋلىعى – ۇلتتىق قاۋٸپسٸزدٸك مەسەلەسٸمەن تٸكەلەي بايلانىستى ەكەنٸن ايتتى. ياعني پرەزيدەنت ۇلتتىق قاۋٸپسٸزدٸككە باسا ماڭىز بەرٸپ وتىر. سەبەبٸ ازاماتتاردىڭ قۇقىقتارى مەن دەنساۋلىعى – ۇلتتىق قاۋٸپسٸزدٸك تۋرالى زاڭنىڭ بٸرٸنشٸ بەتتەرٸندە-اق تۇر. زاڭگەر رەتٸندە مەملەكەت باسشىسىنىڭ وسى سٶزٸنە ەرەكشە نازار اۋداردىم», - دەدٸ مارات بەشٸموۆ قازاقپارات تٸلشٸسٸنە تەلەفون ارقىلى بەرگەن جاۋابىندا.
ساراپشىنىڭ ايتۋىنشا پرەزيدەنت ٷكٸمەت پەن مينيسترلٸكتەرگە, ەكٸمدٸكتەرگە دەنساۋلىق ساقتاۋ سالاسىن بٸرٸنشٸ ورىنعا قويىلۋى كەرەكتٸگٸن ەسكەرتكەنٸن ايتىپ ٶتتٸ.
«ٷكٸمەتكە ەلدەگٸ احۋالدى جاقسارتۋعا ەكٸ اپتا بەرٸلدٸ. بۇل – ٷكٸمەت ٷشٸن سىناق بولعالى تۇر», - دەدٸ ول.
