ۇلتتىق قوعامدىق سەنٸم كەڭەسٸنٸڭ مٷشەسٸ, ەۋروپالىق قۇقىق جەنە ادام قۇقىقتارى ينستيتۋتىنىڭ ديرەكتورى مارات بەشٸموۆ پرەزيدەنت كارانتين شارالارىن ەكٸ اپتاعا ۇزارتۋ تاپسىرماسىنا قاتىستى پٸكٸر بٸلدٸردٸ, دەپ حابارلايدى قازاقپارات.
«مامىر ايىندا شەكتەۋ شارالارىن جەڭٸلدەتتٸك تە ەلدە ٸندەت قايتا ٶرشٸپ كەتتٸ. شٸلدە ايىنىڭ باسىندا ەنگٸزٸلگەن كارانتين شارالارى تامىزدىڭ باسىنا دەيٸن ۇزارتىلدى. بٸزدٸڭ ەل سەكٸلدٸ باسقا مەملەكەتتەر دە امالسىز كارانتين مەرزٸمٸن ۇزارتىپ جاتىر. ٶيتكەنٸ ول ەلدەردە دە, بٸزدٸڭ مەملەكەتتە دە پوزيتيۆ بار دەسەك تە ٸندەتتٸڭ بەتٸ ەلٸ قايتا قويعان جوق. مەملەكەتتٸك ورگاندار دا ايىلىن جيىپ, حالىق تا نازارىن بۇل مەسەلەگە كٶبٸرەك بۇرا باستادى. پرەزيدەنتتٸڭ بۇعان دەيٸن ٷكٸمەتكە جاساعان ەسكەرتۋٸن بٸلەسٸزدەر. ەيتسە دە بٸزدٸڭ ەلدە ٸندەتتٸ ەڭسەردٸك دەپ ايتا المايمىز. سەبەبٸ كٷنٸنە 1500-گە تارتا ادامنان كوروناۆيرۋس انىقتالۋدا», - دەدٸ مارات بەشٸموۆ قازاقپارات تٸلشٸسٸنە تەلەفون ارقىلى ايتقان پٸكٸرٸندە.
ونىڭ ايتۋىنشا, پرەزيدەنتتٸڭ كارانتين شارالارىن ەكٸ اپتاعا ۇزارتۋى – ٶتە ماڭىزدى ەرٸ كەرەكتٸ شەشٸم.
«ٶيتكەنٸ قازٸر جاعدايدى باقىلاۋدان جٸبەرٸپ الساق, ۆيرۋس قايتا ٶرشٸپ كەتۋٸ مٷمكٸن. حالىققا كٸنە ارتىپ جاتقانداردىڭ پٸكٸرٸمەن كەلٸسە قويمايمىن. ەيتسە دە ۆيرۋسقا ەلٸ دە سەنبەي جٷرگەندەر بار. ٶكٸنٸشتٸسٸ, كٶشەدە ماسكاسىز, ەلەۋمەتتٸك قاشىقتىقتى ساقتاماي جٷرگەندەردٸ ەلٸ كٶرٸپ جٷرمٸز. سوندىقتان كارانتين شارالارىن مەنٸڭشە قاتاڭ ساقتاۋدى ەكٸ اپتاعا تاعى ۇزارتۋ كەرەك. بۇل دۇرىس شەشٸم», - دەپ قايتالادى سٶزٸن ول.
